@#@ السلام عليكم @#@

وشلونكم حيا الله الوجيه الطيبه

عساكم طيبين المهم أناعلى ماقالو عضوجديد

وحبيت أشارك معكم وانشا الله تعجبكم مشــــــــــــــــاركتي


هاذي قصيده محزنه ومعبره في نفس الوقت أخليكم تقروون القصه

كان سلطان بن رباح له خوي ينقاله محمد بن عقيل جمعتهم خوة الدنيا من يومهم

صغارعلى عز ومعزه كبرو وتزوج سلطان وجاله ولد وسماه محمد على خويه من زود

مايغليه وكانو يحبون المقانيص والصيد ومره من المرات طلعو المقناص اثنينهم مامعهم

ثالث وبعد صلاة الظهر وكان محمد يسوي الغداوسلطان ينظف السلاح كان في طلقه ما

درى عنها سلطان في المخزنه ضغط الزناد وثارت البندق ومات خويه شال خويه وسلم

نفسه وبدت المشاكل ويتوافدون على أهل محمد إنهم يتنازلون للأسف رفضو إلا بديه

عشره مليون ورفضو إلا راس براس.... صدر الحكم على سلطان وقصوسلطان لكن

الصدفه باالموضوع إن قبر سلطان بجنب قبر محمد فكانو إخوان في الدنيا جيران في القبور .....؟.؟.؟


يافلاح الهم خيم فوق قلبي يافلاح

كيف تبغاني أسولف وأنت خابرني عليل

ويش قولك في عليل في حياته ما ستراح

تنتثر دمعة عيونه لظلم الليل الطويل

حالته لاماتباعد حال سلطان الرباح

بالخطا راحت حياته والخطا ماله مثيل

كان ويا صاحبه اثنين في أرض براح

يطردون الصيددايم من صبح لين المقيل

اجمعتهم صحبة الدنيا على جد ومزاح

مايهابون الليالي والحمول اللي تميل

ماقتل عامد ولكن ثور ابليس السلاح

بالخطا ثار السلاح وين يلقاله دليل

وانعقد سجنه وربعه تنتظر فك السراح

والأكيدانه سجين ومارضو ربعه القتيل

هل دمعه يوم صلى ركعتين فاالصباح

في نهار الجمعه اللي من ثقيل في ثقيل

هلل وكبرونفسه تذكر اللي راح راح

كان في ربعه عزيز وذله الوقت الذليل

لامحمد لاتهاني لاسعود ولاصلاح

كلهم كانوعلى باله وهمه في هديل

طفلة ماكملت عامين صايبها كساح

وانتثر دمعه وحاله من سبايبهانحيل

حان تنفيذ القصاص وغطو الراس بوشاح

وجاك سيافه يشيل السيف أبو حد صقيل

ارتخى راسه وزاد الموقف الحامي اصياح

بين نوح وبين دمع وبين صيحات وعويل

وارتفع صوت الحشودوزاده محمد وصاح

يايبى تكفى دخيلك تستمع قول الدخيل

يايبى وشلون نصبر كيف نهجع بارتياح

وانت من دنيا عيالك ماخذك مرالرحيل

يامحمدهاك علمي واحفظه قبل المراح

انتبه لخوانك وبالك عليهم لاتعيل

والله هاالله فالصلاة وفاالصيام وفاالصلاح

والله هاالله فامكم والله لكم بعدي كفيل

غمض عيو نه ونفسه تطلب الله السماح

رافع سبابته مظلوم والله الوكيل

وسل سياف الصفا سيفه وطقه ثم طاح

راس سلطان المراجل وانتثر دمه يسيل

غسلوه وكفنوه وفاح طيب السدر فاح

وباالمصادف صار قبره جنب قبر ابن العقيل

يافلاح الكارثه ماهي سوالف يا فلاح

خلني ساكت ودور غير هاالقصه بديل

وسلامتكم

وعليكم السلام والرحمه


ماشاء الله عليك ناقلها بالحرف

اقصد ناقها من الصوت الى الكتابه << خافت تحسبونها منقوله

مره قصيده محزززنه

اذا سمعتها يقشعر جلدي اتخيل قبورهم

واكثر شي حزن عياله


الله يغفر له ويرحمه

وثانكسيو

__________________

"اللَّهُمَّ اجْعَلْنِي نُورًا "

اجمعتهم صحبة الدنيا على جد ومزاح

مايهابون الليالي والحمول اللي تميل

صح لسان الشاعر وتسلم اخوي على النقل
والقصيده وايد حلوه ومؤثره

__________________




مشكووووووووره نمله نجد على التوقيع يا حووبي