****انا طمنته للرجل وان رفعته للرقبه ****

**غرشة فينتو** · 06-03-2007, 09:07 AM

أنـــــــــــ ـشاء الله

<<هذا وجهي يوم قريت يا حووبي

السلام عليكوم كلياتكون

هذي الموضه سلمكم الله ما تعرف جيوب(ن) فاضية او قلوب مليانه هموم >>مهيب غريشه اللي تتحدث

كل ما طلعت لنا موضه قمنا لاحقناه زينة(ن) شينه

اهم شي ما اصير متخلفه عن ركب التمدن وما أعرف الجديد >>لسان حال كل فتاة او اونثى ان صح التعبير

طاري ذا الحتسي ايتها الفتيات اني شفت اكسسوارات تخرش خراش(ن) مهوب صاحي

لكني ما عرفت ووين القاهن>>ايه قولي مقصدتس

لا تقولون اني بعد امشي وراء الموضه وانا مغمضه

لا لا ترى ازعل

>>>طقي رويستس بالجدار الي وراتس وجنبتس >>>تخيلت راسي بين جدارين وطخ طخيخ

العويده نتكلف بالي نرزه بالرقبة ونشرية ذهب او اكسسوار ويكون رويهي وسنع

غيرنا المتسان >>بشري جدتس

صرنا نهتم ونبحث وندور عن شي ينرز بالرجوول

أكسسوارات القـــدم تررراااااااااااااااااااااااااام

>>موسيقى تصويريه

طبعا هذا جزء من الاشكال المطروحه

وهي جديده وتغني عن الجزمه المتكلفه

اللي تعودنا عليه من اشكال اكسسوارات القدم مثل هذولي

وأشكاله كثيره وتلقينه افضل شي باسواق الانترنت

اتمنى من الله العلي القدير ان يحوز موضوعي على استحسانكن

ويلبي رغباتكن

واللي تعرف وينهن نلقاهن تخبريون هع هع

**سحابة حب** · 06-05-2007, 12:03 PM

حيااااااك الله غرشة هانم

بصراحه ،، غريبة هالقطع ،، بس تطلع حلاتها مع الصندل ،،

حبيت هذي قوة

حتى عندي صندل يناسبها ،،

بس جد لو وحده تعرف محل يبيعها تقول لنا >> الله من الزباين اللي بيجونه

بس تراني شرهانه عليك يا غرشة ،،

هذا و انتي من حمام الدار

يعني من اهل البيت ،، ماتحطين الرابط ،،

وش نقول للأعضاء الجدد ،،

برجع للموضوع بعد من احط رابط الموقع عليه

برب

مقرود يامعاندني · 06-06-2007, 02:47 PM

جديده <<<<<<<<<< بذبحهن بهالكلمه
السلام عليكم ورحمة الله وبركاته

بس حبيت اقول انهن حلوين بس دامتس ما تعرفين وينهن وراه تحرينا

بس اكتشفت الحين ان الموضه شرق وانا غرب حسبي الله على من كان السبب

يعطيس العافيه ..... «®°·.¸.•°°·.¸¸.•°°·.¸.•°®»اختس مقرود يامعاندني «®°·.¸.•°°·.¸¸.•°°·.¸.•°®»

>>>> ياكثر اللي يشبهوني بهالمنتدى

حب دافء · 06-07-2007, 09:00 AM

مشكورة اختي

هذا الموضوع ذكرني بكلمة فؤاد المهندس في فليم مطار الحب
البنت بتبان من (جذمتها)اسف للتعبير

بس علشان التطور والتقدم والتقاليع الجديدة

في الوقت الحاضر بتبان البنت من حلي قدمها
ويالا زما العجب

الخاتمة · 06-07-2007, 10:40 PM

غرشة هلابك

وش هالزين وش هالنعومة

بالعادة نذوب وحنا نطالع فوق صرنا نذوب وحنا نطالع تحت

ودنا نزين رجولنا والله

الحقينا غرشة تكفين

بدت الاجازات ووين مايكونون فية بنجيبهم بنجيبهم

ذوق رائع غرشه

دمت بود

**غرشة فينتو** · 06-12-2007, 02:17 AM

سحابة وين الرابط عساتس للصلاح >> قابل الزعاق بالزعاق تسلم

جعلتس سالمه وشفتي الاناقة شلووون

ان لقيتيهن قولي لي

مقرود الي يعاندتس

انا لو ادري ويهن يعني برزهن لكم ؟ يا اختي عطين شوي وخلي كثير

هعععععععععععععععععع

متشنكره على مرورتس الزاهي >>على زززززاهي

حب دافءءء

مت حررر >>خشه تحب المزوح

شكرا قوي قوي يا ضنايا

الخاتمه

عسى خاتمتنا الحسنى يالله

من حيننا نذوب وحنا نطالع تحت بس صرنا نشهق مع الذوبان

يسلم حستس وراستس يا بعدي على المرور

بس ان خبرتيهن لو سمحتي دقي فاكس

لا هنتي

**سفيرة الحزن** · 06-12-2007, 05:01 PM

غرشة فيمتو كاااااااااااان ودي اخدمك

بس من بعد الامتحانات أعدك بفرارتن بالسوق مابعد فراره

من جيان لجمعه سنتر للراشد للخبر مول وبلازا و كلي أمل اشوفهن

وأكون صاحبة اول اكسسوار في القدمين يالبى قلبي بين شلة العيله ( بنات طبعن )

تسلميييييييييين يا بعد حيي وميتي كلك ذووق

**Buffy** · 06-13-2007, 05:44 PM

مرحباااااااااااا..

بصراحه أعجبوني مررره ...

خصوصاً هذي ..

بس فيه مشكله ..
أني مابستحملها .. أحس أنها مزعجه وتحك بالرجل ..

خخخخخخخخخخخخخ

مشكوره على الحركات الحلوه.. ينطيك العافيه ..

طحياتي..

**بيـــــــــش** · 06-20-2007, 05:33 AM

غرشة

اصبري لاتخميني أبطلّع منديل لأن كل وجهي رطب مالتس مكان تحبيني فيه

مالتس موطى رجل فيه >> تقرقع في قلبي أشوا قلتها

وبعدين الجملة مناسبة حيل لمقتضى حال الموضوع (وجه بلاغة)

كلها سالفة رجول وموطى

السالفة ياغريشه ماهيب هنا

السالفة يوم نكشخ فيها ومن الجنب تطلع آثار المشوخ والعظام الزايدة والبقع المستعصية

وخاطري أحط مناكير وأسوي بوديكير لرجيلاتي

بس أخاف يوم يجيهم الما يختربون ويطقطقون ومايمشون عدل (وجه جوال)

الله مير يمد بعمري وبعمرتس وعمر من يقرا ويرد علينا الشتا

متنا حرّ >> وش المناسبه؟

طراه الفازلين اليومي والشرّاب الصوف والشبشب الفرو الوردي

ومن يوم أشيل الشرّاب وأناظر برجيلي وهي تلاصف أحس اني أطلق أونثى في الحسا

<< على قدها

ومن يقول ياصيف تبدا عوامل التعرية تشوف شغلها

أصابع مبقعه ،، وعظم مدري كوع طاقه العج وتقدرين حتى تكتبين عليه حرف ماتحبينه

على أساس مكانه برجولتس

والكعب ....

خليها مستورة

أحس اني شوّهت سمعة رجلي

وفي نهاية الهطاف

أتمنى انتس لقيتي المحل اللي يبيعون فيه هالحركات الزينة

وتعلميني وينه

لأني أستحي أقول لتس جيبي أكبر مقاس >> هذاتس قلتي

أبيه لي ولبافي علشان مايضايقنا ويحك في رجيلنا وتتشوّه

أهم شي الثلاث الأخيرات

وإلا الاكسسوار اللي قبله نقدر نفصله لاضاقت بنا

غرشوه

من حبي لتس صرتي تطرين علي حتى وأنا مايطري لي شي

وذاك اليوم طريتي علي بقوة قبل الاختبار

قلت تهبى مانيب مفكره فيها ألين أحل زين

ويوم حليت زين طريتي علي

وماحسيت بنفسي إلا والمراقبة تقول لي عينتس في ورقتس يابيش >> سرحانه في ورقة بنت

وأنا اللي أحط عيني في ورقتي

وانتظرت المراقبه تروح شوي مناك وماراحت

وناديتها وقلت لها أبي كلينكس منديل نشاّف مساّح ،، أي شي بس روحي

ويوم راحت حطيت عيني بورقة زميلتي البنت >> ليه بالعاده زميلتس ولد؟

وسرحت

وماحسيت بنفسي إلا والأبله تقول لي عينتس في ورقتس يابيش (نفس المشهد)

عادها جابت لي المنديل

وسرحت شوي في ورقتي وبالي مشغول على ورقة زميلتي أبي أسرح فيتس

رحت دزيت القلم وطاح بالأرض وجت الأبله ونزلت تجيبه

واستغليت الفرصة وسرحت في ورقة زميلتي

ورفعت الأبله راسها وقالت عينتس في ورقتس ورجعت تجيب القلم >> تحوسه برجولها

عادني رحمتها وسرحت في ورقتي عن خاطرها شوي

لأن زميلتي سلّمت ورقتها

وحاولت أدّور ورقة أسرح فيها ومالقيت

لأني اكتشفت ان كل البنات طلعوا وماعاد فيه إلا ورقتي

مسكت القلم وحطيت خطين وكتبت تحتهم

ذا إند

ويذ يعطيتس العافية >> يعني كلتس ذوق ياالنعامة

دلوعة البيت · 06-22-2007, 04:29 PM

وعليكم السلام
مشاء الله مجهود تشكرين عليه
يعطيك العافية

اخر صورة مشبها عليها

سبحان الله زي رجلي >> بس مافيها خطوط ولاهي بملحه

مشكورة غروشه

سيو قود افتر نون >> يعيني على عنجليزي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى