السلام عليكم ورحمة الله وبركاته ..

مسيكم بالخير ..

عشاق كرة القدم

غدا ًيوم الاربعاء <<- في ذمتك


الكل يأجل مواعيده ويترك عنه العزايم

غداً يوم كروي هائل ..

طبعن اللي مايحب الكوره الاوروبية فيه عربية


يعني تحجير اللي مايبي ذي فر القناة على الثانيه ..


هيا بنا نشوف

[ يوم الإربعاء ]



22/4/1428هـ
8 / 5 / 2007م



][ تـرتـيـب الـمـبـاريـات ][





[ 45 : 6 ]

الـهـلال Vs الـكويت




[ 45 : 8 ]

الـشباب Vs العين








( دوري خادم الحرمين الشريفين الجوله الأخيره )

الوحده Vs النصر

الإتحاد Vs الفيصلي

الطائي Vs الإتفاق

الخليج Vs الأهلي

القادسيه Vs الحزم


[ 45 : 8 ]


(( الـفـرق الـمـهـدده بـالـهـبـوط ))

الطائي 20
الحزم 20
القادسيه 19
الفيصلي 18
الخليج 17


( في حالة الهبوط ينظر للنقاط وليس لفارق الاهداف )






كأس إيطاليا

روما Vs إنتر ميلان

[ 45 : 9 ]

( مباراة ذهاب )





الدوري الإنجليزي

تشلسي Vs مانشستر يونايتد

[ 00 : 10 ]


( طبعن مباراة مالها اي اهميه سوى سعة الصدر لاكن بتكون حلوه )

< - رقعها

مشاهده ممتعه للجميع ..

نراكم على خير ان شاء الله ..




فمان الله ,’,’,’,’,

^
^

وش فيه كاتمها كاكا افندي ( وجه يقول ليته مع النصر )

هلا ميلاني ياخي مبطي عنك

عادك جلمه او تغيرت ؟

مشكلة كثرة المباريات وانت مع شلتك في الاستراحه

ان كل واحد له راي

لو بحط على روما والانتر ومباراه حماس

يجيك واحد ناشب يقول ياخي فر على مانشستر وتشلسي

نفر عليهم نلقاها مباراه عاديه مافيها ذاك الحماس

مايمدينا نرجع على روما والانتر

بيقول ركنيه ياخي يمكن يجي منها هدف

<< متوقع الاحداث ذي بتصير اليوم

بس عناد بمسك الريموت وبخليها على الاتفاق والطائي

امانه مهب شوفة صالح بشير ابرك من شوفة دروجبا وطقته ؟

بس الظاهر حسب ما سمعت تأجلت مباريات الدوري الى بكره الخميس


الهلال والكويت تنتهي 8.30 يمدينا نشوفها كامله

الشباب والعين يمدينا نشوف الشوط الاول

وبعدين نروح لروما والانتر ونشوف ربع ساعه

ونفر على تشلسي ومانشستر

وهكذا دواليك بين روما وتشلسي والشباب

اهم شي نتارع كوره

والكبسه تجي بين الشوطين يعني الساعه 10.30

لحم التويس اللي توه يقول بابا

ياسلاااام فينك يانفوخي


ميلاني تشكرات واجد

^^^
^^

ههههههههه .. صدقت والله .. نفس الاوضاع مع الشعب كلهم ..

لكن مالك الا تشـوف المباراة الي تعجبك .. رح امسك زاويه بيتكم .. بالحالك وشفها كامله ولا احلى ..

يعطيــك العافيـه .. ياالغالي ميـلاني هلالي ..

اهم شئ مبــاراة .. رومـا والانتر .. والله يسـتر روما لا تطيح وجيهنا مرةً اخرى ..

ويسلمووو من جديد ..

..

تحياتي لك ..

اخـوك
Jroo7y 5ams

__________________

Azzom@hotmail.com

السلام


البلا اللي ماهوب شايف لاذي ولاذي ولا تلك

يعني مانيب شايف الا وجه ريسنا



الزبده ياعيال وش صار على الدوري من اللي هبط

ومن اللي تدفى



افيدونا

__________________
.
.
.
.








[عفواً يمكن مشاهدة الروابط للمسجلين فقط للتسجيل اضغط هنا]
^
^
^
^
اذا تبي توقيع اضغط على التوقيع <<< يمديكم على القافيه



مع الشكر للاخت الملكه

أبووهم يا ميلاني .. تحرجنا تسذا الصراحة .. تخلينا نبلش ولا نقدر نمدحك .. !

مير البطل انزهم سته .. هذي مباراة السنه ..

أجل سته يا عيال النيص .. ويين بطل الدوري .. والمشلكة ان الانتر لعبتهم الكاس ..

ومع ذلك .. هزيمة قاسية ومع الرأفة جت سته ..

أبو سبعه يفوز على بطل الدوري بسته .. هههههههههههههههههههههه

الهلال تأهل بعد التعادل والله المباراة تجيب الحموضة ..

النصر كالعادة يخرج بلا نقااط .. !

الصااعديــن هبــطوا .. ! كودهم يزودون فرق الدرجة الأولى ..

والا منين لنا فريق يفوز على العالمي بأربعة ..

مانشستر بالرديف وبملعب البلوز .. تعاادل معهم .. والتتويج بيكون بالأولد ترافورد ..

يقولون يبي يمسحون دموعهم بالدوري .. بعد الخروج واللزخة بالثلاث ..

نحتري مبارايات أكثر متعة .. وشييكرن يا ميلاني هلالي ..