التغيرات المناخيه ..و.. قصة التمساح والدب

هــاهــ · 08-25-2007, 02:03 PM

وعليكم السلام

الحمد لله بخير كلهم يسلمون عليك <<<<< وجع انثبر

هااااااااااااو ار يو ياهذولا

عساكم بفاين

اني جالسن وفيه موضعن يقرقع في راسي

كل ابو ابوكم يبي يعرف وايش ذا الموضوع لانه موضوع يستاهل النقاش

واتوقع الجزيره بتناقش الموضوع

ليه الافغان مايحبون ايران ؟؟؟ <<<<<<< ياحبني لابو شكلي لامن شغلت عقلي

واكيد كلنا نذكر الحرب العالميه الاولى اللي كانت بين افغانستان و ايران <<<<< ياحبني بعد لابو شكلي لامن شغلت ذاكرتي

وانا اقول ان السبب هو التغيرات المناخيه لان الثلج اللي ذاب هناك جعل من اسيا انها تتحرك شوي فما كان من ايران الا انها تطمر على افغانستان علشان ماتصير زحمه عندهم

وايشسمه شوفوا باقي التحليل في برنامج قسمه ونصيب على قناة CNN

ننتقل لموضوع اخر

ليش كل مااكلم احد يقول ذبحنا الحر و ايشسمه ويقولون بعد ريحتنا طلعت

وانا الحين جالس اكتب الموضوع ذابحني البرد

<<<<< احس بعض الاعضاء يقولون اما ذي انقزها

فانني اشعر بان عقلي ماعاد يصله دم وان رجولي لو حطيتوا فيها مسمار مااحس <<<< بعد ذي انقزها لاهنت

تعرفون عاد انا متعود على جو الربع الخالي يعني مااحس بالبرد <<< ياحليلي مااعرف اكذب

بس خلاص

سين سؤال اذا الواحد معاه ريال يشتري بيبسي و لا بيبسي غير البيبسي الاول ؟ <<<<< وجه واحد بيبكي من الحيره

عندي احساس بنسبة 99.99% بان اغلب الزوار والاعضاء يقولون الله يخلف على ام جابتك انت وعقلك

بس بقولكم شي انا اتصنع علشاني خايف من العين <<< بكالوريوس كذب و دبلوم تصريف وماجستير دكتوراه

ننتقل اعزائي الفاضيين الى فقرة قصه ماسكه خط

واللي طفش اقوله ياحوبي فيه سهم داق ريوس فوق اضغط عليه والله معك

كان يا ماكان كان فيه واحد اسمه عبدالعزيز ماهوب انا ابد

كان يحب امه وابوه و كان في صف ثاني ابتدائي

كان مايطيق استاذ الدين والذي كان اسمه فهد الغامدي

<<<< حليلي الين الحين مانسيته

كان فهد ذا متين و كنت انا رشيق وكان يناديني بالتمساح

<<< احبني

وكنت انا صغير على نياتي ماكنت ازعل ابد

وذاك اليوم تهورت وقلت له يادب

فما كان منه الا انه اخذني مع يدي الرقيقه الى الوكيل وقال هذا الطالب تلفظ علي

وكان الوكيل معروف ان ضربه ماهوب طبيعي

فضربني وانا ابي اسوي قوي ماابي ابكي

فقالي انقلع فصلك

فما كان مني الا اني انقلعت

فدخلت الفصل والعيال يشجعوني لاني قوي مابكيت وانا مستحمل نفسي الضربه كنها في مخي ماهيب في يدي

فقلي احد الاصدقاء فك يدك خلني اشوف

و بكل عفويه فتحت يدي

فيوم شاف يدي من بعد الضربه وفيها خطين حمر قال : احححححححححححححححححححححححححححححححححححححححح

فأذا بعبدالعزيز قلبها عزا في الفصل وقعد يبكي بكا ماهوب طبيعي واصبحت دموعه تنهمر كالشلال على خدوده الحمر

<<<<< اخر كلمتين كثر منها بس

ايه وبقولكم قصه ثالثه <<<<< انثبر بس انت وقصصك

وبما ان اصابعي تكسرت وانا اكتب اقول الله يخلف عليكم وعلى وقتكم اللي ماضيعتوه ابد

واحب اسلم على ابوي وامي و اسماعيل خان و اهديلهم شخبط شخابيط

يالله فمان الله

ياحليلكم صدقتوا اني خلصت <<<<< نعنبوا بثارتك بس

بس تكفون ناقشوا موضوع ايران وافغانستان واللي يطلع معه شي يبشر امه من ثمن يجي يبلغني

يالله فمان الله

**بيـــــــــش** · 08-28-2007, 11:42 AM

السلامو عليكوم تمساح بيه

بشرنا عنك يوم كلنا فِري فاين ونزقح

أضحك ومادروا بي يحسبوني سعيد
مادروا اني معذّب ونار قلبي تقيد

إهداء إلى بنت اختي الراسبة في التوحيد

واليوم راحت تقّدم الاختبار الله مير يسيّر القلم بالحل الصحيح >> غاسله يدي من عقلها

وهذا هي تدرس في مبنى أرامكو

وأبلتهم حامل

والمنهج كله ملخص بورقتين

يعني المفروض نجحي وانتي مغمضه يادبشه يا بنت اختي

لي الجنة يوم أدرس في بيت مستأجر

والكتاب أفحط فيه مواصله ماوصلت للفهرس >> الفهرس مشقوق

وهذاي أنجح عيني علي بارده

وعيون الناس علي أبرد

من سنتين ودي أشوف في شهادتس

(ناجحة وتونقل للصف الثالث متوسط)

ومافيها شكل هندسي على التوحيد

وهقوتي انهم يوم اجمعوا كل مواد الدين في كتاب

مغتثين منتس يا الكالثوليكية

أجل في أحد مسلم يسقط في التوحيد؟

انجحي ولتس مني رحلة على حسابي إلى أفغانستان

خلهم يلعبون بحسبتس طالبان

عادهم ماعندهم كيري ميري

واللي مايدبّر شي في التوحيد يذبحونه >> طالبان وش ديانتهم؟

ثكلتسي أمتسي يامريم

شفتني عمو بيه هــهاهـ وأنا برسل بنت اختي تكمل دراستها في أفغانستان؟

ودي أشوفها أفغانية وأفرح فيها

عساها يارب تنجح وتوفي أمها بنذرها وتعزمنا في استراحة فيها بركة

نبي نغافص ونغرق ويجي أحد من الرياجيل ينقذنا

اقتباس:

كان مايطيق استاذ الدين والذي كان اسمه فهد الغامدي

متين ونحيس

عسى ماهوب أذانيه طوال ويقول انه يسمع حتى اللي ينكتب عنه في الورق

الله لايحللهم هو واخته

بس اخته تراها أبلة فنيّة

وغصب طيب تبي تسوينا مواهب واعده

وخيّتك بيش يوم انزنقت عطت كراس الرسم لاختها ترسم عنها

ويوم ثاني موقفتني عند السبورة أنا وكم وحده من المحترفات

وش أسوي ماجابت أمي في بيتنا أحد موهوب

اقتباس:

وكان الوكيل معروف ان ضربه ماهوب طبيعي

فضربني وانا ابي اسوي قوي ماابي ابكي

<< تتخيل شفايفك البيضا وهي ترجف وفوقها رطوبة

يالبى الجساره والثبات

قليل اللي يصمد في هالمواقف

في ناس تفحط وتسمـّع جيران المدرسة يعني شوفوا ترى يطقون >> بيت مستأجر

وناس يتصلون المدرسه على أهلهم يبون منهم مريول جاف

وناس تطنقر على المدرسة مايبون منها شي

وشي طبيعي انهم يحطون الشنطة بمحتوياتها في أقرب صندوق مهملات

ويرجع معهم أبوهم وينزلهم في الصندوق بعصا يجيبون الشنطة (وجه أخوي)

يعني انت معجزة جيلك يوم تمسك أعصابك

ألين يجي من يعبّر عنك ويفهم اللي بداخلك ويقول أحححح

لله درك يا عزعز التمساح

بس ترى أبله فهد الغامدي الدب طلّع منكم رجال يعتمد عليهم

مايصيحون بسرعه >> فاهمه الرجوله غلط

عمو بيه عبدالعزيز اللي ماهوب انت أبد

أسعدتني أوي حيل بهالقلم القادم بقوة

وقد قلتها لك في السور

حسيتك الوجه الجديد اللي بيئب على وش الدنيا من بيت الزكرتية

وأنا شفت في عفوية اسلوبك انك تجوز للسواق

وعزمتك ،، وأنت ماصدقت خبر

هلا بك معنا مسيو هــاهـ >> ترد على الترحيب

ولاتحرمنا من موضوع جديد مثل هذا وأقوى

وترانا ننتظرك بمطرقة ومسمار نبي التثبيت

والمشاركات والردود ادهر فيها

ويذ الـ CNN >> يعني ترى ايران يحبون أفغانستان على ذمة اللي جاوا من الاختبار

**nAmLaT nAjD** · 08-28-2007, 02:47 PM

^
صار الظهر ماطلعت نتيجة بنتكم؟

<< بتشارك في ارسال الطرد

:

عمو مستر مسيو سيد هاه بالمده

جاية كلي امل تقول ان رمضان بيصير برد

واتفاجأبسالفة افغانستان وايران

اذا انتي مستغني عن باقي عمرك وبتهدية للغرفة ام حديد

انا ماستغنيت وابيني

ايييييه ياضرب المدرسين والمدرسات

طول عمري دابتن سليمة اباري الساس

بس مدري وش اللي خلاني اشعر ببراءة الطفولة في يوم من الايام

ورحت العب بالساحة في حصة الفراغ

وطاحت علي المديرة هذيك اللي تجي الصبح وبشعرها لفافات

وكلللل يوم نفس التسريحة

واذا جت تهاوش صارت تسنها ذيك اللعبة اللي تمشي وماتحاتسي احد

<< ياعليتس وصف بعد

اللي صار انها انصدمت فيني بعد كل ذيك الاخلاقيات والدفاتر

ام ورود والاناشيد والفراشات

ولقتني احتك بالورعان والعب

وماكان منها الا انها قالت صدمتيني يانملة

وخرت صريعة << على فراشة بدون جنحان

والله ياهي صرعة بعد

بالمسطرة الطويلة على كفوفي الذهبية

وانا ماغي اخر من فوق ومن تحت

ابلشت امي بالغسيل ذاك اليوم

<< يع عليتس

بس ذيك السنين يوم انهم يضربون وحنا ماشين زي الالف

مب الاجيال الداجة ذي كل يوين الام مكلمة المدرسة

وتتخصر مسوية ابريق الشاي وهي تكلم الوكيل تسنه يشوفها

ليه طقيتوا ولدي؟

كش عليتس وعلى ولدتس

نرجع لمحور الغامدي

اقصد استاذ فهد

مدري ليه الواحد لاصار لحالة مايصييح

بس لاصار بين الناس كسر خاطر روحة وبدا يتبتسبتس

قل يتبتسبتس 7 مرات بسرعة واخليك مشرف

<< لابو من عطاتس الصلاحيات

عمو هاه بالمده

منورنا واجدات

وموضوع رايق وباين ان اساكك مفككة

لاعمرك تشبكها ونبي منك زود

دونت تبطي

سلامون عليكوم

زكــرتي منتـفخ · 08-28-2007, 03:18 PM

انا من يوم قريت اسمك هــاهــ وانا داري انك مررره ظريف

بس خلك منك السياسة وايران ومدري وشو ذا كلانا عيال مرشد وكلا يعرف خيه << اخسى على المثل

اقتباس:

عندي احساس بنسبة 99.99% بان اغلب الزوار والاعضاء يقولون الله يخلف على ام جابتك انت وعقلك

ابشرك صارت 100%

وكلمالها تزود النسبة وانا اخووك

اقتباس:

كان فهد ذا متين و كنت انا رشيق

تدري عاد ان اطلق شي في الدنيا الدببه >> معنوياتي عاااليه يالربع

والله كل شي فينا عسل بس المشكلة هي الصنجة والحفا قي الصيف والارتخاء في المثانه في الشتاء

مافي احد كامل يا أخ شسمك قلت لي >> وجه اسامة في مجمع الظهران
بس اذا حقدت على اي دب لاتحسب كل الدببه مثله لا ياخوي ترى اظافرك طوال >> اشهد اني خربت المثل

بس والله من جد احلى مافي الموضوع الابتسامات الي مستخدمها يعني من جد تحس انك تكتب وانت تكب الموضوع صح

عندك الحس المرهف تتميز بالإبداع الهفيفي قدامك درب طويل راح تواجه مشاكل مع الكيبورد في الفترة القادمة >> وجهي وانا اعبي بنزين

موفق يالحبيب

::Lip Gloss:: · 08-29-2007, 04:03 AM

مشكورين عالقصة
الحلوة والتعليقات الفللة
خخخخخخخخخخخخخخ

احس لو يسوون برنامج اذاعي ونحط فيه قصصنا بيطلع احلى خخخخخخخخخخ
<< أحلام يقظة

لاترحمنا من قصصك المبدعة

مشاكسs · 12-05-2007, 12:41 AM

حلوه يعيطيك العفيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى