فـ النهار ارتّب احداث الحكايه=وفـ المسا اغويت فوضى هالكلام
يستبيح الليل صمته للغوايه= عذرةٍ قدّت فساتين الظلام
انْ بديته طِهْرْ يِتساقط خطايه=ولاندمته زمّلوني بالملام
ان لِزَمْتَهْ صمت باطراف الوشايه= ثرثرت اسراري بـ كفوف الغمام
وامطرتني كره واحقاد ونكايه=واغرقتني بين (غين) وبين ( لام)
يمّمت وجهي شطر هاك المرايه=وانكسر وجهٍ توارى في الزحام
جيت المّه باغِتْتْني هـ الشظايه=وانْبِتَتْ بـ اطرافي الغضّة حمام
جيت ادوّرني عِجزت الْقى سِوايه=غادرو..الآي وحدي و الحطام
كان بعضي للاسف ماهو معايه= لين كلّي غادر ارجائي وهام
موحشٍ هذا المدى مُخزي بُكايه=غادرٍ ليلٍ تِغافلني ونام
كنت اشوف البعض يتخبّى ورايه=مادريت بْطعنهم قاسي وسام
جيت ابَسْدِلْ ليل صبري و النهايه=جيت اسلّم وارفع الرايه امام
كان ودي اتمادى بالحكايه=لكن اللحظه تِثَنّتْ لِلسّلام

المشاركة الأصلية كتبت بواسطة نور الدنيا [عفواً يمكن مشاهدة الروابط للمسجلين فقط للتسجيل اضغط هنا] [align=center][size=4] جيت ادوّرني عِجزت الْقى سِوايه=غادرو..الآي وحدي و الحطام كان بعضي للاسف ماهو معايه= لين كلّي غادر ارجائي وهام

المشاركة الأصلية كتبت بواسطة بيـــــــــش [عفواً يمكن مشاهدة الروابط للمسجلين فقط للتسجيل اضغط هنا] صح لسانتس مير صح لسانتس عادةً الشعراء يتباهون بقدم زمن كتابة القصيدة أو أول مطلع لها وان دل على شي فهو يدل على جزالة لفظها ومعناها وحرص الشاعر على الإرتقاء لـ و بـ ذائقة متلقي ومتذوق شعره << يالبى منطوقي بس وانتي جايه مستاءة من هالتأخير واللي سواه من حذف وإضافة وضبط وتعديل واللي وصل لنا من نبضتس كان الأجمل حتى ولو اني ماشفت اللي انحذف قبل تقضين على أنفاسه (وجه ساقط في التعبير) لامار لاتطقتس الغلقه واستمري مبدعة كما أنتِ :: ::

فالك البيرق وما فيك حيله



شاكر لك اختي