1- طفي النور وياخوي طفه=مايفيد النور والقلب طافي
2- صابني شيٍ يصعب علي وصفه=وسيعات العيون ماتقد اطرافي
3- وكنها صارت نبضة القلب رفه=بعد ماكان مع الخلان متعافي
4- لاتلومني ياخوي تراي مختفه=مثلك يلوم ومايدري عن الخافي
5- واليوم انا عن المخاليق مكتفه=لاتدور الاسباب وبعيوني اعترافي؟؟
6-من بعدهم صارت الاحزان مصطفه=ذا يسكن القلب وذا يصعد اكتافي
7- وصابني مع زودٍ من الغلا عفه= ماوردت الماء الا وهو صافي
8- وذكرهم صار مطبوع على الشفه=وارحب بطرياهم ترحيبة اللافي
9- وكيف ولو حطيت انا كفي أبكفه؟=اشهد اني وقتها بحاجتن لاسعافي
10- ولو ينكر العاشق ابتفضحه رجفه=وللشوق رجفاتن.. أتبعثر الخافي
11- رسمني على كيفه بأدين محترفه=بتشوف بصماته حتى بأوصافي
12- الحب مهو واحد ولقلوب مختلفه=هذا وفى طبعه وهذا صعب يافي
13- وتكفي ياخوي.. وياخوي تكفى=اتركني مع الاحلام احقق اهدافي
14- ماسقاني الحظ من كاسته رشفه=اركض مع الغيروارجع على مافي