وين الترحيب يااهل البيت ..!!

مكفوخه بقدر · 05-11-2007, 07:43 PM

هـلا والله وغلا

كيفكم ..؟؟ يااحـــلوين

انــا اعجبني بيت الزكرتيه حييييييييل .. وانتم عاجبيني اكثرر

وحبيت انظم لكم واكون وحده من اهل البيت <<

وياليت تتقبلوني اخت لكم واتمنى اني ادخل قلبوكم بسرعه .. واكون وحده خفيفة دم عليكم ووووووووبـــــــــــــــــس

انتظر الترحيب

سلطان الحوطي · 05-11-2007, 09:29 PM

اقتباس:

هـلا والله وغلا

كيفكم ..؟؟ يااحـــلوين

يا هلا ومسهلا كيفك انت

اقتباس:

انــا اعجبني بيت الزكرتيه حييييييييل .. وانتم عاجبيني اكثرر

وحبيت انظم لكم واكون وحده من اهل البيت

هذا من ذوقك...هلا ومرحبا فيك عضوه فعّاله..انشاءالله...

اقتباس:

وياليت تتقبلوني اخت لكم واتمنى اني ادخل قلبوكم بسرعه .. واكون وحده خفيفة دم عليكم ووووووووبـــــــــــــــــس

وليه ما نقبلك بالعكس..نقبلك ونتشرف....حياك الله

انشاءالله تكونين خفيفة دم....

اقتباس:

انتظر الترحيب

تستاهلين كل الترحيب

والحين اعضاء المنتدى يبون يجون يرحبون بتس احسن ترحيب...

مكفوخه بقدر · 05-12-2007, 01:16 AM

سلطان الحوطي ..,,

يــــاحبـيلـكـ واللهـ .. مشكووور ع الترحيب اللي يجنن >>مرره حلوو

واتمنى اني افيدكم واستفيد منكم ...

ويالله اناا بانتظار ترحيب الاعضاء لي

**بيـــــــــش** · 05-12-2007, 03:38 AM

أنا وحده من الأعضاء جيت

وعليتس الهلا ورحمتو الله

أنا طيبة وأزقح انتي بشريني عنتس

عساتس صويحيه؟

سقاها الله أيام الضحويات

يوم أطلع من المدرسة وأكون خابره من الليل وين أمي بتكون

آخذ جدول زياراتها للضحاوي علشان أروح ألحق على البيبسي والسفل أب (وجه زجاجة طويلة)

ومن يوم أقبل على هالحريّم وهم يسألوني

عساتس صويحية؟

وأنا أهز راسي وأقول في خلجاتي العطشانه هاتي البيبسي بس

ومايمديني أحط فمي بالكاس إلا أمي رافعه عبايتها تبي تلحق تسوي الغدا

وأقوم وراها وأسابق الخطوات عساي أخلص البيبسي قبل أوصل للباب

تدرين يامصقوعة الوحده المفروض ماتحط شي بذمتها للناس

أبي أشرب بيبسيهم وأحط غرشتهم وأطلع >> على زوغوطّه

ماعادوا النسوان مثل أول نشيطات

صاروا يعضون المخده نوم واذا عضوها قاموا وتغدوا ورجعوا يقيلون

الله يبلغني وأصير أم ربة منزل

ان قالها الله أبسيّر من الصبح ألين العصر

ذاك دوام نهار (وجه شباب بيه)

ودوام الليل من بعد العشاء ألين يسحبني النوم

أهم شي ان الوحده توطد علاقاتها الإجتماعية وتاصل جاراتها

مصقوعة جهزي قدرتس وعزمي معي على ذات ضحوية

نبي نفلها عند الغدير (وجه انفلات اجتماعي)

هلا بتس كثر الرجه اللي براستس عقب الصقعه

زين منتس دليتي الملحق ومارحتي هناك >> وين؟

وبالنسبة للفايده أنا أبصم لتس اني أكثر وحده تبين تستفيدين منها هنا

يلا قولي لي ياحبي لتس يابيش وروعة الترحيب

علشان أرجع بكرة أرحب بتس مرة ثانية

ويذ القدور >> يعني الله يجعلتس تاكلين من خير بيتنا

**ميلاني هلالي** · 05-12-2007, 01:03 PM

الا بنشدتس

القدر شاريته من شارع السباله والا اسواق بن دايل ..

<< - ياليل السماجه

حياتس ياراعية القدر ..

ياهلا ومرحبا باللي شرفنا ..

اعتبري المحل محلتس ..

ولاتبطين علينا بالمشاركات والتفاعل ..

فمان الله ,’,’,’,’,

**عميد الزكرتية** · 05-12-2007, 01:21 PM

^
^

بيـش

ليش ترفعين الصور على مواقع اجنبية

لاتقولين محد عطاتس يوزر

على صفحة تحميل الزكرتية

اذا ماعطوتس يوزر ماعندهم سالفة

واذا عطوتس يوزر ماعندتس سالفة

اقووول يابيــش

غيري رااابط توقيعتس يالقذله الغانمة

الحين حنا يا الرياجيل

نقول لبعضنا من باب المدح والثناء

ياللحيه الغانمة

او نقوول فلان شنب

او نقوول عنك ان فلان رجااال

انتم يالحريم وش تقولون ؟؟

يالقذله الغانمه

يالبشرة الصافية

ذات الرداء الاحمر

ارررررحبي يامكفوووخة بنت قدر

وش لون اختك مصقووعه بقدر

مكفوخة بقدر

إن شاء الله نشوفك من المبدعين معنا

وتفيدين وتستفيدين

والبيت بيتك والمطرح مطرحك

**عميد الزكرتية** · 05-12-2007, 01:22 PM

الاسهم غادية اليووم

**Buffy** · 05-12-2007, 07:33 PM

مكفوخه بقدر ..

هلابك ياخيه .. حناا مناح كتر خير الله ..

انتي كيفك .. وش علومتس ..

أقول مكفوخه ..
من هو اللي مايخاف ربه وكفخك .. و بقدر بعد ..

هذا ماعنده رحمه ولاقلب .. أنتي دليني عليه .. وانا اتفاهم معه <<<ياهو ياراعية الفزعاات

اقتباس:

انــا اعجبني بيت الزكرتيه حييييييييل .. وانتم عاجبيني اكثرر

والله صدق <<<وجه مشفوح

يلا ياخيتو ..
نبي نشوفك مدهره معناا بكل الأقسام بلا استثنااء ..

ننتظر موضيعك ..

طحياتي ..

مكفوخه بقدر · 05-13-2007, 12:40 AM

بيش ..,,

ياااااحـــبيلــتس وياازينتس واللهـ .. ترحيبتس اكثر من روووووووووووووووعه

يجنن ويهبل وياخذ العقل

يااللهـ رحبي بي مره ثانيه خخخخخخخخخ

واكيد بستفيد منتس كثير يابعدي ..

الله لايحرمني منتس قوولي آمييييييييين

مكفوخه بقدر · 05-13-2007, 12:54 AM

ميلاني هلالي ..,,

الله يحيكـ .. مشكوور ع الترحيب الحلووووووو والرووووووووووعه

ولاتخاف متى مانطت فكره براسي بنزلها على طوول هع هع

تشرفناااا <<

مكفوخه بقدر · 05-13-2007, 01:11 AM

عميد الزكرتيه ..,,

ياهلا وغلا بعمدتنا هع هع ...

اقتباس:

انتم يالحريم وش تقولون ؟؟

يالقذله الغانمه<<هذي ماتنفع تشبه حقتكم اللحيه الغانمه خخخخخخخخ

يالبشرة الصافية << وقع الاختيار على هذي ههههههههههه

ذات الرداء الاحمر << هذي طوويله شووي خخخخخخ

اقتباس:

ارررررحبي يامكفوووخة بنت قدر

وش لون اختك مصقووعه بقدر

والله الحمدالله مصقووعه تسلم عليك كثير السلااام هع هع

ان شاالله افيدكم واستفيد منكم .. واتمنى اكون وحده من المبدعين

ياحبيلك وياحبيل ترحيبك واللهـ .. كلكم تهبلووون ههههههههههه

مشكوور ع الترحيب الرووووعه ياعمده

مكفوخه بقدر · 05-13-2007, 03:33 PM

Buffy ..,,

ياهلا بتس انتي والله ..

اناا الحمدالله منيحه

اقتباس:

أقول مكفوخه ..
من هو اللي مايخاف ربه وكفخك .. و بقدر بعد ..

والله مدري من اللي كافخن يوم يكفخني اغمى علي على طول ولا شفت المجوم هع هع

ان شاالله ابدا بالمشاركات وتعجبكم

وبدهر بكل الاقسام ان شاالله

تسلمين يابعد تسبدي ع الترحيب الخطيييير

الله يعطيتس العافيه ..

**هجير** · 05-13-2007, 04:23 PM

ياهلا وغلا

بـ مكفوخه بقدر << ماتوجع ضربة القدر صح

شعوري صعب أني أرحّب فيك لأنك صرتي

من أهل البيت ..واللي مفروض علينا بيصير

مفروض عليك حتى رعايتنا للبيت

حاطين جدول كل يوم على وحدة

وأول يوم صار عليك

<< ماشاء الله

نورّتي يامكفوخه وحياكِ الله معنا

أختك / هجير << وش عندها

اعلانات المنتدى