بس ترا انا سجلت بالمنتدى عشان ارد على ذا الموضوع ولا انا من زمان مشتركه بالقروب بس والله عمري مافكرت اسجل الا بعد ماشفت اسم ذي الي اسمها ماينطرا بنت الفهد ....
بقولتس قصتي وانتي احكمي طيب
يوم عرس بنت خالي كلن حجز كوفيرات وكذ وانا وبنت خالي وحده مدحتلنا فتوح ...
المهم انا كلمت فتوح نفسها وقلتلها كذا وكذا وانا متعقده من المشاغل لان يوم عرس اختي مادخلنا الا فوق التسعه ونص يعني مع المعازيم وانا ابي اخلص الساعه تسع ..
قالت ابد موب مشكله بس انتي خذي موعد من عواطف ومافي مشكله ولا شي
المهم كلمت عواطف وقتلها وقالت خلاص ومدري وشو اخذت اليوم قالت قبل العرس بيوم تكلمين وعشان اقولك متى تجين عشان تخلصون ست ومدري وشو من ذا الحكي...
قالت بس لازم تدفعين عربون قتلها موب مشكله ...(بس صراحه ان مالي خلق) وهي قالت قبل اسبوعين بالكثير لازم العربون مدفوع...قبل اسبوعين دقيت عليها قتلها شوفي انا بالدمام وانتم بالخبر وجيه عشان عربون ماني جايه الصبح اروح للجامعه بقصى قريح بعدين ارجع لدمام وارجع مره ثانيه للخبر مابي.... تبين احول لك من اي بنك ماعندي اي مشكله قالت مايحتاج تجين ااذا انتي ماكده على الحجز خلص بقول انك دافعه قتلها الله يجزاتس خير....المهم
جاء اليوم الموعود ورحنا من الساعه 2 الظهر ودخلنا على الموعد بالضبط يوم وجو ناس موعده الساعه وحده ونص دخلو معنا الساعه ثنتين......المهم دخلنا قلنا لها وش نبي وكذا وقعدنا المهم جت عواطف قالت لبنت خالي قومي دورك قالت بنت خالي انا شعري ناعم وبيطيح اذا سويته من الحين خلي (ابله )قبلي ....هي قالت خلي ابله قبلي ولا ماقلت استلجت علينا انتم على كيفكم انتم تبون مواعيد ولا تتقيدون فيها انتم مادري وش فيكم عاد بنت خالي من اصلها تتهدد وتحب الهوشات الصراخ ...ومير يتشايلون ...المهم وخلصت الهوشه قالت بنت خالي بكم البدي كير انا ضحكت<<مصيبه المهم انا ضحكت من هنا وعواطف قامت وهي يقالها معصبه ودخلت غفه من الغرف وكان بالرسبشن وحده ثانيه قامت بنت خالي تهوشها بعد ....وهذيك ولا كان احد يكلمها...طبعا كل هذا وفتوح هانم مابعد جت
المهم بنت خالي قالت لثاني انها تبي بدكير قلت انا بعد ابي قالت اصبري شوفي وش شلون يسون بعدين اذا عجبتس سوي قتلها طيب...
المهم طبعا بعد الهوشه مع الناس وكذا قعدنا عشان نستشور شعورنا قبل التسريحه جت وحده قالت قومي توني انا ماخلصت ...طبعا انا ماعرف اقول شي وقمت..جت الكوفيره لبنت خالي وقال لها قومي مابعد خلصنا من الي قبلك ومير تنفتح بنت خالي وبالاخير طبعا قامت ورحنا قعدنا نستنا..... المهم قالت الي تبي تسوي بدكير تروح هناك قمت انا وبنت خالي ورحنا جت الي تمسح الحمامت والله هي الي بتسوي البدكير المهم قالت بنت خالي لالا مستحيل اخليها تسوي قلتلها انا بقعد المهم يوم قعد وتجي وحده طويله وعريضه قالت لوسمحتي قومي دوري ....انا قتلها لا انا قبلك <<<وانا ميته من الروعه.....وتجي الي تمسح الحمامات قالت قومي هذي عروس قتلها واذا عروس حنا بالحجز...مافهمت هنديه المهم انا قمت اصلا انا مابي بدكير بس يوم حجزنا عن قولت.... وجت منهم احسن...
المهم شرفت فتوح ويقمون حقين الرسبشن ومدري وشو وهي ياحياتي تعبانه وقعدت ربع ساعه ومير تطلع قالت مافي احد دخل لي قالت لها عواطف لسى ماخلصو قالت اجل ليش دقين على ...
وفي احداث صارت بس زهقت وانا اكتب
جاء دوري وقعدت استشور ودخلت وحده تتمكيج وبنت خالي قاعده قدامي ونسولف لان دورها مابعد جاء....
وبسم الله الرحمن الرحيم تطلع لنا وحده كانها مكفخه والله فوق عيونها احمرررررررررررررررر وخدودها حمرررررررررررررا وشفايفها حمررررررررررررررررررا
(ترا مكياجها قريب مره من الصور الاولا بس تخيل المكياج على سعودين وبدون فلترت التصوير يعني موب حلو ابد)
بنت خالي شافتها قالت ترا انا هونت اروح لبيتنا واتمكيج اصرف ...قتلها لا انا صراحه ودي اتمكيج لاني ماعرف شي....طبعا انا قاعده استشور شوي وتقوم بنت خالي لفتوح وتستلج عليها ...وقالت لها انا اخوي مادري من ,,,جن جنون فتوح قالت انا ارفع تلفون انا مادري وشو وستلجو بنص المحل انا والله مادري وش السالفه والناس يقمون يهدونها ومادري وشو ومير تقول الباب يوسع جمل وانتم مادري وشو جت بنت خالي عندي قتلها اذا تبين نطلع ماعندي مانع قالت واله ياليت المهم فكيت شعري وحطيت 50 على الطاوله عن قولت ذمه وكذا وحنا عند الباب وتجي عواطف تقول تغلطين على عادي بس مدام فتوح لا كل شي ولا مدام فتوح قلت انا حشى الرسول موب ادميه قالت لا هذي مدام فتوح هذي الي مادري وش فيها وتجي وحده من الزباين قالت ايه كل شي ولا مدام فتوح....!!! قتلها انتي بعدد قالطه وش تبين قالت ايه قالطه قتلها حياك ككككككك
المهم طلعنا من المشغل والسواق موب موجود ودخلنا المطعم الصيني عن قولت وطلبنا عصير ليمون وطوووول ماجاء يوم جاء ومير يجي السواق قالت عطنا ايه سفري شوي ويجي وهو يضحك ومعه علبتين فول ومعه مزازات وعطنا العصير ومير يكملها هو وتستلج عليه بنت خالي وعطنا فلوسنا وطلعنا كككككككككك
وركبنا السياره والسواق انهاش وخوان بنت خالي انهاشو وكل الناس انهاشت طبعا
المهم وحنا بالسياره دقيت على امي قتلها ارسلي مكياجي للفندق وبنشوف احد من الكوفيرات الي بالفندق يسوي شعورنا وشوي وتدق على اختي قالت انتم وين
قتلها حنا مطروجين انتي وش صار عليك قالت انا رحت وسويت شعري ورجعت للبيت وغسلته<<<<فلم موب عرس ياختي ككككككككك
قلت طيب وش بتسوين قالت مادري المهم كلمت كم كوفيره وكذا ورحنا للفندق وصار الكوفيرات الي هناك فاضيات وسوينا والحمدلله بلا روح بلا هم ونصيحتي بالي يجون ولا تفكرين تروحون اي مشغل والي يبي كوفيرات زينات يعلمن واعطيه بلا فتوح بلا زفت
واسفه على الاطاله وكيفكم اذا بتحذفون بس انا مسجله من الحره الي فيني وسلام
التعديل الأخير تم بواسطة : ابله بتاريخ 09-15-2007 الساعة 12:31 AM.
مكياج فتوح الفهـــد + هيفاء السويدي
صدقيني قلت 
