السلامو عليكم ورحمة الله وبركاته


اما بعد.


عزيزتي كاتبة الموضوع
المدعوه مايلقبني كبر


اول شي احب اهنيتس على هالطرح الملعون خير << خانه التعبير


وثانياً

حسيت فيه تناقضات في الامثله اللي ذكرتيها

طبعاً غير اللي قال عنها سلف خمسه


يعني انتي قلتي مدرس او مدرسه

خلينا نقول الطرف الاول أ والطرف الثاني ب

في مثال المدرسه بنقول المدرسه أ والطالبه ب

لكن انتي قلتي الطالبات او بمعنى اخر المعلمه تتعامل مع شخصيات كثيره

ووبنلقى اختلاف في الاعجاب من شخص الى شخص

بعكس الزوج والزوجه
اللي بيكون التعامل من شخص لشخص ولا بد انهم يبحثون عن الرضا بأي شكل كان


زبدة الكلام ان مافيه اي وجه تشابه بين مثال المعلمه والزوجه وزوجها

من رايي اذا كانت الحياه الزوجيه شعارها [ مين يكسب] زي المثال اللي قلتيه

اتوقع انهم وضعوا اول طوبه في مشروع فشل حياتهم


بعيد عن المثال

فلسفه خاصه فيني

فيه شغله يسمونها الثقافه الميكانيكيه

شعارها

سعيد يحك وانا ماحك؟!!

يعني


انا بعطيتس مثال


لو انتي عند الكاشير وماخذه اغراض ودفعتي الحساب وباقي لتس نص ريال
طبعاً وراتس ناس كثيرين ينتظرون دورهم
وقعد الكاشير يدور النص الريال حقتس ولا لقى عنده صرف ولازال يدور

وانتي واقفه وسامته ام الوجه عنده

الكاشير خذا وقت وهو يدور

ردة فعل الاشخاص اللي في الطابور وراتس وش بيقولون ؟


خلاص يابنت الحلال نص ريال لاراح ولا جا
والثاني بيقوول بعطيتس ريال كامل بس مشي الطابور


في هالوقت وش راح تسوين؟

بتمشين لان هالنص ماراح يغير او ينقص منتس شي
برغم انه ابسط حقوقك انتس تاخذين النص اللي هو خاص فيتس

لكن سمعتي لكلام الاغلبيه ومشيتي


يمكن تجين وتقولين طيب فيه حل ثاني

يمكن اخذ علك بدال النص وامشي


طيب بقولتس شغله او مثال ثاني

لو نفرض انتس رحتي تدرسين في رجال المع فاتحين كلية بنات هناك


والمهم انتوا عشر بنات في سكن واحد

وتسع من البنات يلبسون عباة كتف الا انتي تلبسين عباة راس
وكل يوم لاطلعتوا يضحكون عليتس ويتطنزون عليتس
طنازه مقبوله بحكم انهم صديقاتتس

بعد شهر او قد يكون شهرين او ثلاثه

بيصيرون العشره يلبسون كتف


ممكن هالنظريه تكون معاكسه لنظرية التفاحه الخايسه والكرتون اللي كله تفاح
نمبر واهد


ادري اني تفسلفت واجد

لكن اللي اقصده

ان اغلب افكار الاشخاص اللي عندنا او عند تواجد واحده من عشر زوجات
تبحث عن حياه طبيعيه مع زوجها
راح تتغير مع الوقت بحكم ان التسع الباقيات يمكن على الامثله اللي قلتيها



الزبده مدري انا ماسكه الجاده او اني ماسك سليته


( سليته = طريق صحراوي يجي فيه مطاب صغااار مره ومتكرره يعني تزهق)




يعطيتس العافيه اوختاه مايكبرني لقب
وانا من متابعيك ترا

__________________
.
.
.
.

اولا ... عليكم السلام ورحمة الله وبركاتة

ثانياً....شهادتك خيووو تاج ع راسي وحضورك وردك يبهج نفسي ويشرح خاطري >>

التناقضات خيوو ترجع لا ختلاف وجهات النظر >> وانا قلت في بداية الامثله انها لا تنطبق على الكل

واضافه الى اني تكلمت عن العلاقات البشرية بصفه عامه سواء بين شخصين او مجموعه من البشر

ويمكن انت بواقع خبرتك بالحياة اكثر مني .... وتعرف بحكم ان علاقات الرجل اوسع واكبر من علاقاتنا نحن بنات حوااء > ؟؟

نظرتك بناء على كيذا تكون ادق من نظرتي المحدوده << مثل كل البنات بيت ومدرسه وجامعه وبسسس

بس تدري حسيت التناقض اكثر في فلسفه حكني واحكك << وش دخل نص الكاشير

بعباية كتف رجال المع وكرتون التفاح

شكلك ماسك سليته << مسويه تمون

انا الامثله الي ضربتها تمثل شريحه من البشر احتكيت فيها بس مو معناها اني مؤمنة بصحة كل ما جاء فيها

بمعنى اخر الوسطيه في كل الامور مطلوبه (وجعلناكم أمة وسطا)

يعني بين البينين

ختااماا الله يعافيك وماقصرت على التحليل الرائع

يزيدني شرف متابعتك مواضيعي >> وانا نفس الشي

وترى انا ببداية كتاباتي يعني لا تدققون والخطأ وارد

إن تجد عيباً فسد الخللا ......... جلّ من لا عيب فيه وعلا

^
^
^
بالعكس حنا ماندقق حنا نناقش بعقلانيه

ونحاول نثري الموضوع من باب السوالف مع الاصدقاء (وجه بيكمون)


وعلى فكره لو اسلوبتس ماجاز لي

او لسلف لنفرض بحكم انتس قلتي اننا ناقشناتس


ماجينا نرد هينا


او ماشدنا الموضوع

لكن بالطرح المميز اللي استخدمتيه والفكره الرايقه والاسلوب السلس الشفاف

اجبرنا نجي ونرد


سوقيها الى الامام ونحنو معتس

وبالعكس انا جايز لي اسلوبتس

وياليت اي عضو يجي يكتب موضوع يكتبه بنفس هالشفافيه والطرح


الف شوكر مايلقبني كبر

__________________
.
.
.
.

8


8


عنننننننننننننننننننننن عنننننننننننننننننن << تسوقها وتحط مدير العالم على يمناها

عادي خيوو وجهات النظر لازم تختلف عشان يبقى بين الأصدقاء حوار ونقاش

لو اتفقنا بكل شي انعدم الحوار والنقاش وقفلتوا المنتدى>>> اوووخص يالفاهمه

وأرجع وأقول مرورك نور الموضوع

وتعقيبك الثاني يدل على طيب أصلك

ترى اتقبل النقد البناء ما عندي أي مشكلة

وسي يووو