اقلع نجمة الوندوز الغير أصلي

**ماشي الحال** · 09-08-2007, 01:08 AM

السلام عليكم

يوووه احس اني مغبر على ايقونة موضوع جديد >> على زيتونه

تصدقون مدري عاد الموضوع ذا موجود عندنا بالكراج او لا

الزبده اني دورت في كم صفحه ومالقيته

وشفت الطلبات تتزايد من ابو رحله وغيره

كلهم يقولون لي ادخل المسنجر عشان ترسل لنا الملف

فعلاً الدنيا مصالح

المهم اللي يشوف الموضوع موجود من قبل

ترى عادي من باب الديمقراطيه ينقله للمخزن

وانا بعد من باب الديمقراطيه بنقل اللي بينقله برا المنتدى

المهم اشوف البعض الى الحين في اجهزتهم علامة النجمه

اللي تطلع مع تشغيل الجهاز وتجلس ثابته في شريط المهام عند الساعه

اللي محدده بالأحمر في الصوره

وجود النجمه معناتها ان الويندوز اللي عندك من ابو طقه

نقدر نستغني عن النجمه ويصير الجهاز اخر حلاوه

ويجي محل النجمه القمر هذا

مدري وش جابه في قوقل

كتبت ( نسخة ويندوز غير أصليه ) في حق الصور وطلعلي حماده

بس أمانه وش رايكم في الستاره اللي وراه ؟

المرفقات فيها الملف ومايبيله شي ترى

اذا فكيتوا الضغط

عطوه دبل كلك وبعدها yes اند yes وبس

ورمضان كريم والشهر عليكم مبارك

**د جـ هـ 666** · 09-08-2007, 01:49 AM

مستر ماشي الحال

ويلكم باك

نايس مان تو دي افري بودي نو وير

الله حيه وعقرب

ياخوي حتى كنت انتظرك يالحبيب

ابي النجمه

ماهوب السلح هاللي حاطة وريحة الصورة طعمية

بالحضن يامان

وهات برطمك امطقه << خربها قبل رمضان

ياعنك انك انقذت ابور حلة وانا معه

انا من زمان ادور هالملف بس مالي خاطر ادورة في النت << سوداني

تستاهل نجمه على الكتف ياولد

ثانك يوم مان << على ذمة سلف وهو معطيني واحد مادري ايش يبي

ولم القهوه شكلها مسيار اليومين الجايه

سلخير يابطل

**العتيبي** · 09-08-2007, 02:10 AM

عليكم السلام ورحمة الله

الله يسعد مساك خالي ماشي

ومنور الكراج حبيبي قسم بالله ولك وحشه

وأبشرك الموضوع مكركركر

>>> حلالاه يالصلاحيات

ابيك تجرب لو مره طعم المخزن (( وجه كل اللي بالمخزن ))

تراني أمزح معك عسى الله يعطيك العافية >> خاف من النقل براا

ونجمة الويندوز سبق وغثتني لما سويت تحديث وبالموت تخلصت منها

عسى يستفيد الجميع من الأداة المرفقة

والله يجزاك خير على تفانيك في مساعدة ابو رحلة ودجة وغيره

وكل عام وأنت بخير ,, ومبارك عليكم الشهر

لاتقاطع هالقسم فديت طلتك

**ماشي الحال** · 09-09-2007, 01:29 AM

صراحه أحرجتوني

تصدقون اذا انحرجت ماتحمر خدودي

احس الاذاني تصير نار تشب

هذا آخر مراحل الاحراج

ويعتبر أول خطوه في الطريق خارج المكان المنحرج فيه

دجه 666 لو رقم عضويتك 666 كان وناسه صح ؟ >> يبي يقهرك

وبعدين انا ماسمحلكش تغلط على حماده وتسميه السلح

المصاريه مانقولهم سلح

نقولهم يازرء بلهجتنا ذرق

يعني الحين لو بيقولون ازرق ؟ بيقولون ازرأ

وذهب ؟ بيقولون دهب

ياشعب مصر العظيم ليه تلعبون في حرف الذال على كيفكم

عشانه ذال بمعنى خائف

من زمان ماسمعت احد يقول ترى فلان ذال من فلان

دجه وش فيك ذلّيت مني ؟

القهوه والمه بس ناقصها برطم يسحكها

واذا تقدر تجي على دنّا ولا ددسن

عشان نحمل عليها مقاضي رمضان

يالله دجه عن اذنك

ابو عتب من عانده تعب

ابو عتب من جاوره كسب

<< على عنب

يسعد لي صباحك

طيب كان رجعت النجمه وحملت وحذفتها

عشان تشاركني وجدانياً

يعني تخيل اجي اقولك نكته وانت سامعها من قبل

هل بتقولي اول ما أبدأ اسكت قد سمعتها

وحتى لو قلت لي تحسبني بسكت بكملها وبضحك انا بلحالي

انا داري انك من الناس الذهينه مثلي

بس تعرف في بعضهم مبتدئين في عالم الكومبيوتر

مثل ابو رحله ودجه

ابو عتب عن اذنك

دجه وابو عتب عن اذنكم >> على زكرت كوم

**عبـــودي لا لا** · 09-22-2007, 05:25 PM

<<<< الحمد لله الويندوز حقي اصلي

تقدر تقول شي ياماشي

<<<<

آآه بخه قبل الفطور

جهد جبار << جبار ولا بو جبار

ماشي ليه ما عملت شرح وافي للطريقه

تدري امس كلمني فهد الجميعه الله يسلمك

وقالي كيف الطريقه مع اني ماشفت الموضوع بس حسيت في

قصور بالشرح <<<ركز بكلمة قصور تحس فيني أنفه وانا اقولها الله يسلمك

بس ارجع واقول ضياء هارون لو امسك خشته وافركها بين بريطماتك قبل الفطوره مهب احسن

الزبده لا ملاحظه قبل ما اجرب الطريقه

تسلم يمينك يابو جبار

<<<< كفك

السوفيتي ن · 10-10-2007, 03:15 AM

يخليك ربي ويطول عمرك

abdella · 10-10-2007, 08:50 PM

مشكوووووووووووووووووووووووووووووووووووور

أبو جنه · 10-15-2007, 11:30 PM

الأخ العزيز

المرفقات ليس بها شئ

عند الضغط عليها لا تعطينى شئ

شكرا لك

**ماشي الحال** · 10-16-2007, 01:45 AM

^
^

جربت الحين من جهاز غير جهازي ومضبوط الملف المرفق

اتوقع فيه مشكله عندك حاول تعرف مكانها وين

العفو خيو

السوفيتي نون الله يجزاك خير

عبودي لالا تفاهم مع abdella

deyamag · 10-28-2007, 04:26 PM

للأسف لست بفاهم , سامحكم الله .

الزبيدى2 · 03-29-2008, 12:19 PM

الله يعطيك العافيه

الزبيدى

**سحابة حب** · 03-29-2008, 05:08 PM

اقتباس:

المشاركة الأصلية كتبت بواسطة deyamag [عفواً يمكن مشاهدة الروابط للمسجلين فقط للتسجيل اضغط هنا]

للأسف لست بفاهم , سامحكم الله .

لاحول ولاقوة الا بالله

انا لله و انا اليه راجعووون

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى