سامحيني



سامحيني لا تركتك وانقطعت

مااقدر امشي في طريق المستحيل

دام انا في نار حبك ماوقعت

احسن احفظ عزتي وابدا الرحيل

دام في قربي زهدت ولا طمعت

بوعدك لا نساك يالطرف الكحيل

ياغصن البان فيني ماستمعت

يوم انادي هيه يالرمش الطويل

تحسبني في بحر حبك طبعت

لا حبيبي ماسبحت الا قليل

لو وصلت لقعر حبك مارجعت

وان رجعت ابقى من افراقك عليل

طحت في حبك ولاكني طلعت

وانت تحسبني بجي عندك عميل

رح خلاص ارجوك من كذبك شبعت

لو تميل خصرك الناحل مميل

طول عمري للمحبة ماخضعت

ولا طردت الرمش والخصر النحيل

ينقطع قلبي لزينه ماتبعت

يوم اناظر له وانا مسوي ثقيل

وانت من شفتك على طول اندفعت

واشتعل في ضامري مثل الفتيل

ماوسعت الصبر دونك ماوسعت

جيت كلي بالهوى كاني محيل

جيت ابشري سهم قربك يوم بعت

قلت غالي بالثمن ماله عديل

فرصتي من يوم ناديتي سمعت

قلت حاضر يوم انا شهم اصيل

غرك اني بالقصايد لك رفعت

يوم وادي حسنك يشعري يسيل

قمت تتدلع وفي دورك برعت

بالدلع والغنج ماتلقى مثيل

ياحلاتك ياغلاتك لو اطلعت

بس مال البيض سر ولا خليل

بين مبدأ العقل واحساسي فرعت

لجل وضعك جالهم عندي صهيل

قال عقلي وش جرى كنك شمعت

رد قلبي قال انا كلي غليل

عن مدار الحب حتى لو ورعت

انجذب لا شفت نقاض الجديل

والله لتبطين وانا مارجعت

وينتهي حبك على جرف مهيل

اعتبرتك غصن يابس وانخلعت

عقب ماظنيت في ظلك مقيل

اعتبرني نجم في جوك لمعت

لاعتذرت وقلت انا عابر سبيل

اعتذر لو كان في قدرك وضعت

ماقدراتعب في هواك بلا حصيل

بس اببقى طول عمري مااستطعت

اذكر البسمات والوجه الجميل

اسمحيلي عاد اكرر مابدعت

مااقدر امشي في طريق المستحيل
مختاره