Here In the old world..!!

**Buffy** · 12-09-2007, 03:25 PM

هنـــا,,
في ذات المكـــان..
مع إختلاف الزمان..
سكنوا قبلنا أقوام..
كانت لهم
قصصهم و يومياتهم..
كانت لهم
أحزانهم و أفراحهم..

كان لهم مجدهم
و سؤددهم
و صيتهم..

طوروا ماحولهم وتطوروا.
صنعوا من اللا شئ شيئاً..
تقف أمام إنجازاتهم كالعاجز..
لا تملك إلا أن تقول سبحان من ألهمهم كل هذا ..

يأخذك التفكير قليلاً إلى الأمام ..
هل سييمر علينا ذلك اليوم الذي ستُرى فيه مديتنا و عالمنا هذا..
مجـرد ماضـــــي..

أترككم مع الصور..

)( 1 )(

)( 2 )(

)( 3 )(

)( 4 )(

)( 5 )(

)( 6 )(

الصور ألتقطت بالدرعيه القديمه ..
أرائــكم تهمني ..

**شباب في رحله** · 12-09-2007, 09:32 PM

خساره مافيه رابط على الصور

**Remaan** · 12-10-2007, 09:17 AM

السلام عليج والرحمة ...

شحالج .. ~بافي~ ..

منورة الدريشة بهالموضوع الحلو ..

مقدمة رائعة دخلتني بجووو رهيب ..

سبقتيني من كم يوم مصورة معالم اثرية وف نفس الوقت ممكن نقول تراثية..

المهم ما عليننا نرجع للصور..

عندي تعليق ع اغلب الصور ..

لاحظت ان ينقصها التباين يعني تحسين بالصور شوي مغبرة وسطحية .. مالها ابعاد ..

)( 1 )(

حبيت زاويتها وكل شي فيها .. بنظري هيه الافضل .. ف المجموعة ..

بس ينقصها التباين مثل ما قلت ..

وهني بتعديل بسيط مني

)( 2 )(

الظلال على يمين ويسار الصورة خذت من جمال اللقطة الكثير ..

تمنيتها غير موجوودة ..

)( 3 )(

كنت اتمنى انج خليتي النخلة ع اليسار وما وسطتيها ف الصورة وخليتي الباقي من البيوت ع اليمين ..

بس احس ف الصورة شي غريب ؟؟؟ ما ادري هي مهزوزة ولا تنقصها الحدة ..

)( 4 )(

عجبني الماكرو وتعليقي نفس الصورة الاولى ..

وهني تعديل بسيط مني

)( 5 )( و )( 6 )(

زوايا حلوة و تحتاج تباين اكثر ..

همسة ود : تمنيت وجود اللينكـ

دمتي مبدعة
ريمان

**سحابة حب** · 12-11-2007, 02:12 PM

باااافي

غريبة منك تنسين الرابط ،،

حطي الرابط على الصور ،، و راسلي وحده من المشرفات

وانا لي عودة للصور بالتفصيل

**Buffy** · 12-11-2007, 02:30 PM

شباب في رحله & ريمان & سحابه ..

جل من لا يسهو ..

و برجع أحط الرابـط..

**شباب في رحله** · 12-11-2007, 05:39 PM

^
^
^
(f)

**Buffy** · 12-13-2007, 11:50 AM

السلام عليكم ..

تـمـ اضافـة الرابط للصور .. و بانتظـار تعديل الصور من أحد المشرفين..

**Remaan** · 12-17-2007, 12:24 PM

تمت المهمة ^^.

**Buffy** · 12-18-2007, 09:36 AM

ريماان ..

اشكرلك ردك ..

وتعديلك للصور طلعها حلوووه ..

سحاابه&شبااب..

حطينا الرابط تعالوا ردوا

سلطان الحوطي · 12-18-2007, 08:46 PM

الصور حلوه مثل المكان اللي هي فيه...

والأحلي اليدين اللي صورت <<يمدح ما يتغزل

وعجبتني الصوره اللي فيها نخل...

بالتوفيق انشاءالله

**Buffy** · 12-19-2007, 08:10 AM

سلطان الحوطي.......

ثااانكس على ردك .. و أهم شي أن الصور عجبتكم ..

**سحابة حب** · 12-21-2007, 05:31 PM

بافي ،،

رجعت لك ،،

الصور متميزة و كعادتك ،، ماتجبين إلا الشيء المتميز،،

اعجبتني الثالثة ،، و الاخيرة ،،،

ننتظر جديدك

**البَــتول** · 12-26-2007, 11:50 PM

يا هلا بافي

مقدمه رااائعه
تعيشج الجووو بتفاصيله

الصور بغض النظر عن ابعادها الفنيه
فهي راااااائعه بتفاصيلها ومعناااهاااا

..1 ..

مميزه
بس لو نزلتي بمستوى الكيمرا لتحت شوي
احساس ان الصوره مرتفعه نوعا ما

..2 ..

حلوووه
بس لو يبتيها من زاويه ثانيه

.. 3 ..

لقطه موووفقه
بس انتصاف النخله للصوره ما خدمها

.. 4 & 5 ..

لقطااات موفقه

.. 6 ..

روووعه

بس لو اعطيتيها بعد اكثر
يعني لو زادت مساحه الجدار الفاضيه

بافي
اسمحي لي وصولي المتأخر

تمنياتي لج بالتوفيق

اعلانات المنتدى