اذا صورتك مهي حادة .. فليس لها سنع
وكما يقول المصور العالمي " سفيان الخزرجي " اذا صورت بورتريه ولم تكن العينين حادة التفاصيل فارم صورتك في اقرب زبالة .
كثير من صورنا جميلة لكن العيب اللي فيها هو قلة الحدة في الصورة
والعكس تجذبك بعض الصور بحدتها وليس بجمال تكوينها أحيانا
وحتى تحصل على صورة بتلك الحدة لازم تتوفر بعض الامور :
"" لايكفي واحد من الامور التي سأذكرها .. مهم جدا أن تجمع أكبر قدر منها في صورة واحدة ""
1- الحامل الثلاثي .. " ترايبود " ليمنع حركة يدك من هز الصورة .وكل ما كان اثقل كان اقل اهتزاز خاصة مع وجود هواء.
2- رأس الحامل ذو النوعية عالية الجود .. لكنه عالي السعر ايضا
.
3- استعمال الريموت أو المحرر السلكي للضغط على زر الغالق ( زر التصوير ) لانك وبحركة يدك الخفيفة على الزر راح تهز الكاميرا .
4- ما معك ريموت او سلك المحرر ... استخدم التوقيت .. 5 ثواني كافية .
5- تثبيت المرآة ... (المراية يعني ) وهذي ميزة ما راح تحصلها في كل الكاميرات .. ( انا لقيتها في كاميرتي D50 من Nikon
) .. وان كانت هالحركة فيها نوع من الوسوسة لكنها مفيدة لجعل الصورة أكثر حدة .
6- عطل وظيفة مانع الاهتزاز ( قمة الوسوسة
) يقول سكوت ان مانع الاهتزاز مهمته يبحث عن الاهتزاز عشان يوقفه .. واذا انت سويت الخطوات السابقة وصارت الكاميرا ثاااابته فإن مانع الاهتزاز بيزعل ويقول اوريك ويقعد يطامر داخل الكام الين يهز الصورة ... <----- معليش تأثرت بنصبات الكاتب ... عاد الصحيح ان حركة المانع الطفيفة جدا جدا للبحث عن الاهتزاز ممكن تسبب اهتزاز بسييييييييط ..
7- عند الامكان استخدم فتحتين عدسة اعلى بدرجتين مثلا عندك فتحة عدسة أقل قيمة لها ( f/2.8) فهنا نستخدم ( f/5.6 ) و ( f/8 ) طبعا مهوب دايم تقدر تستخدمها لكن اذا قدرت ستكتشف انها فعالة في زيادة حدة الصورة .
8- استثمر مالك في العدسة قبل الكاميرا .. فالعدسات الممتازة عالية الجودة والتي غالبا تكون عالية السعر .. تعطيك نتائج عالية الحدة .. حتى انك ممكن تسحب على بقية العدسات بعد رؤية النتائج ..
انا عندي مثلا D50 كاميرا نصف احترافية بسيطة .. ممكت ادفع 3000 ريال واستبدلها بالاحترافية D200 لكن النتائج لن تكون كبيرة الفرق مثل لو اشتريت لكاميرتي القديمة عدسة ممتازة .. بنفس القيمة .
9- خفظ مستوى الآيزو الى الحد الأدنى .. والسبب أن الآيزو ( حساسية الضوء ) كل ما زاد رقمه زاد معه التشويش .
10- بعد ما تصور كبر الصورة في شاشة كاميرتك لتتأكد ان الصورة حادة والا أعد التصوير اذا كانت الفرصة ما تزال قائمة ... لان الشاشة الصغيرة في الكاميرات عندما تعرض الصور كاملة تعطيك انطباع غير حقيقي عن الصورة .
11- بعد ما تنتهي من التصوير وتذهب للبيت افتح مستر فوتوشوب وراح تجد عنده استكمال لهوس حدة الصورة فباستخدام الاداة ( unsharp Mask ) من قائمةSharpen <------- filter ..
اختر القيم التالية : تصوير الناس : السطر الاول ( 150 ) السطر الثاني ( 1.0) السطر الثالث ( 10 )
......................... تصوير المدن : السطر الاول ( 65 ) السطر الثاني ( 3 ) السطر الثالث ( 2 )
......................... الوضع العام : السطر الاول ( 85 ) السطر الثاني ( 1 ) السطر الثالث ( 4 )
12- اذا كنت تحمل الكاميرا يدوياً ( سمعت ان بعض الدول منعت الحامل الثلاثي مثل بريطانيا .. خوفا على الناس يتكرفسون فيه ) فهنا ذكر سكوت حيلتين .. الاولى : استخدم ميزة burst وهي اللي تعطيك صور متتالية لنفس المشهد وذلك ان وحدة منها على الاقل بتكون أكثر حدة من الباقيات
الحيلة الثانية لازم ترجع للكتاب حتى ترى الصورة ..
هذا هو الفصل الاول باختصار يمكن يكون مخل شوي ... ولكن انصح بالرجوع للكتاب طفيه تفصيل أوضح وأحيانا الصور تقرب المفهوم أكثر ..
الفصل الثاني عن الزهور .. واذا فيه أحد بيشرحه خاصة من المصورات ... ولا وضعته هنا في المستقبل القريب ان شاء الله
سكوت كيلبي .. المصرقع ... أسرار التصوير الرقمي
~ وان ما لقيت مالي غير اني اروح بوظبي (بعد عمر"ن" طويل
) عشان ادوره ف مكتبة جرير ..
