" طيراً غدالي امس .. والشمس حيه " ( عـدستي )*

m o b d a · 09-04-2007, 03:03 AM

بسم الله الرحمن الرحيم ..

قبل أجـواء الدراسـه ..

أقدم لكم هذه اللقطه من عدستي ..

وأتمنى أن تحوز على رضاكم ..

المقدمـه .. موضوعاً سابقا

لأخـونا .. الـطـــيــر ..

اقتباس:

المشاركة الأصلية كتبت بواسطة الــطــيــر [عفواً يمكن مشاهدة الروابط للمسجلين فقط للتسجيل اضغط هنا]

سلامـ عليكمـ

::

::

::

::

::

::

::

::

::

قلت خابره والله قاطعن مايخافي .. دايم على الصيده تجيله حميه
انشدك بالي منبتك بالسوافي .. عسى فيه خير ولا فيه سيه

قال الطلح خبريبه اقرش في سبوق الخنافي .. مابه بلا وامرح على هالحصيه
والفجر شخص بالنواظر وشاف .. في طلعه بعيد يمته ساحليه

قلت يالطلح ذا حبه ولا هو بخافي .. متعادلن حبه بحب البنيه
بعض الطيور ان راح قلنا عوافي .. لاشك هذا وين ابلقى حنيه

قال الطلح اتعب عليه وعادة الحر يافي .. اضرب سهمها والوعر والشغيه
يجيبه الي رازق هالعجافي .. ماهي بتمشي على غير نيه

هذه قصيده للشاعر الكبير / حــمــد السعيد .. عندما دمعت عيناه على فراق " طيره " ..
فلشدت ولعي بـ " الطير و حمد السعيد " حبيت اكرمهم بأقل شي .. عباره عن " عدسه " ..

هذه حالي حقيقةً .. كنت املك " طير " حبيت هذا الطير .. كحبي لشخص " عزيزيٌ علي " ..
فمرض " طيري " فحانت واجبرت على لحظة وداع " جـــلاد " الي هو " طيري " ..

صدقوي .. الآن اتمنى ان اره لو لمدة " دقيقه " .. " دقيقه فقط " ..

::

اخوكـ " الطير " ـمـ

هدية السامر
لشاعرنا حمد السعيد ..

لم يعثر على طيره وحزن كثيراً لفقدانه وكان كل مايتمناه هو أن يكون ذلك الطير في حالة طيبة وغير جائع ولم يؤثرفيه البرد فانتشرت قصيدة الطلح انتشارا واسعا وسمع بها الجميع ومن ضمنهم سمو الامير عبد العزيز بن سعود((السامر)) وهو من عشاق القنص ومن عشاق طيور الحرار فأحس بمعاناة حمد السعيد وحزنه العميق وهو يناجي شجرة الطلح وينشدها عن طيره فأهدى سموه للشاعر حمد السعيد طيرا من أطيب طيوره عوضا عن ما فقده فكان لابد ان يسجل هذا الموقف لسمو الامير عبد العزيز بن سعود فكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود مع وصفا دقيقا للصقر حيث يقول ..

...

يالبازعي طيري طلع مثل راعيه *** زولٍ وفعـلٍ والمـواري تشابـه
بالطلع موقف ما لقي من يماريه *** عساه يسلم سيدي يـوم جابـه
له ماكرٍ في بر فـارس محاريـه *** كني اشوفه يوم خاطـوا قطابـه
صفاة وجهه مع شدوده توديـه *** ضمن الحرار ولا وراها طلابـه
النادر اللي يوم عزمـت اسميـه *** سميته السامر واشوفـه زهابـه
ليـا قفيتـه شفـت دقٍ محنيـه *** وليا نطحته من عيونـه تهابـه
كن الثريا في قواطـي مواميـه *** ابيض نحر كنه يشع الضوا بـه
هجرٍ قصيرالساق جبـره ثناديـه *** وله عاتقٍ يعطي شموخ ومهابه
ليا مسح وجهه ونهض مواطيـه *** يطري علي اللي عزيـزٍ جنابـه
به من طبوعه مشبع اللي حواليه *** وماخذ من طبوعه ليان بصلابـه
وجهه ليامن صاد يشبه محاليـه *** لا بشر بضيـفٍ وردد هـلا بـه
لا تل سبقه قلت يا طيـر لبيـه *** واقفى وكني كاسبٍ بـه ثوابـه
وجاهن وهو كن المنايا تباريـه *** زيزوم قـوم وفزعـوه القرابـه
اللي معه بالطلع ما عاد يمديـه *** ياصل مطاليعه وهو ما درى بـه
من عادته برق الدواغر مداميـه *** في صيدته الطير غمقٍ صوابـه
ليا ضرب ما وافق الضرب يفريه *** كن بيمينه من سيوف الصحابـه
ينقى كبير العرف ما هو يخليـه *** من خيشة قدمه نهبهـا نهابـه
يا سعد عين اللي قنص عانيٍ فيه *** طيرٍ وماخذ من طبـوع الذيابـه
لا صارت الدعوى عناد ومشاريه *** إخذه وكنك ماخـذٍ معـك لابـه
الطير احبه حيل من حب راعيـه *** عبد العزيز اللي عزيـزٍ جنابـه

اللقـطه ..

[عفواً يمكن مشاهدة الروابط للمسجلين فقط للتسجيل اضغط هنا]

أتمنى أن تحـوز على رضاكمـ ..

لا تنسونا من نقدكم ..

**سفيرة الحزن** · 09-04-2007, 06:10 AM

السلام عليكم ورحمة الله وبركاااااته ..

مبدع ... بصراحه الصوره روووووووووووعه

أقصد الطير رووووووووعه ..

أقصد ماشالله عليك مبدع فعلاً ...

تسلم يدينك

*someone* · 09-05-2007, 06:26 PM

وعليكم السلام ورحمة الله وبركاتة

ياهلا ويامرحبا أخوي " مبدع "

ماشاء الله الصورة حلوة والطير أحلى

أخوي مبدع عندي سؤال وعندي ملاحظة

بالنسبه للسؤال ، منقار الطير هو لونه ازرق ؟

بالنسبه للملاحظة ، الاحظ بالصوره نؤط = نقط تكون واضحة بالاغلبية بالخلفيه اتوقع
تكون بسبب اتساخ الحساس = السينسور اسأل الأعضاء أهل الخبرة بهالشي يمكن اكون غلطان

بالتوفيق أخوي وننتظر القادم بلهفه

مع السلامه

**Buffy** · 09-08-2007, 08:18 PM

أبــــــــــــــــدااااااااااااع ..

منقطع النظيررر..

بجد الصوره رايييقه حيل ..

يعطيك العااافيه..

ضارب الهواءبويه · 09-14-2007, 05:06 AM

روووعه يالغالي

بس يا ليت لو البرقع مو موجود .. راح تطلع الصوره احلى واحلى

لا هنت ولا تبخل علينا بالمزيد

**البَــتول** · 09-16-2007, 11:41 PM

السلاااام عليكم

ما شاااء الله

ابداااااااااااع بصراااحه

الصوره رووعه بكل ما فيها

بس كمن شغله بسيطه

هي ملاحظه الاخوان اللي فووق
على البقع اللي فالصووره
واعتقد انها من السنسور او العدسه نفسها

ليتك حاولت تشيلها

الشي الثاني والاخير

اعتقد انك زدت التباين كثييير

بس تظل الصوووره رااااائعه

ابدعت

في انتظار المزيد منك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى