يا أنيقه .. لو خـذوك وسافـروا بـك عنـي = الارض صدري .. والسفر من قوسه ليا قوسه

يـا أنيقـه آسـف بشـده علـى هالحوسـه = غرفتي تشبـه كثيـر أوضاعـي المحيوسـه
مـا توقعتـك أبـد بتجـيـن ! فاجأتيـنـي = ع العمـوم الله يحيّـي الطلّـه المحـروسـه
وقّفـي لحظـات بيـن عيـونـي التعبـانـه = لين أرتّـب لـك أريكـة قلبـي المشموسـه
واجلسي بيـن الزرايـر والحشـا الافريقـي = وائذني لي للبكي .. بيذاكـر معـاكِ دروسـه
شاعـرك .. فوضـاه علّمتـه يرتّـب حبّـه = أنتي .. ثمّ الحزن .. ثمّ دموعـه المحبوسـه
والدّموع اللي على وصلـي ووصلـك تنـزل = تـرفـع بنزولـهـا أعلامـنـا المنكـوسـه
هذا إنتي؟؟ ماني مصدّق .. ولا ني مكـذّب !! = آه مـن بـرد الجفـا ورياحـه المتـروسـه
وايه حنّا نـاس غيـر النـاس يـا حوريّـه = روسنا ما هيـب لضعـاف البشـر مريوسـه
لي افترقنا نبتسـم ! ولـي التقينـا نبكـي ! =ويـا فديـت جنوننـا واشياءنـا المعكوسـه
مرحبا .. ترحيبـة البـدو العزيـب الرحّـل = بالمطر .. لاوّل هشيـم الماحلـه المعبوسـه
صح هذا انتـي ! وهـذا عطـرك السمياكـي = وهذي بوهة وجهك اللي بالضحـى محموسـه
وهذي ربطة شعرك البيضا .. وذا خصلاتـه = كنّها فـي زيـت زيتـون الشفـق مغموسـه
وهذي الوانـك .. وهـذا المعطـف العنّابـي = وهذي ساعـة يـدّك المحظوظـه المنحوسـه
لا هـي اللـي طالـت أصابعـك وتشابكهـا = ولا هي اللي قريبـه مـن عاتقـك وتبوسـه
وهذي مشيتك اللي من صغرك مـا غيّرتيهـا = هالبشـر يخجـل يضـر القـاع ولاّ يدوسـه
الجمـادات الـرذاذ .. تهمـس لا مرّيـتـي = مرحبـا يالناعـس المحشومـه الطـاووسـه
قولي والله انك انتي معي ! مانـي مصـدّق ! = لا تلوميـن الحـواس الشـرّد المهـووسـه
كل ما غنـى لـي الغيّـد بصـوت مواصـل = شلّهـا قلبـي وركّبهـا عـلـى منكـوسـه
صـورةٍ فـي البـال لـك معامـد اتخيّلـهـا = أقرب احيانـاً مـن المحسوسـه الملموسـه
وانتي لو مـا كنتـي فيـدّي ولا كنتـيلـي = لحظتك عن عام .. كـل ليلـه مـع عوسـه
لانّـك الأفخـم إسـم .. والأبسـط انسانيّـه = ولانّك الوجه التقـي .. والطيبـه المغروسـه
ولانّي أحبك محبة عمق .. مـا هـي نـزوه = أسمى من حب الجسد .. وللهـوى ونجوسـه
يا أنيقه .. آسـف بشـدّه علـى هالحوسـه = لهجتي تشبـه كثيـر أوضاعـي المحيوسـه
مـا سألتـك ليـه جيتينـي .. ولا ضيّفتـك = ما ابي أخرّب على جـو الوصـل وطقوسـه
ليه جيتي؟ أسألك .. وانا اعرف وش جابـك = طاب شجر الغـاب والحطّـاب قـرّب فوسـه
لا تقولين اني أرخصتك .. وانا ما ارخصتـك = ولا تقوليـن اشتـراك المشتـري بفلوسـه
ولا تقولين ان هالمـره .. هـي آخـر مـره = اتركي لـي حلـم بعـد احلامـي الميئوسـه
انا شاعر .. حلمه اللي سـوّا منّـه شاعـر = الذهـب والعالـم الجديـد .. دم ضـروسـه
يا أنيقه .. لو خـذوك وسافـروا بـك عنـي = الارض صدري .. والسفر من قوسه ليا قوسه
ليت صيت الجد مـا ينفـع سخيـف احفـاده = وليتها هالحيـن وان الكـل شـارب موسـه
وليت .. نقطـه نقطـه نقطـه نقطـه نقطـه = ما ابي أغلط في الزمـن والعالـم المنفوسـه
ما اعرف شو اقول .. ولا اعرف ايش اسوّي = الحزن .. طلّت من ابـواب الليالـي روسـه
انسي كل اللـي حصـل هاللحظـةوضمّينـي = يا خسارة عمـري اللـي راح ويـا ناموسـه
والله ان امه دعت لـه تحـت بـاب الكعبـه = واحـدٍ حطّـك فـي بيتـه يالغـلا عروسـه

بمناسبة قرب الإختبارات .. صارت حتى شوفة الأخبار على قناة ارتيريا لها متعه

هـــلا هـــــلا بــــك يا هــــــــــلا = لا يا حلـــــــيفي يا ولا

اررررحب يازااااحف بوووي

وشلونك يابوسويقاات

وشلون المذاكرة

هذا حال كل داافووووور ياداافور تدري ليه تحس بذا الاحساس لانك مسكر على نفسك تسكيرة ملعونة جدف

ماشاء الله عليك والله يوفقك

امّا بالنسبة للقصيدة ذووووووق ياللي فوووووق

نجي لـ سعد علوش شاعر خامته راقيه وقصيدتة راااائعه جداً اعجبتني طريقتة في وصف الحوسه يـا أنيقـه آسـف بشـده علـى هالحوسـه غرفتي تشبه كثيـر أوضاعـي المحيوسـه مـا توقعتـك أبـد بتجـيـن ! فاجأتيـنـي ع العمـوم الله يحيّـي الطلّـه المحروسـه سعد علوش شاااعر عملااااق وختمها بطريقة عملااااقه والله ان امه دعت له تحـت بـاب الكعبـه واحدٍ حطّـك فـي بيتـه يالغـلا عروسـه الله الله عليك ياسعد علوش والله الله عليك يازاحف بوي نقل رائع جداً الله يعطيك العافيه ولاااااااااااهنت

هلا هلا بك يا هلا = لا يا حليفي يا ولا

قصيدة جزلة معانيه ومرتبه كلش يا زاحف بوي

صح نقلك يا الولد الزاحف