وعليكم السلام والرحمه
طيب انا وسط بين النسوان
تسلم علي قبل الصغار والا بعد الكبار
قريت موضوعك يوم الاثنين ياهو عشرين او ثمانطعش
المهم اني خلصت مذاكرة المحاسبه ودخلت بالجوال للمنتدى
المضحك في الموضوع اني خلصت قاريته من هنا
والا اخوي جايني ومعه ايسكريم اختي
قلت حرام عليك تاخذ شي مو لك
قال يابنت الحلال وسعي صدرك
بوسعه اكبر شي في الدنيا ماعندي مشكله
بس المشكله انه يحس انه عادي واذا اخذت شي مو لي
يعني ان غيره يسوي أكثر
وهذا غلطنا
نقيس تصرفاتنا على الناس
بدون ما نشوف هم صح او غلط
اذكر قد انسألت مره سؤال حسيت منه بتخلف المجتمع
هل انا من عائله محافظه والا زي الناس
يعني اذا انا من عائله محافظه منب زي الناس؟
سبحان الله من جد انقلبت الموازين
معد احد عنده قلب حي
يعرف الصح ويسويه ويعرف الغلط ويبتعد عنه
والادهى من كذا اننا مانعترف ان اللي نسويه غلط
بالعكس
نتمسك به ونبرر بأننا مثل الناس
يعني لو بيدخلون النار بتدخل معهم؟
والا بس الشي اللي على هواك تسويه
واذا نبهنا وقال هذا غلط
او حرام
ماعندنا الا ردين
يا وسع صدرك
او الله يتوب علينا
الله يتوب على اللي يتوب ويستغفر
مو يتوب على اللي مستمر في الغلط وهو داري انه غلط ويبي الله يغفر الله
ولا ننسى ان غفلة الناس سبب في العذاب
﴿ضرب الله مثلاً قرية كانت آمنة مطمئنة يأتيها رزقها رغداً من كل مكان فكفرت بأنعم الله فأذاقها الله لباس الجوع والخوف بما كانوا يصنعون﴾
الله يهدي الجميع
ويثبتنا على الصراط دنيا وآخره
شكرا ابو مفاصل
على هـــــواك
