ابداع Gucci

ماروكو · 05-20-2007, 03:45 PM

وووبس

يارب تعجبكم

**سحابة حب** · 05-21-2007, 07:45 PM

ماركووو

وش هالزين فديتك

مدري طال عمرك احد يطرد وراك و انتي تنزلين الموضوع

سلمي ،،

قولي شيء ،،، ماشياااات ،،

على العموم

كولكشن رووعه ،،

عجبني حد الدعسه

هالشنطه انا خاقه معهااااااا الف

تعالي كلبو دايم في المقلط

**هجير** · 05-24-2007, 03:15 AM

^
مو بس ماركو في غيرها

كولكشن ياماركو حلووو ومتنوع

اما الشنط روحي السوق

وتلقين شنط غوتشي التقليد

مافيه فرق الا ان كان بالجودة

أعجبتني العقود ونعومتها

لاتنسيني ياسحوبه اذا اخذتي الشنطة تأخذين لي عقد مجاني

<<وجه مايستحي

والنظارات أنها جميلة وتحمينا من أشعة الشمس

ولكن وين نلبسها بالبيت والمنزل محمي من أشعة الشمس

يعني اشتريها واقعد بالحوش يعنني شوفوا نظاراتي ويأتيني

فرد من العائلة ويسئلني وش تسوين قاعدة أمام الشمس

أقووله أتشمس وأصيح من داخلي الشمس حرقتني

ومقصدي انا هل رأيت نظاراتي الجميلة انها من غوتشي

وبمبلغ .. ريال .. بيقولي الله يسلم محلات بو ريالين

اشتري النظارة وثاني يوم متكسرة والا عوجا

<< امسكت خط

ومايصلح اروح السوق بالعصر وانا لابسة نظارة

سوف يروادني شك بنفسي من نظرات الناس

أهون امشي بمظلة << اسواق لندن على غفلة

مافيه الا اذا جات العطلة اشتري نظارة وأحللها

بالسفر حتى لو انام فيها مافيه مشكلة

تسلمين ياماركو والسموحة اذا طولّت عليك

يعطيك العافية على هالكولكشن الروعة

**شقرديه** · 05-24-2007, 05:08 PM

حيّا الله ماروكو

بس تراني متشرهة عليتس>>طقي براستس في الجدار

كل هالزين وساكتة

ماشاء الله باين عليتس ذويقة ونعومة

وان كان فيه توزيع هدايا لاتنسوني

^
^
وحده منهن مانيب مكلفة عليكم

وان حصل كلهن ماراح نقول لأ

يعطيتس العافية ماروكو

ونو تبطين علينا في المقلط

**بيـــــــــش** · 05-25-2007, 03:32 AM

8
8
يسعد أيامتس ياشوقو (وجه باين في عيونو الشوق)

ودي أخمتس بس هالأيام عندي حالة عدوانية ضد الأبلات

أخاف أضمتس وأستاثم فيتس

وخري جعلتس تخمعين على ركبتس وانتي توزعين أوراق الأسئلة >> نوع من العدوانية

سلام كبر مصنع قوتشي وبعدد العماّل اللي يشتغلون فيه

وماأقول إلا ياحظ حريمهم

كل يوم يدخل عليها بشنطة وإلا عطر وإلا طقم اكسسوار

واذا كان زعلان منها مره مره قط عليها محفظة وإلا تعليقة مفاتيح

واذا جت تودي هدية لصديقتها تقول له هات معك أي شي من الدوام

من أول اذا رحت للسوق أمر على المحلات وأفكر هالتفكير

كل محل وحسب نشاطه

يعني اللي يبيع ذهب أقول ياحظهم أهله مايتعنون للسوق علشان الذهب

واللي يبيع بلايز أقول ياحظهم أهله آخر ماينزل تلقينه عليهم

وراعي الاكسسوارات أقول ياحظ أهله

كل مالبست شي دقت عليه وقالت هات لي يابوفلان اكسسوار باللون الفلاني حسب لبسها

واللي يبيع الجزم أقول ياحظهم أهله >> على شبشب جديد

ماروكو شلونتس ياذا البنت الشياكة

اذا كنتي بتاخذين معتس بقشه وبتجيبين فيها شي للبنات اللي طلبوا قبلي فوق

تراي اشتهيت هالعقد التاليه صورته

واحرصي عليه لايتشابك مع عقد شقردية >> على أساس في بقشة

يعطيتس العوافي واللبس الضافي

ويذ قنبلة نمبر تو >> يعني السواق عم بينادي

**شقرديه** · 05-25-2007, 10:57 AM

اقتباس:

المشاركة الأصلية كتبت بواسطة بيـــــــــش [عفواً يمكن مشاهدة الروابط للمسجلين فقط للتسجيل اضغط هنا]

8
8
يسعد أيامتس ياشوقو (وجه باين في عيونو الشوق)

ودي أخمتس بس هالأيام عندي حالة عدوانية ضد الأبلات

أخاف أضمتس وأستاثم فيتس

وخري جعلتس تخمعين على ركبتس وانتي توزعين أوراق الأسئلة >> نوع من العدوانية

:

الله ياخذ عدوتس يابيشو تعالي خليني اخمتس

جعل عدوتس يخمه البلش

وخذي راحتس ضمضميني

على كيفتس>>وجه شبه منحرف

هالأيام ماسكه اعمال إدارية >>كني بتس تقولين هذي اللي اطقع من الأبلات

لأني خابرتس حاقدة على مديرتكم فطيمه

يعني ماراح اوزع أسئلة الاّ ان كانتس تبيني أخمع وانا اتفقد

أحوال البنات في الإمتحانات

بيشو يابعد كل من قام وقعد

الله يوفقتس ياقلبي

وجعلتس للرجل العجل اللي يشتغل في محل خضار وفواكة>>يدخل عليتس بباغة

بردقان ولا جحة >>طراها الصيف والحر

ترى اصرف لتس من الذهب والخلاقين والاكسسوارات

معليش ماروكو على هالمداخلة

بس لازم ارد على الغالية بيشو السبهه

**نور الدنيا** · 05-30-2007, 04:27 PM

قلبي قلبي قلبي <-- تاثير الصدمه

روووووووووعه ( خشه تقول ليتهم عندي )

بجد غالبيتهم رووووعه

تسلم اناملك اللي اختارت الكولكشن الذوق ياذووووق

اموله المهبوله · 06-16-2007, 12:49 AM

اممممممممممممممم

كتير كتير منيح اكيد دامه من Gucci ^_*

والامنح انهون كوون منك ميرا دوثتي<يا بعد قلبي وتسبدي وتسلاي ومصاريني وش تبين اكثر من هيك ..من ذمان عنك ومثتاقتلك

^^
هذا الشي مرره عجبني

^^
حتى هذا الشي مرره جميل والاكسسوارات كلها حلوه

كتر خيرك سديقتي تثلمين على الابداع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى