احلى ماقيل في العيووووووون

حسب الظروف · 05-08-2007, 10:40 PM

مساءكم ورد وياسمين

العيوووون بالنسبه للرجل والمرأه من احلى الاشياء اللي خلقها الله سبحانه فينا

ولكن عيوون المرأه لها شكل خاص اذا دقتها بذيك الكحله والمكياج

شاعرنا سعيد السعدي شكله شافله وحده في مجمع او شي من هذا

وكتب فيها اجمل قصيده

ومن وجهة نظري انها من افضل القصائد الشعبيه في وصف العيون والغزل بوجه عام

وان كانت قصيره في ابياتها لكن وافيه في معانيها

اليكم القصيده


	ناشدتك الله كف تحريك الجفون لاتذبحن في غمزتك واسهامها عينك حشا ماهي مثل باقي العيون به ميزةٍ محدن يحل ارقامها لاناظرت او سلهمت فيها دفون تحيّر اللي جالسن قدامها وانا سبب هالقلب غطتها الشجون والروح تاهت في بحور اجسامها بين المحاجر والرمش ذاك الفتون معذور لو نفسي تزيد احلامها لجلك علي الصعب يالغالي يهون اعطاه ماتشكي القدم الآمها حتى ولو تقسي علي مابك اخون نفسي رضت ترفع لك استسلامها بس وش تبي آمر علي وانت تمون الحال نشفت مابقى الا عظامها

وسلامتكم وتمنياتي بأن القصيده تعجبكم

وشكرا

حسب الظروف

احسن واحد · 05-13-2007, 03:14 PM

تسلم حسب الظروف

وخذ فوق الحساب احسن ما قيل في العيون

ان العيون اللتي في طرفها حورن

قتلننا ثم لم يحينا قتلان

يصرعن ذى اللب حتى لا حرك به

و هن اضعف خلق الله اركــان

كاسب الطيب · 05-14-2007, 01:26 PM

حسب الظرف

قصيدة قمة في الابداع
لا استطيع اعطيها حقها
صح لسان الشاعر سعيد السعدي
ولسانك وشكرا لك على الاختيار

**Buffy** · 05-14-2007, 08:31 PM

حسب الظروف ..

القصيده رووعه ..

و كلماتها بعد ..

اقتباس:

بس وش تبي آمر علي وانت تمون ** الحال نشفت مابقى الا عظامها

صح لسان شاعرها وصح نقلك ..

طحياتي..

عاشق ونس · 05-15-2007, 08:19 AM

الله الله
يعطيك الف عافيه أنت وشاعرها أخوي
حسب الظروف
على هالنقل المتميز والذي يدل على سمو ذائـقـتك دون شك
ــــــــــــــــــــــــــ
وشكلك ـ نكشتني ـ
بحاول اقول شي جديد .. بهالمجرمات
أمهات بؤبؤ وقرنيه وشبكيه .. ومدري وش بعد
وين ابو رحله ؟ يكمّلها يقول ـ وغـَمَـص ـ
ترى يسويها ولا يبالي

دمت أخوي حسب الظروف ولا عدمنا روائع نقلك

تحياتــ عاشـ ونس ــق ــ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى