..%..السلام عليكم ورحمة الله وبركاته..%..
جيتكم اليوم جامعه بعض الابيات .. عسى تعجبكم ...
بعض الابيات ماعرفت شعارهم ..اسمحولي..
تفضلوا..
^
^
^
اكبر قهر شوفت وليفك مع الغير
يضحك ويعطي مثل ما كان يعطيك
...
تعلم تحترم حب وتعلم تحترم انسان
تعلم دامها الدنيا عطتك الدرس مجاني
...
ليت الشرع يسمح اثنين بقبر واحد
كان وصيت ربعي بقبر ساره يدفنوني
...
لو إن المراجل في مزايين اللبوس
كان شفت العذارى تفتل أشنابها
...
أحبك طفل ٍ أعمى قاضب ٍ ثوبك يخاف يضيع
وأحبك شايب ٍ قرب يمـوت بغيبـة عيالـه
...
قولوله اني مااحبه كثر ترحالي ..
او لا حرام يتضايق ولا يبكيني ..
قولوله اني احبه بس من تالي ..
ان راح ولا رجع ماعاد يعنيني !!
(فهد المساعد) ...
...
ياشين بعض القصيد وياثقل دمه ..
لامن قريته كرهت الشعر وعلومه !!
ويازين بعضه تقل كني ولـد عمـه..
من زود حبه .. جعل يومي قبل يومه!
(محمد جارالله السهلي)
....
ماعلي خلاف اقول اللي ابيه ..
من فضل ربي علي اني قوي ..
الا حبك شي ما اقدر عليه ..
كن حبك الضيف والقلب بدوي !!
(ثامر شبيب) ...
....
والاكيد اني لقلبي بيدي وديتك
وعاد شوف اليوم وين الحب وداني !!
يا عساني صدق ولعتك وهميتك
ويا عساك بجد تعشقني وتهواني
ولو تقول اني بغيابي عنك عنيتك
انت همك صرت اعده((حسبة اخواني!!))
(محمد جار الله السهلي)
....
لو قالوو الناس خله ما لك وما له
بقول يجذب ولاادري كيف يجذبني
ادري ماهو زين لكن ماشي حاله
زينه مهو كل هذا بس عاجبني !
...
تكفين لايجرحك مني قسى اطباعي
كل الذي تشوفين مني بسبة الغيره
(صالح المتعب) ...
....
ونركض كننا اطفال واهدي ركضتي وخطـاي
عشان اشوف خطواتـك ونفسـي فيـك اهنيهـا
ومن بعد التعب نجلس وتقولين الصدر مركـاي
واقول الصدر لك مسكن وروحـك علّـي افديهـا
واسولف لك عن اشواقي واقول البعد هو بلواي
وقربك راحه لنفسـي ودموعـي عنّـك اخفيهـا
...
عساك سالم وفر الهرج وارتاح
خل العذر ياموجع القلب خله
ضيقة صدر مع تالي الوقت تنزاح
من عرض ضيقاتن لصدري تتله
أناابخص بحالن تدور للافراح
لاتنشغل دربي تراني ادله
ياماحلا الفنجال والبال منساح
يقولها "راكان"والكيف دله
(حمد بن سعد المسرع) ...
....
ليه انت بالذات ليمن غبت تشغلني؟
وغيرك لياغاب قلت الله يسهل له
ليه انت تقدر تعاندني وتسهرني؟
وليه انت تقدر تعقد القلب وتحله؟
يمكن لأنك بعيد وصرت ساكني
واللي أكيد الشعور اللي انت محتله
(حمد بن سعد المسرع) ...
....
بنت الحسب بنت النسب بنت الرجال العارفه
اللي لها بالصدر مجلس مايطوله غيرها
لوغبت عنها ثم سيلت دموعها لي ذارفه
ياكبر منزلها بقلبي كثر الله خيرها
امي نعم امي قضت كل العمر لي واقفه
ويوم انها كدت علي ترجي العشا من طيرها
(حمد بن سعد المسرع )
....
شفته وانا علمي بها يوم كانت
طفله مع الجيران تلعب صغيره
دار الزمن والوقت يمشي وبانت
من عقب ماهي بنت صارت كبيره
المشكله صارت كبيره وزانت
وعرق الحيا في جسمها يستديره
خانت جمال الكون ياخوك خانت
وعلي القمر والشمس صارت اميره
...
اشتكيته للرفوف وللبراويز الـهزيله
وانذعرت من النياح اللي سمعته في صورها
رحت اسولف للجبال الصم عن قصة رحيله
ماتركت متونها الا ينحت الدمع بصخرها
....
بعض العرب مايستحي لافيه شيمه ولا حيا
أسمع كلام المهزله وأعلمه صبر الرجال
أعلمه خلق النبي يوم اليهودي قد عيا
يومه غثا أشرف بشر والصبر في مثله محال
ماقال هذا واطيا وأنا النبي العاليا
زاره وأسلم وأستلم درب الهدى بعد الظلال
ياصاحبي ماهمني أركب شبح وإلا كيا؟
شيٍ يوديني أعملي كل غايتي إنه حلال
وأنته حرام أنك رجل لازم يسمونك هيا
تحسب طريق المرجله رزه وكشخه بالعقال
(أحمد الخالدي)
...
مشكلتي إني أشوف الناس من أهلي
وأعامل الناس مثل أبوي وأخواني
(أحمد الخالدي) ...
...
هرجك ليا جاني له القلب يرتاح
كنه يقول لضيقه الخلق روحي
(غير معروف) ...
...
بكيت وصارت الدنيا قفص واستوحش العصفور
ضحكت وملت شبوك القفص من كذب طايرها
عرفت شلون الارض تدور وايام الزمان تدور
والأعيان انصفت كيف ومتى تذبح محاجرها
ومتى تصير القبور بيوت وتصير البيوت قبور
وكيف الذكريات يذوب ماضيها بحاضرها
(ناصر القحطاني) ...
...
قصر الغلا في قلبي اللـي هدمتـه
الله يبيحك .. شاكره .. زين سويت
..
ما اقول قلبي على الاحباب متعالي ..
المسأله كل مافيني تواضع لكـ .
...
أنا سعوديه وما أجي بالتهاليل
والقاع تفخر يوم تحضن وطاتي
أنا الشموخ ومارضيت البهاذيل
كسرت خشم الوقت من قو ذاتي
ماني من اللي تقبل القال والقيل
شفني سنافية وأنا آحلى خواتي
..
جت على عزف البيانو لأحمر الورد الطروب
جت مسا مخمل وراحت مثل فجرية حرير
ما كشف سر الكرز في ثغرها غير الغروب
ولا عرف معنى العتيم بشعرها غير الضرير
جت مثل آخر سوالفنا مع انفاس الهبوب
جت وانا الله حق إلى من جت احس اني بأطير
(عبدالمحسن بن سعيد) ...
...
لا ترتبك يادخيل الله وتربكني
النفس من دون سبه معك مرتبكه
سوالف الناس تدري ماتشككني
فيك إنت بالذات ماتلحقني الشكه
ياطاغي الحسن من غيرك يحركني
هو فيه غيرك يرد الروح في ضحكه
(علي مساعد) ...
...
ماهو بكيفك تذكرني وتنساني
أشوف لا ضاق صدرك جيت تشكيني
تجيني أيام كلك دمع وتعاني
وأيام تنسا ولا تسأل أبد فيني
لا تقول وينك تدري وين تلقاني
على غيري إكذب تعذر يابعد عيني
(علي مساعد) ...
...
قلت لك ياقلب لا تآمن غريب
ليش تحرقني معاك وتحترق
بهالزمن ينساك حتى أقرب قريب
الوفا في هالزمن حبر وورق
أنا مو أول ولا آخر حبيب
فالنهاية مع حبيبيه يفترق
من متى صابت معي حتى تخيب
البخت وياي عمره ماصدق
(علي مساعد) ...
...
مهما ابتعدنا واغتربنا مواليف
والله على جمع المواليف قادر!!
(بدر المحنا) ...
....
ترى اصعب الموت موت يذبحك كل يوم
واصعب حياتك وانت جواك ميت
(الملتاع) ...
...
ما كل من يضحك بوجهك صفالك
بعض البشر تضحك بوجهك شماته
(بندر طلال السعيد ) ...
...
أجيك كلي وأدوخ بضحكتك كلي
واموت في لهفتك واتلحف جنونك
لاغاب طيفك انا يامنيتي من لي
يجرحني البرد وتدفيني عيونك
...
سمه دلع سمه غرور وعوابه
سمه مزاج يعشق اللي يناجيه
سمه قساوة قلب سمه صلابه
سمه لعانه سمه اللي تسميه
هذي طبوعي والغلا مو طلابه
يانور عيني غير هالطبع مافيه
...
لحدن يكلمني ترا خاطري شين
ضايق وبي تسعه وتسعين عله
هذي ثلاث ايام ما نامت العين
اصبح بهمي واسهر الليل كله
لعبت بنا الدنيا وصرنا مساكين
والوقت ضايقنا وصرنا عشاً له
(غير معروف) ...
...
انا قصه في حياتك وانتهت بين القبور
كل شي غير حبك اندفن تحت التراب
واذكريني لارفعتي كفك الحاني الطهور
وادعي اني ما اشوفك حتى في يوم الحساب
...
سهله تنام وخاطري منك زعلان
صعبه انام وباقي ٍفيك ضـيقه
ليل الحزن كله سهرته على شان
ماشوف عينك من دموعك غريقه
(نايف عبيد) ...
...
دق ولا تراني ماني بداق
أنا لو أني مزعلك دقيت
تعوذ من بليس وتزين ألأخلاق
وتلفن وحاضر ولا تلفن من البيت
شغل جهازك وأشحنه بعد ألأغلاق
ودق لجهازي يعملك كلوز ليت
خل أتصالي يقول مشتاق مشتاق
والذبذبات تقول مليت مليت
(سعد بن علوش) ...
...
يا بوي من قدي وانا لك وفيه
المهره اللي جبتها بنت رجال
(غير معروف) ...
...
ان قالت وش فيك قلت الجاني الجاني
واشر على رموشها الله لايوفقها
(نمر السحيمي) ...
...
ياناس هالأيام منها تشاءمت
عجزت اميز بين شرق وشمالي
الحظ شيعي والخطا لاني آمنت
من زود حقده صار ياطا ظلالي
لو لآن قلب الزير للوقت مالنت
نخوض انا وياه حرب وقتالي
درست عنده غصب حتى تعلمت
كتب علي خريج سود الليالي
(عودة مشعان العنزي) ...
..
ياحسين مايشكي من الوقت رجال
أنا أعرف رجالن شكا الوقت منها
...
دامك اليا غبت عني يضحك حجاجك
خلاص ..نفسك معي لاعاد تحرجها
(غير معروف) ...
...
من خوفتي لاحترق جنبت
هربت من شمسك لظلك
اخشى عليك الهوى لو طحت
وما تلني يمك يتلك
(خالد الفيصل) ...
....
ياخي أسمع...
مايكفيك أني أتكلم معاك..
وعيني تدمع..!!!
....
قالوا تحبّه ؟ قلت بالشهر الأول
يومي بوسط الرحم وهن ٍ على وهنْ
(غير معروف) ...
...
قبل امس انا ويّاك والثالث الليل
واليوم انا والليل بس أنت وينك؟
(معتق الفغم) ...
....
رجعت أتذكر الماضي واناظر قصتي وياك
لقيت أن الوفا طبعك وقلبي قال ياطيبك
(ثواب الحارثي) ...
....
قالوا العذال والعذال مرضى
وش بلى حالك من الأشواق قاضي
قلت يهجرني حبيبي لين يرضى
علموا الظالم ترى المظلوم راضي
(بدر بن عبدالمحسن) ...
.....
يامعدي المرقاب خله لمشتاق
أنزل وخلْ معذب القلب يرقا
ياليت ربي ماخلق حب وفراق
والا خلق حبٍ على غير فرقا
(محمد السديري) ...
....
بعيونها مسحة حول ياحلاها
حور واغايضها واقول الحول فيك
والصدق.. تدري عيونها وش بلاها؟
من زينها هذي تبي مشاهدة ذيك
(فهد عافت) ...
....
لو كل غالي يجي دايم على ذكره
ماصرت اشوفك هناك وحبك هنيا
ياليتني لابغيت أكره قدرت أكره
ماكان قلبي ليا جيت اكرهك عيّا
(متعب التركي) ...
....
ياصاحبي لا تقعد اتلّف واتدور
الطير وشهو لو كسرنا جناحه
منت بمعي يابن الاجاويد مجبور
من راح منيّ سمّح الله مراحه
(غير معروف) ...
....
أغلى ليالْ العمر وأغلى سنيني
عمر ٍ معك ياروح روحي قضيته
(السامر) ...
...
تذكرين أثنين صكـّوا بينهم بابّ المواجه؟
قالت انت تشكتي قصه عليك ابغى اشتكيها
قلت طيّب تعرفين اتعس رجلٍ يصعب علاجه!
قالت اللي حب له بنتٍ لا تجيه ولا يجيها
(غير معروف) ...
....
كل مادعيت الله يجيبك زدتني ببعادّ!
رحْ الله لايردك يمكن الدعوَات مقلوبَه
(عبدالمحسن بن سعيد) ...
...
في غيبتك كل الملا عندي اغراب
لاحد ٍ أبي قربه ولا احداٍ يبيني
(بدر بن عبدالمحسن) ...
...
عطني بقايا قلبك ابني بَه الشوق
الطير يبني من بقايا الشجر بيتّ
(غير معروف) ...
...
انا وقلبي تعاندنا انا صابر وهو مشتاق
يمين الله وهو قلبي تمرّ احيان ماطيقه
(غير معروف) ...
...
لو أتوب من الذنوب اللي جنتها الايام ضدّي
ماقدرت أتوب عن ذنبٍ يعن القلب صوبَه
كيف أتوبك ياجمل ذنوبي واوقف عند حدّي
وأنت ذنبٍ لاغفره الله ولا ليّ عنه توبَه
(ضيدان بن قضعان) ...
...
يوم كلن لابن عمَّه عصَب راسه وشَاشّ
ششْ ياراسي لارحم رحم ابو مَجناك ششْ
(ناصر الفراعنه) ...
...
تعال فتشني من اقصاي لـ اقصاي
وبحق ماتلقى سواك انت فيني
(علي السبعان) ...
....
يا سكرة المُوتّ بعد فرقاه زوريني
والله انك أرّحمْ ولا دنيَاي من دُونه
(غير معروف) ...
....
ليه أحس إني و أنا أشوفك حزين
وقلبي الليلة بهمي ممتلي؟
كانهـا الفرقا طلبتك حاجتين
لا تعلمني..ولا تكذب علـي!
خلني ما بين شكـي و اليقيـن
وش يهم رضاي خله و ازعلي
(بدر بن عبدالمحسن)
....
انا لو حطـّوا الدنيٌا بكفّ بس إني أخليكْ
رمِـيت الكفّ والدنيَا وجيتكْ بايع ٍ شاري
(غير معروف) ...
...
الودَاعّ اللي بـ علمْ.. لعيني أعبر من رمدها
والوَداعّ اللي بلا علمْ .. لـ قفى صدري غبينـَه
والودَاعّ اللي بلا رجٌعَه.. عليّ أمَرّ وادهَا
والله أنـّه غرغرَة سمّ وسكاكين ٍ سنِـينـَه
(ناصر القحطاني) ...
....
أعيش الحب باحلام ٍ تحرّى وعده المخلوف
ونظرات الخيانه قبل حبه تلمع بْعينه!
ومدري وش عطاني غير حزن ٍ ماكن ٍ بالجوف
وانا تلـّيت له قلبي بكبره من شرايينه
(عبير بنت أحمد) ...
...
قالوا عـلآمك ؟ قلت مآبي خلآف
مآبي بلآ ياكود فرقى المحبيـن
الحب لو يجحـد عليله يِـشاف
يدري به اللي عـارفً لوعة البين
شـئٍ يشاف وشـئ بالجوف خآفي
عـشر(ن) تبين وخافيـ(ن) منه تسعين
(خالد الفيصل) ...
....
قلبٍ يعـيش الغلا..لا يمكن يعادي
لو يصبح الموت عشـقه حاول يصونه
ومن عاش عمره وفا..ظن الوفا عادي
لو حس بالحـب مرة حرّم يخونه
(سعد آل سعود) ...
...
خـلاص اليوم لا عاشـق ولا قمرا
ولا ظلما ولا قلب بالوفا ساري
بودع ليلة الحـرمان والمسرا
بودع حسـرتي لجل الوفا وناري
كتاب العمر لك مفتوح وانت اقرا
ظلمني العشـق وأقسمت آخذ بثاري
(فالح العجلان) ...
...
كان جرح المشاعـر سر قلبك وفـاده
راحتك عندي أغلى..لو تموت الأماني
عطني احزان قلبك وخـذ مني وداده
عـش حياتك سعيد..وخل غيرك يعاني
الحـزن ماخلق لك..خـل الأفراح عـاده
ابتسـم..يبتسم لي ياحبيبي زماني
(سعد آل سعود) ...
....
حَان الفُراقّ وحانْ تَودِيعٌ غالينْ
قسوة زمنْ وظرُوفّ ماهي رحومَه
ثم قلت وش تنطر حبيبي لهالحيـن؟
أثرّ يدَيني مَاسكَاتٍ كمُـومَه!
(عابرة سبيل) ...
...
خدها ملمـس حرير ٍ آه منه ياسعيد
صوبتني بالنظـر يومها جتني خجوله
ان حكت يـم الكوابر اسكتوا مثل العبيد
وان وطت في ليل داجي نورها سالت سيوله
جاتني مثل المطر وابتدا حلم ٍ جديد
صافحتني بالورود وكرمتني بالبطوله
(سالم بن سلم) ...
...
ما يموت الشوق يا بنت الحـلال
ولا يهمّك لو تعاندنا الظروف
إن غدا شوفك عـن عيوني مُحال
والله إن القلب فـي جوفي يشـوف
له عيونٍ ما عَطـت غيـرك مجـال
غير وَصفك .. ما مَلا عينه وصـوف
(بسام بن عبدالعزيز)
...
سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه
سقى الله يوم كان اقصى طموحي..لعبة الدنان
نهاية يومي المغرب..واخاف الليل واشباحه
سقى الله يوم انا البس بشت ابوي وثوبه القيطان
واقلد كلّ شيٍ فيه..حكيه..جدّه..مزاحه
واشيل المسبحه مثله ليا هوجس وهو سرحان
بيشعر..واحسب ان اللي عطاه الشعر مسباحه
(محمد الدحيمي)
...
دنياي عـيت تصافيني لياليها
وصحيح من قال يادنيا من انتيله
ليت السعادة لهـا سوقٍ ونشريها
ماكان ضاقـت علي الدار والحيلـه
الدار ضاقت من اولها لتاليها
والصبر عيا علي من وين مااجيله
(المهرة)
.....
اللي عطيته كل حبي صفعني
بالغـدر يالله وين ذيـك الليالي
هاوي عـذابـي دون رحمـة دفعنـي
ياللخسـارة فالبقا وش بقا لي
تاريخ حظـي يوم خبـري خـدعنـي
واليوم حالي كافـي عن سـؤالي
(سعود بن بندر) ...
....
عقب البطا تنشد عن الحال ياشوق
انت الذي عقب البطا وش جابك؟
(غير معروف) ...
...
حبٍ يشيّب وصاحبه ما بَعَدْ شاب
وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب
وحبٍ يدوم وصاحبه في غيابه
وحب يذوّب خافقٍ ما بعد ذاب
وحبٍ يداوي صاحبه من عذابه
وحبٍ بلا معنى وحبٍ بلا اسباب
يبدا غريب وينتهي في غرابه
(غير معروف)
.....
أحبها حُبِي لخمس الصلوات
وأحبها حُب العرَب شَبة النار
أحبها حُب الوحَش للمنيفات
وأحبها حُب الطبيعَه للأمطَآر
محبةٍ يشرَب بها الشوق الأوقآت
وتمُر عجلَه والظمَآ بِالرجا حآر
حُبٍ عناوينَه محابيِس الآهات
مرضِى بتبديِله ولآ ارضَى به اختَار
(عبدالعزيز بن سعود)
.....
يمه يمه فديتك لا تخليني
بعثرني الهم وابغى يديك تجمعني
يمه .. افهميني تراك ان ما فهمتيني
مافيه شخص بهالدنيا بيسمعني
(عابرة سبيل) ...
....
ضايقه بالحيل محتاجه اشتكي
لولا طبع في .. يمديني شكيت
بس أدور عذر منشان البكي
لو يدوسون بطرف ثوبي بكيت
(عابرة سبيل) ...
...
وقفت اطالع بالاماكن حزينه
استرجع الذكرى وانا داخلي .. ضــو
اسوق من عندي بشاير ثمينه
اللي يعلمني بهم .. كانهم جو
(عابرة سبيل) ...
...
ليته درى صبحية العيد وش صار
ياهي جرت لي من عذابي هوايل
يوم العذارى بيحن بعض الاسرار
وجت السوالف بين قيل وقايل
هذي معايدها قبل وقت الاسحار
وهذيك صاحبها عطاها رسايل
(عابرة سبيل) ...
...
مدري رجا مدري وفا مدري احساس
انظرك وادري قلت لي منت راجع
يامن سوت عينه مخاليق واجناس
ادخل على الله .. لا تزيد المواجع
(عابرة سبيل)
...ما ارضى اخونك ولا ارضى اعيش منحرفه
ماهو عشانك عشان النفس والعالم
درب الخيانات لو اموت ما اعرفه
لكن ياعمري .. تحاشى ثورة الحالم
(عابرة سبيل)
...
عقب البطا أرسل عليه سلامه
يطلب ويرجيني يبي تضحياتي
مقدر اضحي بالشرف للملامه
وأمومتي ترفض أيتّـم بناتي
ان ما حصل لقياك يوم القيامة
ماظن تحصل شوفتي ياغناتي
(عابرة سبيل ) ...
....
اشهد اني لغيره بالغلا ما عطيت
واشهد انه بغاني مير مامن عوين
صحت من قلب ياويلي على اللي هويت
وقمت امسح دموعي من يسار ويمين
لا طرالي حبيبي بصوت واطي حكيت
إنّا لله وإنّا للولي راجعين
(عابرة سبيل) ...
....
حان الفراق وتم توديع غالين
قسوة زمن وظروف ماهي رحومه
ومسكت نفسي تقل ما صار شين
اخشي على خلي يشقق هدومه
ثم قلت وش تنطر حبيبي لهالحين ؟
اثر يديني ماسكاتٍ كمومه
(عابرة سبيل)
...
لا قال لي ردي .. ولا قال لي روحي
لا هو مريحني ولاهوب مرتاح
يغيب ويعوّد يفتق جروحي
واذا استجد الجرح لوح لي وراح
واضحك واجامل وادعي بالفروحي
وبداخلي نار وتجاريح وصياح
(عابرة سبيل) ...
...
والله ما عمري تبعت المقفين
وان هان عمري ما تهون الكرامة
...
واللي عنده جديد لايبخل ..ولي عودهـ ..
..مسمس ..
ابيات منسوجه من ذهب ..(باقه بذوق مسدحتهم)
