[ يمه ابي اكبر واصير دختور ] !!

هــاهــ · 10-01-2007, 09:27 AM

السلام عليكم ورحمة الله وبركاته

يصبحكم بالنور ياللي في النور

ويمسيكم بالخير ياللي في الليل

يمه ابي اكبر واصير دختور

يمه ابي اكبر واصير طيار قد الدنيا

يمه ابي اكبر وامسك خفاره

يمه ابي اكبر واصير جندي قد الدنيا

بكل حماس ترد الام [ ان شاء الله ] ياولدي

تجي البنت

يمه ابي اكبر و اطلع طياره

يمه ابي اكبر و اطلع مدرسه في المدرسه التاسعه و التسعون

يمه ابي اكبر واطلع رقاصه

بكل حماس ترد الام [ ان شاء الله ] يابنتي

الموهم يبدأ الابن اول ابتدائي وهو متحمس حماس اوب طبيعي

ويصير يصحى من ثلاثه الفجر ينتظر متى يروح المدرسه

وتنتهي اول ابتدائي بكل تميز للابن

تجي ثاني ابتدائي ويصير الولد يكره المدرسه شوي

على ذا الحال والكره يتزايد للمدرسه

وصل الابن بكل تفوق لثالث متوسط

اول ثانوي جاه الخير فيها جات الكيمياء وكل ابو شي

والله ويدج الولد بحكم صعوبة المرحله

ويتخرج بنسبة 91% وهو داج وهذا يدل على ان الولد فيه ذكاء اوب طبيعي

ويدخل الولد ثاني ثانوي وينجح بكل سهوله وبنسبه ماهيب طبيعيه

جات ثالث ثانوي والله والولد رجع لحماس اول ابتدائي

ويشد حيله وينهي الترم الاول بنسبة 99,99% <---- نسي نقطه من اسمه

ويجيه الخير في الترم الثاني ويعدي الاختبار الشهري بكل سهوله

الحين دور اختبارات الوزاره

وماأدراك مااختبارات الوزاره

والله وتجيه ذيك الاختبارات اللي تشيب الشعر

يعني اسئلة الفيزياء لو جابوا نيوتن وهو نيوتن يحلها مابيعرف يحلها

والكيمياء لو جابوا دالتون بخشته وقسم مابيعرف يحلها

الموهم يتخرج الولد بعد ماكرف نفسه وكرف حياته بنسبة 77%

الموهم راح الولد لأمه وبكل بروده اعصاب يمه تعرفين احد

في البلديه يوظفني زبال <------- يبي لها واسطه بعد

بالفعل قسماً بالله ان اختبارات [ الوزاره ] ان كل انسان قد تخرج يعاني بسببها

واكيد كلنا سمعنا عن الطالب اللي [ انتحر بسبب اختبارات الوزاره ] ظنتي في مكه بعد

بالرغم ان الشغله ماهيب تستاهل

بس جاني خبر ان ماعاد به اختبارات وزاره

ســ1/ في رأيك اختبارات الوزاره مبالغ فيها ؟؟

سـ2/ اذا كنت متخرج من الثانويه وايش رايك رايك في الاسئله من ناحية الصعوبه والسهوله ؟؟

ســ3/ تحس انه من المنطق ان والواحد يأذي نفسه بسبب اختبارات ؟؟

ســ4/ قولتك ام عصام بترجع لابو عصام ؟؟

مع تحياتيــ

**بيـــــــــش** · 10-02-2007, 04:23 AM

وعليكوم السلام عمو مدري وشو هاهـ

الحين ضاقت بك التواقيت كلها يوم تنزل الموضوع اليوم الصبح؟

ابله فاطمة اللي هي أبله فاطمة ماتدري اني بغيب

حتى يوم اتصلوا المدرسة اليوم أنا اللي رديت عليهم

وقلت لهم اني الله يدفع عني الشر مزكومة ونايمة بالمستشفى

علشاني صايمة وأبيها تبيّن انها كذبة وربي مايعاقبني عليها >> أصحاب السبت

عمو هاهـ

اللي فهمته انك تبي نقاش بهالموضوع

فخمنت ان الصالة صدرها أرحب للنقاش من غرفتنا المصونة

وان ركد الموضوع هناك أبرجع أرد عليك

<< منغثه

ويذ الدخاتر >> يعني أنا أمنيتي اذا كبرت أصير أميرة ،، أدرس وإلا أغيّر أهلي؟

**سحابة حب** · 10-19-2007, 12:45 AM

خيوو هاهـ ،،

موضوع يبي له قعده ،، بس انا توني راجعه من السفر ،،

خلني اروق و ارجع لك ،،

**سلف خمسة** · 10-19-2007, 01:46 AM

سلام ..!

هاهـ شلونك ياطيب

موضوع خفافي والرد عليه بيكون نقازي

يعني على كراع بسرعه

ياعمي كل قاعده لها شواذ

ليه الطلاب اللي بالفصل ما انتحروا كلهم مع اللي انتحر في مكه مدري وين

ياخي هذا يعاني

عنده مشاكل نفسيه والطالب غير سوي

لذلك مانلوم الوزاره

الا اذا تغير مسماها وصارت وزارة التربيه والصحه النفسيه

ذيك الساعه نقول هاتوا مع كل ورقة اختبار

مدرس يطبطب على الطالب

مانيب ملزوم بالنفسيات اللي يتطايحون عندي بالفصل

ويحطون العله بالإختبار

انا اذكر واحد مفطر كبده وفول الين قال بس

ودخل الإختبار وطرش

يوم طلع قال ياخي شفت الورقه ومدري وش جاني

لا ياشييييييييييخ

الا من الفول اللي كاتم نفسك وماتقدر تنسم

اختبارات الوزاره للأسف صارت شماعه يعلقون عليها الطلاب كل اهمالهم وكسلهم

خلني افيدك يامعلم

ياخي اختبار ثالث ثانوي يكون الشاب او البنت في مرحلة مراهقه

يعني توه متفتح على الحياه

و توه طايح في الدشره او بالأحرى الإندماج في المجتمع بحريه

يعني بيكون فيه اهمال للناحيه الدراسه

لاتقارنه بواحد في اول ابتدائي كل همه يرجع البيت وياكل ويذاكر

واذا خربها طلع من العصر الى المغرب ورجع

اجل اجيب العيد في الإختبار واطلع اعلق نفسي في عامود كهرب

وش هالمنطق

لابو الدراسه لابو ستين كلب اللي تخليني انتحر

فـ هذا الشخص او الأشخاص اللي ينتحرون او يجيهم شلل في الإختبار

هذولا قله وعندهم ظروفهم النفسيه وغير سويين

انا عديت الثانويه ولله الحمد بمعدل صحيح انه جفعاوي

بس ياخي اذكر اني كنت مهمل بقوه

ماكنت افتح الكتاب الا نهاية السنه وليلة الإختبار

ومع ذلك نجحت لاني ذاكرت وشديت حيلي شوي

بصراحه ماكنت اطمح لا طيار ولا مهندس

ابي اتخرج بس

عشان كذا ذاكرت على قدي واقتنعت بنتيجتي

اما يجيك واحد يبي مهندس وهو داج مع جدي

او انه مايذاكر اول بأول

هذا نقول له ترى سلاح الحدود يسجل ر ح قدّم

خلوني اقول لكم سالفة ذاكر اول بأول

ازعجوا ام امي اخواني وابوي ذيك الأيام

المذاكره اول بأول

والمدري وش

ياعمي ريحونا

ماهضمت اني كل يوم افتح كتاب وادرس شي انا دارسه قبل سويعات معدوده

ولا حسبت نتيجته بعدين

الين وصلت عمر الحين ماشاء الله

وصرت اشوف فهودي حبيب ألبي اخويا

يذاكر اول بأول

والله اني اجلس اطالعه واتعجب

شلون يجي له نفس يذاكر كل يوم

شغلته ينثر الكتب في الصاله ويجلس كل يوم يستقعد لـ ماده

وشف ماشاء الله عليه بالثانوي الحين ولايقبل غير الأول على الصفوف

تاخذ قد ماتعطي بهالدنيا

سواء بالدراسه او اي شي

هذا شي معروف لكن ماينظر له بعين الإهتمام والتحسيب لبعيد

ياخي انا مرت علي اختبارات الوزاره

بدون مبالغه مرت مرور الكرام تساهيل

وكل دفعتي تقريبا كلنا نفس الرأي

اما واحد ابوه وامه متماسكين الشوش البارح

واليوم مغمى عليه في الفصل

شدخل دين اهلي فيه ومشاكله العائليه

واللوم على طول على اختبارات الوزاره

لانها اخر حدث واجهه الطالب في هاليوم

الزبده

اختبارات الوزاره اقرب لانها تكون عاديه

وماتحتمل كل هالربكه والزحمه

واللي ينتحر او ينشل او حتى يبكي في القاعه

هذا مسكين عنده مشاكل نفسيه عنيفه

ودك تطلعه في الساحه وتدبج وجهه الين يبكي من جد

بعدين يالربع

اختبار الوازره يعني اختبار نهاية السنه

يعني تقييم لمستواك ومعلوماتك في كل صفحات الكتاب

عاد تعرفون الكتب اللي عندنا

كل واحد لا يقل عن 200 صفحه او حولها

هذا غير الدفتر اللي هو تلخيص المدرس

وغير الأوراق المساعده اللي تسهل عليك

يعني تصفى ليلة الأختبار على كومة اوراق مالها اخر

مطالب انك تحفظها وتفهمها لأن الأسئله بتجي منها

ياكم ورقه كتبنا عليها محذوووف من الزهق والغلقه

وياكم ورقه سقطت سهوا والا انكب عليها شاهي

وياكم درس ماهضمناه

قلنا بكره الصباح اخلي واحد يشرحه لي على السريع وصفطنا امه

اذا واحد يضمن انه ذاكر الكتاب كله من المقدمه الين الفهرس

اضمن انه يجيب معدل امتياز في الماده

اما واحد خويسعاني

اكيد بيجي عليه غلطات وهفوات لأنه مهب ملم بالكتاب كله

معليش الكلام داخل في بعض شوي ومش مترتب

بس اهم شي توصل المعلومه

يازينك يا هاهـ انت وموضوعك

حب لي خشيمك وكثر من هيك مواضيع ياحلو

شكرا يالذرب > حسيت اني اقصدني

مع السلامة ,,

وني وني وني

**سحابة حب** · 10-24-2007, 06:31 AM

يمــه ابي اكبر و اشبع نوم ،، و اقعد في البيت

^
^

نموذج لأماني الجيل الحالي ،،

حياك الله اخوي هاهـ

شوووف موضوعك ،، فيه وجهة نظر ،،

انا بين رأيك و بين رأي سلف خمسه ،،

صعوبة الثانوية العامة او بالاخص اسألة الوزارة في انها تحدد مصيرك ،،

يعني إما تجيب نسبه تدخل فيها قسم سنع و إلا ضف وجهك

بطريقة ثانيه فيه مراحل دراسيه اصعب بكثير من ثالث ثانوي ،، و مع كذا مالها هالهالة الإعلامية اللي ماخذتها ثالث ثانوي ،،

اولى ثاني موادها كثيره و اغلبها مفاهيم و نظريات جديدة ،، و مع كذا ،، نشووف ثالث ثانوي اصعب

اتوقع هالمشكلة بدت تنحل و النظرة تتغير مع سالفه المعدل التراكمي ،، و على ما اظن هالسنة او اللي بعدها بتصير الاسئلة من نفس المدرسة وبتلغى عملية اسألة الوزارة

شيء اخير طرى في بالي ،، على ايام ثالث ثانوي ،، كانت اسألة الوزارة عندي اسهل من اسئلة المدرسات في اختبار الترم الاول ،، استلمونا استلام باسئله تعجيزيه ،، هي اللي نزلت نسبنا مب الوزاره ،،

اخوي هـاهـ ،، موضوعك رائع ،، و ننتظر جديدك ،، و اتمنى ماتكون طلة و انتهت ،،

**غرشة فينتو** · 10-25-2007, 03:44 AM

كل سنه نفس الازمه النفسية

وكل سنه تزيد الصعوبة من الوزارة

والهدف واضح هو يبون جيل عاطل فاشل لا تقبله كلية وينشب لاهله ويسافر برى ويروح به

هذا المختصر المفيد للمساله

هي سلسلة دسائس على المجتمع

والا طلاب ذابحين ارواحهم بالمذاكره وايام من التوتر والاهل يوفرون لهم كل سبل الراحه للمذاكره

وبالاخير يطلع من الامتحان محطم نفسيا احساس الفشل يلاحقه طيلة يومه

كيف يذاكر لمادة باتسر وهو في قلبه غل وقهر من نتيجته باول يوم ؟

وحتى الفرص من شدة تضييقها يجبون لك اسئلة صعبة وغامضه

تحتاج لوقت مضاعف لحله من قبل طلاب عاديين مع انهم ممتازين لانهم مثابرين

اسئلة لا تحتوي على روح الاستنتاج والفهم للفرد العادي بل ترتقي الى اصحاب عقول فوق الطبيعي بالذكاء

اعترض هنا على السيد سلف خمسه >>> بوه احد قد احترمك قبل مثلي ؟

يا اخي وش نفسيته ووش وضعه بالبيت ؟؟

شدخل ام هواش اهله بعطاءه ؟

اذا كان وضعه بالبيت سيء وغير مريح فتأكد انه اصلا ما جاب نتيجة بالترم الاول

يعني متوقع ازفت من نتيجته الاولى اذا الاسئله من الوزاره

بس يجي واحد تكلف عليه اهله وعطوه دروس خصوصية كلفت الاب راتبه كله

يبي ولده ما يفشل ويبي ما يدور واسطات له بالكليات

>>هذي اهم نقطه

ويجيك بالاسئله تسنه ما يعرف ولا كلمة منها

ليش ؟ لان واضع الاسئله يبيه يفكر ويصير عبقري اليوم بس

طس بقريح اللي يطير بك يا واضع الاسئله >>>ما تسنه خربت ام السالفه

والله انه تحطيم وتثبيط لعزيمة الشباب والبنات بس نقوووووووول

الله المستعان والحمدلله اننا طلعنا على خير منه

طلعنا مع ذكرى شعور القهر من اول يوم وهو الرياضيات

ولا حول ولا قوة الا بالله

وكل كبير عليه اللي اكبر منه

يا هاه عاد الله لا يهينك تعال سولف معنا ورد علينا الصوت

jimmey · 10-25-2007, 07:10 AM

نعم مبالغ فيها

لالالالالالالالالالالا

طالعين بعد بطلعه جديده

تراكمي 2 و3 واحتمال السنة المقبله
يخلون اولى بعد انا اقول وش رايهم بعد يحسبون النسبة من اولى ابتدائي <<ممنوع التدقيق في الاملاء

من ذا الي يصدر هذه القرارات؟

jimmey · 10-25-2007, 07:12 AM

معليش طلعت من صلب الموضوع بس فيني قهر على هذه القرارات

2 و3 تراكمي واحتمال من 1 بعدين

هذا شي صعب يمر ع العقل

**سلف خمسة** · 10-28-2007, 04:08 AM

سلام ..!

هذي بذبحها اليوم

غرشه

تعالي يالإمعه

اقتباس:

وبالاخير يطلع من الامتحان محطم نفسيا احساس الفشل يلاحقه طيلة يومه

لأنه حمار

اقتباس:

كيف يذاكر لمادة باتسر وهو في قلبه غل وقهر من نتيجته باول يوم ؟

يذاكر عشان يصير شي اهون من شي

خلاص يعني مزفّت في اختبار امس

اجلس الاسبوع كله جايب العيد وما اذاكر

هو حمار لانه ماذاكر وبدّع في اليوم الاول

اذا مابدع كل الأسبوع يصير حمار بلس

اقتباس:

بس يجي واحد تكلف عليه اهله وعطوه دروس خصوصية كلفت الاب راتبه كله

يبي ولده ما يفشل ويبي ما يدور واسطات له بالكليات >>هذي اهم نقطه

ويجيك بالاسئله تسنه ما يعرف ولا كلمة منها

ليش ؟ لان واضع الاسئله يبيه يفكر ويصير عبقري اليوم بس

نبدا الرد من هنا

ليه اغلب الناس اذا جاب لولده مدرس

خلاص يحس ان الولد لازم يصير متفوق

فيه ناس ما خذوا مدرسين وماشاء الله عليهم نتايجهم ممتازه

وفيه ناس مثل محاكيكم كان عندي مدرسين

واحد حق رياضيات والثاني كيميا وفيزيا

كنت اروح لهم يوميا قبل الإختبارات بـ شهر

ومع ذلك جبت العيـد

وش الفرق بيني وبين الحمير اللي ذكرتيهم في بداية الرد

انهم مقطعين انفسهم بالمذاكره ومايحلون كويس في الإختبار

يعني عندهم مشكله في عقولهم

بس انا ماكنت مقتنع ولا مره ذاكرت من قلب

كل السالفه اني كنت ابي اخلص وبس

متى نغير نظرتنا للمدرسين الخصوصيين

ترى سبعين في الميه منهم تقريبا جايبين ام العيـد

الحسنه الوحيده فيهم انهم تقريبا

يكونون وسيلة لإلتزامك بموعد محدد تفتح فيه الكتاب

يمكن مع الشرح والزحمه تفهم لك معلومتين والا ثلاث

يعني مهب شرط كل من جاب مدرس انه يكون مدرس فاهم وصاحي

وبعدين ياغرشة حيخصلوه

الموضوع مهب سالفة وزاره والا تعليق فشلنا على امور ثانيه

الموضوع بإختصار

المكلف بوضع اسئلة الوزاره شخص مؤتمن انه يحطها من الكتاب

بيكون مؤتمن ومراقب في نفس الوقت

يعني نسبة التهاون عنده بتكون ضئيله نسبيا

والمدرس في المدرسه اللي يوصل المعلومه ويشرح للطلاب

مؤتمن انه يعلمهم صح بس ماعليه رقابه طول السنه

يعني العيب من التدريس

عندك 1+1 = 2

يعلمهم كذا ويعطيهم الواجب اكتبها عشر مرات

ولو جاهم في الوزاره سؤال

؟ + 1 = 2

محد يعرف يحله

لأنهم ماشين على شرح المدرس

بدل المطالبه بالرقابه على الوزاره والقردنه في تخفيف الأسئله

حطوا رقابه على المدرسين

خل الواحد منهم يشرح المسأله بكل تفاصيلها وكل احتمالاتها

عشان محد ينصدم من الطلاب بأسئلة الوزاره الملتويه

هاهـ زين انك فتحت الموضوع وخليتنا ندردش

والا وجهك وجه اللي مافيه امل يرجع يرد علينا

غريشة بنت فيمتو ال رمضان

شكرا للمداخله الظريفه

جيمي

ذاكر مثل الناس وتنجح

لاتجلس تفلسف على راسي صعبه ومدري وش

عندك كتاب خلنا نقول 300 صفحه

وعندك ســـنـــه كامله

يعني لو قسمناها

يطلع لك كل يوم صفحه وحده

تبي تنجح بتفوق كلف على نفسك وادرس كل يوم صفحه وحده بس

لا ويطلع لك بعد 65 يوم اجازه بدون تذاكر شي

واضمن لك تحفظ وتفهم الماده وتجيب فيها امتياز

شعب غريب

مع السلامة ,,

وني وني وني وني

**شقرديه** · 10-28-2007, 06:08 AM

^
^
خير إن شاء الله خلصت من الطلاب وقلبت على المدرسين

وبعدين وش 300 يوم الله يهديك ياسلف هو بيختبر في النصف الثاني

يعني تبيه يذاكر من النصف الأول العز الله جاب العيد في الترمين

ما علينا نجي للموضضوع ياهاهـ

شف وأنا أختك>>أحس أني قاعدة احاتسي نفسي

تدري المشكلة وش تكمن فيه أن الطلاب وأهلهم معطين

امتحان الوزارة أكبر من حجمه

تلقى الأهل قالبين راس ولدهم ذاكر ترى الإمتحان صعب

ولاّ ياويلك أن ماجبت نسبة ويبدى التخويف والتهديد

وإذا دخل الطالب الامتحان وقرا أول سؤال تشتت تفكيره

مابين عيونه الاّ أمه وابوه وش بيقولهم إذا رجع

أنا عارفه أن موب كل الأهل كذا لكن فيه منهم

وغير كذا أنا اتفق مع سلف في أن المدرسين لهم دور>>وش رايك فيني سلف وانا اتفق معك

أذكر يوم أني في ثالث ثانوي >>أجل ابتدائي

كنّا نذاكر من الدفتر يعني الكتاب حاطين عليه علامة×

ويوم جا النصف الثاني وامتحان الوزارة كلنا تبن

وقطعنا الكتاب تقطيع لكن وش عقبه

عشان كذا أنا كنت أحرص أني اتلافى هالأخطاء يوم درست

فكنت أحرص ان اسئلة المناقشة في الدرس والواجب من أسئلة الوزارة

والامتحانات الدورية برضو كنت أجيبها من أسئلة الوزارة

وفيه نقطة بعد أحب اضيفها اللي هي الركبة اللي يسويها

بعض المدرسين والمدرسات داخل القاعة

تلاقي الواحد منهم داخل عاقد حجانه>>الله يذكره بالخير

وباديها بهواش وصراخ

يعني الطلاب متوترين بسبب الامتحان بغض النظر عن كونه اسئلة وزارة

أو غيره

السنه اللي فاتت قبل امتحان الأدب وبحكم أني أنا مدرسة المادة

وقبل توزيع الأسئلة دخلت على الطالبات وقلت لهم وش اخبار النفسيات

تفاوتت الاجابة مابين الله يستر يا أستاذة وبين إن شاء الله الدرجة 30

قلت لهم عادي اللي ماتعرف موب مشكلة في دور ثاني

>>امحق رفع معنويات

قلت صدقوني الأسئلة مويه

قالوا شفتيها قلت إيه شفتها وأنا مانظرتها عيني

قلت بس أبغاكم كلكم الحين قبل ما أطلع تسمون وكل وحده على الأقل تشرب

نصف كاس مويه

والحمد لله الأغلبية طلعوا من الامتحان وجوا يناقشوني فيه

والخشش من الأذن للأذن >>مثل هالفيس

يعني المسألة هونها وتهون وسوا اللي عليك وتوكل على الله

والحين أصبحت أسئلة الوزارة جزء من الماضي

وناوية استقعد للبنات هالسنة بأسئلة أخليهم يحللون أسئلة الوزارة

وأدرك شقرديه الدوام

فسكتت عن الهذره اللي مال أمها داعي

يعني لاتدققون في البدليات والإملاء>>وجه يناظر واحد دموي

على فكرة ترى احتمال أرجع >>ياكثرتس

يالله مع السلامة

دوام دوام دوام دوام دوام

ياتسبدي 511 · 11-04-2007, 09:30 AM

السلام علاكم

والله الموضوع تلني اي شدني

وانا وجه نظر ان والله الواحد يكبر المخده ازين له وتجية النسبة تحبي الية حبو الطفل

الدراسة بالابتدائي هي فقط التي تلمك بالقواعد اي هي الاساس اهم شي شهاده سادس ابتدائي موهيك

من ثم من ادخل المتوسطة وزعط حالك وشارك بالنشاطات طول الثالث السنين

حتى تكبر في عينهم وترك الدراسة وطوع لك كم واحد دافور

يحيطك بلذي انت فية من دروس وتغشيش اثناء الحصة معي يااخوان .

جينا للدوار التسبير اي ثانوية

يعني شف هي علا بلاطة المسئلة انا الوزارة اسئلتها

يعني تخليك تهوجس وانت تحلها بالعلم اني في ثالث ثانوي

والله وربي كلهن خايفات الانا ويعني وزارة حط اللي عندك وكان الله غفوراً رحيم

ابك مد عيونك هنيا وهنيا الطش لك كم شي الموهم من المقدمة هاذي

ان الاشخاص الذي تاثروو بالوزارة واسئلتها والله مال امة داعي انتحر وكد حالي

هذاااللي ناقص اضيع وقتي علشان دراسة ياخي الصحة ماتجيك الامن الكرى الزين

اي النوم العميق بدون مباله

والله ولاانتحر ولااتنزل الأ شخبط شخبيط لخبط لخبيط

للحديث بقية هذه فقط مجرد مقدمة ...

شكراً علاالموضوع الراائع

اختكم ياتسبدي من عام 511وهل في ذلك شك ؟؟

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى