::: درب درب..Lip Gloss وصلت..:::

::Lip Gloss:: · 08-24-2007, 06:07 PM

هاياات

انا عضوة جديدة
علشان تتعرفون علي
انا من السعودية وعجبني منتداكم مرة
وحبيت اشارك

بس ياريت تقولون معلومات عن المنتدى
يعني هو من اي دوولة
والخ..

اذا رحبتوا فيني بشيل البرقع

يلا انتظر ترحيبكم

**nAmLaT nAjD** · 08-24-2007, 09:47 PM

اهلين مس تخلي الخشش تلمع << تسمع بالترجمة

ماشالله صار عندنا ليب قلوس غير الروج

باقي بلشر وفونديشن واي لاينر وماسكارا وتكمل العدة

وش رايتس نروح عرس << اهجدي

ايييه منتدانا طال عمرتس سوداني وبالضبط من الخرطوم العاصمة ااااي

اهم شي تكونين من ذوات البشرة الككاوية وبتسلكين معنا

<< عفست ام ام ام سمعة المنتدى

الصدز الصدز منتدى سعودي صناعة وطنيه ميه المية

وبالتحديد من السعوديه << ماش ماتقدر تبطل

بس زواره وحبايبه في كول حته في العالم الجميل

وعندنا البساط احمدي يعني بلا برقع بلا بطيخ

امسكي جلالتس ودوري في ارجاء المنزل

ولا بغيتي شي البنات مالين البيت على غير سنع

امعطي اقربهم من شوشتها وهي تسنعتس

منورتنا يافتاه

سلامون عليكوم

**ميلاني هلالي** · 08-24-2007, 11:40 PM

8
8
اشهدوا عليها تراها تدعوا للسفور ونزع الحجاب

<< - الطمها بشحم

هلا باللي جانا ..

يامرحبا ويامسهلا ..

نورت الزكرتيه ..

اقتباس:

اذا رحبتوا فيني بشيل البرقع

تعوذي من ابليس

ترى فيذا ناسن ضعوف وماقد شافوا خير ..

ما اعتقد انك بحاجة للمشفح يترززون لتس كل شوئ ..

<< - ياصبر الارض

مرحبا بك مره ثانيه ..

والمحل محلك ولاتبطين علينا بالمشاركات ..

فمان الله ,’,’,’,’,

**بيـــــــــش** · 08-25-2007, 07:21 AM

8
8
وأنت شايف بوجيهنا فتنه؟

هذا حنا معكم بدون براقع وما شفنا منكم انحراف

<< تدعو إلى شي ثاني

مرطبة شفايف

هلا بتس وهاياات عليتس ورحمة الله وبركاته

الله مير لايضرتس ولا يغيّر عليتس شكلتس ياااي

بحاول أصير مثلتس قدر الموستطاع وباللي يمليه علي ضميري

أنا بيش من السعودية >> تلعب بشعرها وتقصع

عازبه وأتمنى الزواج من رومنسي

وعضو في منتدى الزكرتية

المنتدى اللي حلو كثير مررره زي الشوكليت

أقسامه ومنتدياته مايبي لها توضيح

كل واحد اختصاصه مكتوب تحته باسلوب حلو مررره زي الشوكليت

والشي المهم كثير كثير

ان المنقول ممنوع بالمررررره

وأدعوتس لزيارة كل الأقسام

فمنتدانا محتواه راقي وممتع ومفيد في نفس الوقت

وبتلقين ناس لزيزين لزازه مو طبيعيه

دمهم عسل مرررررره زي الشوكليت >> حالفين عليها تقول الجمله

الزبدة حياتس الله

ويذ البينك >> يعني اللي عطاتس بالملاس يعطيني بالملعقه

::Lip Gloss:: · 08-29-2007, 05:57 AM

تسلمون عالترحيب الحلو
^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى