حنّـت عيونـي للجنـوب

maiaz · 05-22-2007, 01:47 PM

مسائكم انوار

من دوافع تشدني الى الجنوب انتقيت لكم هالقصيدة

والتتي من قصائد الشاعر حامد زيد

واعيني اللي كل ماذعـذع مـن الغربـي هبـوب
يحلا لهـا لـون الغـروب اللـي يـذوب قبالهـا

ويا ويل حالي كل ما يحـلا لهـا لـون iiالغـروب
تطـري لـي الريـم اللعـوب وسالفـة ترحالهـا

وياجرّ قلبـي كـل مـل تطـري الريـم اللعـوب
حرّمت أمد ايدي على حاجة وأنا مـا اقـوى لهـا

من سافرت ريم الغلا صدّيت عـن كـل الـدروب
ماهـو قصـور بالعـذارى بـس ذيـك لحالهـا

من فارقتني ما خطف قلبي مـن الحـور محبـوب
ولا لقيـت الجـادل اللـي تستحـق أحيـا لـهـا

لان القلوب إن ما وفت لأحبابهـا ماهـي قلـوب
والعشرة اللـي ماتـرد الـروح مـا نسعـى لهـا

أما الوفاء الل يستر الرجّـال مـن كـل العيـوب
والا الجفاء اللي يستر عيوب العـرب ف رجالهـا

مـا أقسـى مــن فــراق أهــل الجـنـوب
ويلي على اللي كـل مـا تزعـل تشـد رحالهـا

اللي مذيّرها العتب.. لا شبّـت بصـدري شبـوب
عيّيـت أراضيهـا وهـي عيّـت تطـول بالـهـا

كانت معي مثل النصيب يحدّني مـن كـل صـوب
كانت دروبـي مـن متاهـات الضلـل.. لظلالهـا

كانت هروبي لا شعـرت إنـي بحاجـة للهـروب
كانت سماي اللي ليا ضاقـت علـيّ ألجـا.. لهـا

ليه اتحداني وأنـا فـي كـل الأحـوال مغلـوب ؟
ليـه حرمتنـي مـن قهـر عـذالـي وعذالـهـا

ليـه اتجاهلنـي وأنـا مانـي جبـان ولا كـذوب
ليه ارخصـت دمعـي وأنـا مـا بكيـت إلا لهـا

ما ترحم اللي له سنه كنّه علـى النـار محطـوب
مـا هزهـا دمـع الفقيـد اللـي بكتـه أطلالهـا

ما خافت تهدْم السنين اللي بنتنـا طـوب طـوب
ما فكـرت تشفـق علـى حالـي وترحـم حالهـا

قولوا لها لـو مـا تـذوب أنـا بخليهـا تـذوب
قولوا لها لو ما عنـت لـي مستعـد اعنـا لهـا

اليا ادمحت لي هالخطا بدمـح لهـا كـل الذنـوب
وإن جابت الحسنة معـي تبشـر بعشـر أمثالهـا

افرش لها صدري وطن واجمع من ضلوعي شعوب
وارقـى لهـا مكانـة محـد قـدر يرقـى لـهـا

إن كانّي مخطي فأنـا مانـي خلـيّ مـن العيـوب
الذنـب يغفـر والبشـر تجـزا بقـدر أعمالهـا

البعد قاسي والفـراق يضيّـق الصـدر الرحـوب
وأنــا تعـبـت أدور الحيـلـه وارد احتالـهـا

قولوا لها ترجع ترى ماني على البعـد مغصـوب
وإلا تـرى نـذرٍ علـيّ أنـه مهـوب أشوالهـا

أمـا تجنّـب هالهبـال وتتـرك البعـد وتـتـوب
والا بتبشـر بالهبـال اللـي مـا هـوب هبالهـا

كافي زعل ترى الظروف مقفّلة مـن كـل صـوب
وأنا حملـت مـن الهمـوم أنواعهـا وأشكالهـا

يكفيني أني كل ما هبـت علـى صـدري هبـوب
تحـنّ عينـي للجـنـوب وتلتـفـت بلحالـهـا

والمشكلة أني كـل مـا حنّـت عيونـي للجنـوب
تطـري لـي الريـم اللعـوب وسالفـة ترحالهـا

وعز الله إني كل ما تطـري لـي الريـم اللعـوب
حرمت أمد ايدي علـى حاجـة مـا أقـوى لهـا

**سحابة حب** · 05-22-2007, 02:24 PM

رووووعه القصيدة يا ميااااااااااز

اعشقها حد الجنون

تمنيت انك حطيتها بصوت شاعرها ،، بتصير إضااافه روعه للموضووع

حامد زيد و قصايده تميز لأبعد مدى

نورت يا بعدي

**ياهملالي** · 05-22-2007, 02:44 PM

مراحب مياز ..

مشكور على نقل القصيدة والله يعطيك العافية ..

قصيدة لها ثقلهابالآونة الأخيرة ..

ولها جمهور كبير .. ومتذوقين أكثر ..

لفت انتباهي .. خطأ صغير غير مقصود بالنقل ..

اقتباس:

مـا أقسـى مــن فــراق أهــل الجـنـوب
ويلي على اللي كـل مـا تزعـل تشـد رحالهـا

والصحيح :

ما أقسى من فراق الجنوب إلا فراق أهل الجنوب
ويلي على اللي كل ما تزعل تشد رحالها

أكرر شكري لك عزيزي ..

maiaz · 05-22-2007, 03:37 PM

سحابة حب

النور نورك ياطويلة العمر

وبالنسبة لفكرة لو كانت صوت

أنا معك إنها بإلقاء الشاعر

بتكون أحلى
.
.
.

خليها تضبط معي بدون أخطاء

وبعدها تبشرين بالصوت والصوره بعد

مرورك وطلتك هي التميز إلى ابعد حد

maiaz · 05-22-2007, 03:45 PM

عزيزي ياهملالي

اعتز كثير بمرورك وحضورك

وباقي الأعضاء كذلك

والشكر موصول لكم انتم

بالنسبة للخلل المطبعي

تحصل بأكبر الدول

ولاهنت على التعديل

وعلى المرور الراقي

حبيبته · 05-23-2007, 04:45 PM

يا مساء الخير والاحساس

من جد مساء كله احساس مع هالقصيده الرائعه

انا بصراحه اول مره اقراها ولابعد سمعتها من قبل

مـــايــز ...بس من جد انت ذوق القصيده حلوه مره

مشكور على النقل الحلو..........

تحياااااتي,,,,,,,,,

maiaz · 05-25-2007, 02:48 PM

حبيبته

مساء الخيرات

مشكوره على الاطراء

وعلى مرورك الرائع

كوني بخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى