تشاينيز فوووود = صيني يالبرحه

**شوشو .. وبس** · 09-29-2007, 08:22 AM

السلام عليكم ياهل البيت

فردن فردن ونفرتن نفره

من منبري هذا اود اولاً ان اشكر الله

انه الهمني الصبر وماخلاني انزل موضوعي ويطير مع السيرفر

عشان ما استاثم فيه واكرهه في اليوم الي صار فيه سيرفرنا

وثانياً احب ان اشكر جميع من ناضل وساهم وعاش معي

مراحل صناعة الطبق مرحله مرحله

انهوا لا عمل انساني لا يضاهيه عمل

وثالثاً الشكر لمن راودته نفسه وقرر ان يجرب طريقتي الفريده

ورابعاً كني مصختها والي الطبق

التشاينيــــــــــــــــــــــز فــــــــــــــــود

المقاديــــــــــــــــــر:

صدور دجاج ( بدون عظم ) الكميه حسب عدد الاستشهادين

بصله كبيره مقطعه بشكل طويل

ثومه وحده بس << عشان امي ولا انا مابيها

الكثير من الجزر ( مسلوق) برضو بشكل طويل بس مو مره

فلفل بارد حبتين تكفي

بيبي كورن (ذره صغيرات )

صلصة الصويا

ونقدمه مع رز او مكرونه او اندومي للعجاوين <<< يعني مالكم حجه ياشلت الرفلات

المهم الي بيسوي رز يشوف امه كم كاس تسوي

ويحط نص الكميه رز عادي والنص الثاني رز مصري

والي بيسوي مكرونه هو حر يسوي الي يبي

والي ناوي يتعيجز ويسوي اندومي يحط عن لكل نفر كيس واحد ولا ينسى البهارات

(( الي مافهم الحتس يراجع الصور ))

الطريقـــــــــــــــــه :

يحمس البصل على النار بعد اضافت الزيت في المقلات << احلفي

ويضاف له الدجاج والملح والثوم

بعد ان يستوي الدجاج نضيف له الخضار واحد تلوا الاخرى

الجزر المسلوق

والفلفل البارد

والذره الصغيره بعد ان نقسمها لثنتين

نقلب الشعب ذا كله سوا وعند اخر مرحله من التقليب نضيف صلصت الصويا

ونشيلها من النار

الخلطه : (( هذي سر الاكله لا تعلمون حريم العيال )) << عجيز مخذرفه

ملعقه من النشاء + بياله من الماء + 4 ملاعق من الكاتشب

تخلط هذه المكونات وتضاف على الربع الي فوق بعد مايستوون

شوفوها بالصوره كيف يصير لون الخلطه

[img][عفواً يمكن مشاهدة الروابط للمسجلين فقط للتسجيل اضغط هنا][/img]

.. .. ..

وهذا صوص الصويا للي يعرفونه بس ناسين شكله

[img][عفواً يمكن مشاهدة الروابط للمسجلين فقط للتسجيل اضغط هنا][/img]

.. .. ..

وهذا الشكل النهائي للطبق بعدت ديكورات

الديكوريشن الاولي

[img][عفواً يمكن مشاهدة الروابط للمسجلين فقط للتسجيل اضغط هنا][/img]

.. .. ..

الديكوريشن الثاني

[img][عفواً يمكن مشاهدة الروابط للمسجلين فقط للتسجيل اضغط هنا][/img]

.. .. ..

يوم تعيجزت وسويته بالاندومي بس تراه اطعم

[img][عفواً يمكن مشاهدة الروابط للمسجلين فقط للتسجيل اضغط هنا][/img]

وفي الختام احب اهدي هذا الصرح الشاااهق

لملهمتي الفلته بيـــــــــــــــــــش << الفستق بالهيل يسلم عليتس

والاخت العزيزه نور الدنيا اوقولها التشاينيزين كلهم يسلمون عليك

والصور الاخيره اهديها

للاخت ماله داعي

واقولها عش العصفور يسلم عليتس

كنت ناويه اخليها طبق بديل بس سبقتيني

على فكره هذي الطبخه مسويها اخوي مو انا

[img][عفواً يمكن مشاهدة الروابط للمسجلين فقط للتسجيل اضغط هنا][/img]

وسلام مربع لاهو مدور ولا مكلكع لكل الناس الي شرفوووني

وفتكوا بعافيه

**شباب في رحله** · 09-30-2007, 07:27 AM

السلامو عليكم

اخص منتي بسهله قسم بالله

عاد الاكل الصيني من اول

اذا مريت على مطعم مكتوب مطعم صيني

اقوول مالت على اللي يروحون له

لو مابقى في العالم مطعم الا هو ماكليت منه

لين جربته وبضغط من واحد واعجبني

خاصه لاجا رز مقلي وسويت جكن (وجه جكي شان)

طيب تعال

الحين طبختتس واعجبتنا

اما العش اخر صوره
حقت اخوتس

يسمع بالشيف؟

او انه راعي حمام

اشوا انه ماتحمس وحط بيضتين في كل عش (وجه حمام قلابي)

^
^
^
تخيلت هالصحن ادهر فيه لكن قبلها اشيل الذره حقت سيده ملعقه

ينطيتس العافيه شوشو هانم

<<< هذا الشخص اطال الله في عمره متابع لتس جيدن جدن

**شقرديه** · 09-30-2007, 07:30 PM

وعليكم السلام والرحمه

اسمعي شوشو وانا اختس بلا شاينيز بلا جابنيز بلا سديراويز

سلمي لي على البرتقال والليمون

حيث اني لي أسبوع اتسحر وافطر عليه

واللي قاهرتني أختي أرفل ما خلق ربي

وكل هذاك الأسبوع طالعة لنا بطبخة شكل

وأنا أزرط على الشكل أما الطعم كلهن طعمهن مضاد >>صورة اموكسيل

بس هذا مايمنع أن طبقتس شكله حلو شكلي بخليه

مع صيام الست ان الله احيانا وعافانا

تعالي شوشو ماهقيت انتس سنعه

كنت عادتس مثل بيش ونموله>>عليها قل صح وشرها فيها

شوشو جعلي ما اخلا منتس

وجعل يدياتس أنت واخيتس ماتعرض على النار

على هيك طبيخ وصور تفتح النفس

لكِ كل الود>>على فيفادول

**بيـــــــــش** · 10-01-2007, 09:59 AM

8
8
ماعليتس باس ياأبله (وجه غايب)

واضح انتس داخله جو عميق مع المضاد والفيفادول

بالماريه شوفي ردتس على الطيور وأعشاشوها

وخري مناك ترى مناعتي هالأيام جدارها مهدوم

خليني أشوف الناس اللي ماهوب انتي يا رفلة سدير وضواحيها >> بتنزل موضوع

ولانتتظرين موضوعي لأنه صعب عليتس تنفيذه

حتى لو بتسوينه في صيام عاشور أأكد لتس ماتقوينه

<< مضيعه مكان الدعايات

ماله إلا توقيع نملايه

خطــــــــــــــــــــــــــــــــــــــــــــــــ ــــــــــــــــــــــ

وعليها السلام سوسو وبش >> مصاله صباحية

يالبى قلبي وأنا ألهم السنعات مثلي

(وجه معزوم اليوم)

مدري وش طراه بس حاولي تتقبلينه

وأقول مالت على السيرفر لاتطرينه لاأقلب عليتس الحين

بقلبي عليه هالكبر >> متمغطه

خلينا منه الله لايعيده وتعالي منتس انتي

وخليني أتذوق معتس طبق الصين الأمهاتي

اقتباس:

ثومه وحده بس << عشان امي ولا انا مابيها

اقتباس:

المهم الي بيسوي رز يشوف امه كم كاس تسوي

حسيت ان الطبخه حنونة

حتى شوفي الرز كيف محتوي الشعب المخلوطين >> على جزر مسلوق

واضح إلهامي لتس وربي

وبسوي اليوم العشة وأوديها معي للي عازمينا

علشان يشمون ريحة السنع

كود عندهم منا وإلا مناك (وجه شماغ أعزب)

وحق وساع العيون بحول الله أسويه بكره

خاطري أسوي طبق رئيسي في حياتي

مير حققتي لي أمنية

يعطيتس العافية

وأخوتس يعطيه العافي

إهداء بإهداء

اعذريني على التأخير ترى الأسباب جبرية

وخاطرتس عندي ياشوشه يسوى ألف صينيه

وسلامتكم

ويذ التمر >> يعني طلعي النوى من 20 حبة تمر جهزيها لطبختي العجيليه القاربه

**سحابة حب** · 10-01-2007, 04:37 PM

حي الله شوشو بس،،

يامساكين ،، لسا قاعدين تحوسون و تصارعون المواعين في المطبخ ،، >> ابشركم ماعاد ادل المطبخ فين

ياحلاة القعدة بدون مطبخ و ناااسه مابعدها وناسه ،، لاقمتي و سألتي بكل وساعه وجه وش مسوين فطووور ،،

>> انا اشهد ان الفلة زينه ،، بس ماتدوم ،،

نعوود لطبختك يا شوشو وبس ،،

بصراحه اعجبتني حيل و احب هالنوع من الطبخات تحسين في تغير عن الاكل العادي ،،

بس بالنسبة لي وبما اني من عشاق البطاطس ،، فأنا اضيف عليها بطاطس مقطع طول و مقلي ثلاثة ارباع قلي ،، عشان نا ينهرس مع الدجاج و الخضار ،،

يعطيك العافيه ،، و تسلم الايادي ،،

و خلينا نشوف السنع دايم

**شوشو .. وبس** · 10-03-2007, 12:19 AM

اقتباس:

السلامو عليكم

وعليكم السلام عموو شبابووو

اقتباس:

اخص منتي بسهله قسم بالله

شفت شلون .. فيني مواهب مكبوته مابعد احد نغبر فيها

اقتباس:

عاد الاكل الصيني من اول

اذا مريت على مطعم مكتوب مطعم صيني

اقوول مالت على اللي يروحون له

سيم سيم شعور مال انا

وكل شي كوم واذا حطولك اناناس الله يكرم النعمه

اقتباس:

طيب تعال

سم

اقتباس:

الحين طبختتس واعجبتنا

ايوه

اقتباس:

اما العش اخر صوره
حقت اخوتس

وش فيها

اقتباس:

يسمع بالشيف؟

لا هو شافها في مطبخ منال العالم ماسمعهم بس

اقتباس:

او انه راعي حمام

اخوي كيوووووت ربي يحفظه

اقتباس:

اشوا انه ماتحمس وحط بيضتين في كل عش (وجه حمام قلابي)

انت لو ذقتها ماقلت هالحتسي

عموو شبااااااااب

وربي استانست بوجودك في متصفحي المطبخي

جعلنا ماننعدم من هالزول قل امين << وربي عجيييز

فوتك بعافيه ياباشا

**شوشو .. وبس** · 10-03-2007, 12:43 AM

هلا والله بالزين كله

اقتباس:

اسمعي شوشو وانا اختس بلا شاينيز بلا جابنيز بلا سديراويز

سديراويز وانا اقول

سلمي لي على البرتقال والليمون

حيث اني لي أسبوع اتسحر وافطر عليه

واللي قاهرتني أختي أرفل ما خلق ربي

وكل هذاك الأسبوع طالعة لنا بطبخة شكل

وأنا أزرط على الشكل أما الطعم كلهن طعمهن مضاد >>صورة اموكسيل

بس هذا مايمنع أن طبقتس شكله حلو شكلي بخليه

مع صيام الست ان الله احيانا وعافانا

تعالي شوشو ماهقيت انتس سنعه

كنت عادتس مثل بيش ونموله>>عليها قل صح وشرها فيها

شوشو جعلي ما اخلا منتس

وجعل يدياتس أنت واخيتس ماتعرض على النار

على هيك طبيخ وصور تفتح النفس

لكِ كل الود>>على فيفادول

**شوشو .. وبس** · 10-03-2007, 01:37 AM

شقرديــــــــــــــــــه

هلا والله بالزين كله

اقتباس:

اسمعي شوشو وانا اختس بلا شاينيز بلا جابنيز بلا سديراويز

(( سديراويز )) وانا اقول حبي لتس ماجا من فراغ اثرتس من الجماعه

ياخعلنا للصلاح وللرجال الملاح << متعوب عليها

اثر السنع والمسنع والزين والدلع احنا مصدره

(( وجه حاط يدينه بخصره ومطلع لسانه )) << لك الحساااااويات

اقتباس:

سلمي لي على البرتقال والليمون

حيث اني لي أسبوع اتسحر وافطر عليه

واللي قاهرتني أختي أرفل ما خلق ربي

وكل هذاك الأسبوع طالعة لنا بطبخة شكل

وأنا أزرط على الشكل أما الطعم كلهن طعمهن مضاد >>صورة اموكسيل

بس هذا مايمنع أن طبقتس شكله حلو شكلي بخليه

مع صيام الست ان الله احيانا وعافانا

بسم الله عليتس وعلى طوايفتس

في الي بيكرهوكي ياحببتشي

اقتباس:

تعالي شوشو ماهقيت انتس سنعه

كنت عادتس مثل بيش ونموله>>عليها قل صح وشرها فيها

ابشرك عرفت ابتعد عن شلة الفساد واتوجه توجيه سليم

اقتباس:

شوشو جعلي ما اخلا منتس

وجعل يدياتس أنت واخيتس ماتعرض على النار

على هيك طبيخ وصور تفتح النفس

لكِ كل الود>>على فيفادول

ربي يسلمتس وما ننعدم من هالادعيه الي تفتح النفس

اتمنى لكِ الشفاء العاجل << كرت مع باقة ورد بلاستك لك وللزمن

فوتك بعافيه

**شوشو .. وبس** · 10-03-2007, 03:12 AM

بيــــــــــــــــــــــش

شكلي بغير رايي فيتس

وشقلتس بعيد عن مكان ملهمتي

اقتباس:

خليني أشوف الناس اللي ماهوب انتي يا رفلة سدير وضواحيها >> بتنزل موضوع

حبيبت قلبي خلينا اصحاب وحبايب مانبي نخربها

كل شي كوم وديرتي الغاليه كومن اخر

تتروحين معنا وتشوفين بأم وابو عينتس ان سدير احلى من حساكم

سدير في قلوبنا

.. ..

بس تصدقين

مقدر اشيل بخاطر عليتس

تضلين بيـــــــــــش الي مافيش زيها في البلد دي

اقتباس:

حسيت ان الطبخه حنونة

حتى شوفي الرز كيف محتوي الشعب المخلوطين >> على جزر مسلوق

واضح إلهامي لتس وربي

يابعد الملهمين انتِ

اقتباس:

وبسوي اليوم العشة وأوديها معي للي عازمينا

علشان يشمون ريحة السنع

كود عندهم منا وإلا مناك (وجه شماغ أعزب)

وحق وساع العيون بحول الله أسويه بكره

خاطري أسوي طبق رئيسي في حياتي

مير حققتي لي أمنية

جعله يجيتس الي تمنيتي طيراااااااان من غير هبووووووووط

واذا عنده اخو ترانا مانقول لاءه

<<<< وجه بن فهره

اقتباس:

يعطيتس العافية

وأخوتس يعطيه العافي

ربي يعااااافيك

وترا اخوي لوقطه طباخ ومشروع دختور

لا تفوتينه

اقتباس:

إهداء بإهداء

اعذريني على التأخير ترى الأسباب جبرية

وخاطرتس عندي ياشوشه يسوى ألف صينيه

وسلامتكم

ياخعلي ارقص بعرتس قولي امين

اقتباس:

ويذ التمر >> يعني طلعي النوى من 20 حبة تمر جهزيها لطبختي العجيليه القاربه

^
^

من هنا استمد الهااااااامي

فوتك بعافيه

**شوشو .. وبس** · 10-04-2007, 01:51 AM

سحووووووووووووبه

الله يحيتس ويبقيتس

..

ياكبرها عند ربي

معزبة الصاله والمقلط والمطابخ وماعندك فرن ولا مطبخ في بيتكم

اجل استعدي للهجوم المضاد والانقلاب بنتزعمه انا وبيــــش :d

..

اقتباس:

نعوود لطبختك يا شوشو وبس ،،

نعوود وراه مانعوود

اقتباس:

بصراحه اعجبتني حيل و احب هالنوع من الطبخات تحسين في تغير عن الاكل العادي ،،

وماياخذ وقت في ربع ساعه تخلص الطبخه

وانتِ براحتك زيدي عليه الي يعجبك

اقتباس:

يعطيك العافيه ،، و تسلم الايادي ،،

و خلينا نشوف السنع دايم

ربي يعافيك ويسلمك

وابشري من عنووووني

وسوري على التأخير .. تعرفين اذا صار الاتصال نص كم ماتشرهين على احد

فوتك بعافيه ياحبيبتي

اعلانات المنتدى