عيــــــــــــاده الدكتور...

kuwaity · 06-27-2007, 04:23 PM

السلام عليكم ورحمه الله وبركاته...
مساكم الله بالخير..

هالمره جايبلكم قصيد احسن من الموضوع اللى محد دش عليه شكله ما عجبتكم السالفه

جايبلكم قصيده في وسط عياده الدكتور..
.
.
.
بعياده الدكتور...

بعياده الدكتور والناس جـــــــــلاس
... شفت الحزينه بانتظار العـــــــياده

عذرا تثير بحزنها كل حســـــــــأس
... قلت اسمحي لي بالكلام بــركاده

مادام عون الناس لناس نومـــــاس
... وش صاير لــك ياظبي الحمـــــاده

قالــــت وربي مني البال منحــــــاس
... ومن زوجوه بغصب لا وا هجــــــاده

بينّت انا للوالد الوضع من ســـــــــاس
... وقلت والجبر ماهو للاجواد عــــــاده

يابوي ابن عمي وعلى العين والراس
... لاشك مالي فيه يـــــــــابوي راده

يابوي خف من خالق الكون والنــــاس
... ما ريد انا شوفه مرادي بعــــــــاده

جمسه وصالونه مع التاج والمـــــــاس
... وكثره فلوسه ما تجيب السعــــاده

يابوي قلبي حب من لامشـــــى داس
... فوق الضمبر ويستحق القيــــــاده

زين الشباب ولا مشى درب الانجـــاس
... شوفه مناي وشوف زولي مـــــراده

حب الشرف ما فيه عيب ولا بــــــاس
... واللى زرع واثمر يباشر حصــــــاده

عيشه فقر مع صاحبي عطر الانفاس
... في بيت مابه غير قطعه وســـــاده

ولاعيشتي مع شخص معدوم الاحساس
... لو كنت في قصرمن الاماس شـــاده

ياناس تكفون افزعوا شفت الاتعـــاس
... ياناس مجبوره ولالــــي جــــــــلاده

اخاف اكوت من القهر واشرب الكـاس
... واخلي الطماع يعلن حـــــــــــداده

قلت الامل موجود وشهوله اليــــاس
... واللـــــــــه رحوم ولا يضيع عباده

ياعل من باع العذاري لــــلا فلاس
... وعساه ما يفرح بنطق الشهـــــاده

الشاعر محمد بن سبيل

وسلامتكم........

**بيـــــــــش** · 06-30-2007, 07:56 PM

رد السلام كان موجود في الجمل المختصره ،، ليه ضفيتوه؟ (وجه زوله)

وعليكم السلام ورحمة الله وبركاته عمو الميزاني

<< حطت السلام من الاختصار وقصّت كلمة (عليكم) ولصقتها قبل (السلام) وكتبت قبلها واو

ياليل الفهاوة

مسيك بالرضا والسرور عمو تركي

اقتباس:

ياعل من باع العذاري لــــلا فلاس
... وعساه ما يفرح بنطق الشهـــــاده

صح لسان بن سبيل وصحت يد ناقلها

يعطيك ألف عافية عمو كويتي وسامحنا على القصور

ويذ الراي >> يعني وش فيها ماعاد تطلع عندنا ،، على أساس انك كويتي ويمكن تدري

kuwaity · 07-02-2007, 02:22 PM

هلا والله بمعزبتنا بيش

تسلمين اختي على مرورج على على عياده الدكتور

العميـــــده · 07-07-2007, 10:07 AM

اقتباس:

عيشه فقر مع صاحبي عطر الانفاس
... في بيت مابه غير قطعه وســـــاده

ولاعيشتي مع شخص معدوم الاحساس
... لو كنت في قصرمن الاماس شـــاده

ياويل قلبي ويلاه بس تراها قطعت قلبي

ودي افزع معها بس مافي يدي شي

صح لسان الشاعر وتسلم يدك

المسالم · 07-10-2007, 11:17 PM

التحجير يبقى مشكلة بعض القبايل

كان الله في عون من عانى من هذه المشكلة

dreamer · 08-11-2007, 07:47 AM

تسلم على القصيده الرائعه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى