السلااااااااااااااااااااااااااااااام
تقدرين تخلين خشتسh1 تقل بنت من امهات عشرين اذا سويتي هالعشر خطوات.
طبعاً ذا الحتسي ماجبه من دميجتي ذا جايبه من المجلة البريطانية Womans World.
أولاً: لامنتس كبرتي لازم تقللين من المكياج ادري انتس اذا ماحطيتي مكياج تنهبلين لكن الشكوى لله بس هم يقولون انتس بحاجه للنظرة الطبيعيه.
ثانياً: لا تلبسين كل ماهب ودب من ذا الموضه ارفقي على عمرتس تراتس عجيز يعني البسي لبس عادي.
ثالثاً: ركزي على اربع اشياء يخلنتس مثل الحصان : تمغطي بطريق الامير عبدالله (( التمارين الرياضيه )) وخوذيلتس غفوة وريحي عمرتس (( الاسترخاء )) ولا تكثرين اكل يعني اظبطي عمرتس مهب اذا شفتي حلا القهوه تصيرين تقل مشفوحه ((الحميه)) وخلتس صبوره لاتقولين من اول يوم يووووووه ماطلعت زينه شكلهم يكذبون علينا (( الحماس)).
رابعاً: لاتحطين تسريحه من تسريحات امهات عشرين او تحطين تسريحه حلوووه مررره يعني اختاريلتس تسريحه قصيره تناسب خشتس المملوحه.
خامساً: اذا مشيتي وانتي دبا ترا بيصير وجهتس تسنه وجه وحده عمره 9000 اذا كنتي دبا خلتس على تمارين تقوية عضلات البطن.
سادساً: لا تخافين على عمرتس واجد ترا اذا قلقتي على عمرتس بتطلع خشتس تقل ام ل60 بزر حاولي تضبطين اعصابتس وتسترخين وانتبهي لعمرتس.
سابعاً: مهب لازم تصيرين نحيفه عشان تطلع خشتس تقل بنت من امهات عشرين بس انتي حاولي انتس اذا زاد وزنتس لا يتعدى عن الوزن المثالي الا شوي وانتبهي من المفاطيح ترا ماضيع الشعب السعودي الا هالمفاطيح.
ثامناً: لازم تدهنين بمرطب يحميتس من الشمس واختاري نوع زين وخلي عنتس التدهن بالفازلين والوازلين ترا مهن نافعاتس اذا عجزتي وغدا وجهتس تقل كسرت خبزة.
تاسعاً: خلتس دايم تدربين كراعينتس واستخدمي دميجتس عشان تحافظين عليهن وخلتس دايم لازقتن بالناس وخاصة البزران عشان تعرفين وين وصلت التكنلوجيا والاشياء الجديدة اللي تطلع عشان ماتصيرين مثل التنكة بالزفه.
عاشراً: لا تنسين ان الشباب شباب القلب وانتس تقدرين تطلعين من امهات عشرين وانتي عمرتس ستين ولا تحطمين نفستس كل شوي ترتزين عند المراية وتقولين كشش حتى المرايات غشوووووها!!!.
تمت الترجمة بمعامل خاروف العيد.
وبما انه اول موضوع لي في المنتدى انشالله يكون فيه احد يرد علي
كيف تكونين طخمه وانتي شيفه طاقتن الست الاف؟؟
olleyes: ومشكور خيوو مره ثانيه على الرد ومن ابداع الى ابداع انشالله وبالرفاه والبنين وعقبال التخرج من الكلية العسكرية انشالله 
