باركينج = موقف سيارات (1)

**مبرمج الإمارات** · 05-02-2007, 10:32 PM

سلامي عليكم أجمعين ... << هكذا يكون السلام يا الفيلق ..

طبعا أول شي أحب أقوله هو إني آآآآآآآآآآآسف على تقصيري في حقكم بس الثانوية العامة
وما أدراكم ما الثانوية العامة ... شغل × شغل × شغل والمشكلة إني أدور المصايب لنفسي
ودايما أشارك في الأنشطة والمسابقات فالمهم .. ليلي استوى نهار ونهاري بعد نهار !!!

ومن بين هالأشغال كان امتحان الـ IGCSE البريطاني في مادة التصوير = امتحان رسمي = اييييوة امتحااااان

أدري إن السالفة شكلها غريبة .. بس طلع إن في امتحان تصوير لطلاب الفن ولازم نمتحنه..
والامتحان تنظمه وتشرف عليه جامعة كامبردج ببريطانيا ..

الموهم ..
موضوع الامتحان هاي السنة كان "منظر من موقف سيارات" ...
وطبعا لازم تصور عدة صور حول الموضوع وتجمع بين الأبيض والأسود والملون ..

ففي هذا الموضوع حبيت أعرض عليكم صوري الي بالأبيض والأسود الي صورتها للامتحان.. << في صور مونوكروم بعد

مع الصور :

ولا تنسوني من الملاحظات

ابوسحر · 05-03-2007, 12:42 PM

هـــلا والله مبرمج
ما شاء الله شي رائع

تدري اشم ريحت كفرات قبل ادخل خخخخخ

اعجبتني احس انه فلم امريكي خخخخخخ

بس ما شاء الله رهيبه

تسلم كمرتك
وتسلم يديك

**شباب في رحله** · 05-03-2007, 07:28 PM

السلامو عليكم

ارحب يامبرمج بيه

شدعوه يبه لايكون تحضر دكتوراها اللي خلتك تقاطعنا ( وجه يمزح)

الله يوفقك في دراستك خيوو

بالنسبه للصور

بحكم المعطيات والمتطلبات

انا اشوف ثنتين مقاربه للمطلوب

من ناحية التطلبات

لكن من ناحيه ابداعيه

اغلبها جبااار صراحه

ماشاء الله عليك
موهبه قادمه وبقوه في عالم لاتصميم

استمر بس وان شاء الله نشوفك من كبار مصورين الامارات

بتكلم لك عن صورتين

الاولى

[عفواً يمكن مشاهدة الروابط للمسجلين فقط للتسجيل اضغط هنا]

مدري ليه تمنيتها تكون من الجهه الثانيه

يعني عكس هالصوره

علشان تكون السيارات اوضح

لكن يمكن التحفظ على لوحة السياره خلاك تجي من هينا

بس قسم بالله رايقه

[عفواً يمكن مشاهدة الروابط للمسجلين فقط للتسجيل اضغط هنا]

اما هذي

فهي اعجبتني بشكل خيالي

ومن رايي لو بتختار لهم صوره اختار لهم هذي
من جد رااااااااااااايقه

مبرمج

اهلن بعودتك فديت خشمك

ولاعاد تقاطعنا

ترا اشتقنا لشغلك انت والفيلق لكن انتوا الله يهديكم مدري وش جاكم

موووفق خيو

**Remaan** · 05-03-2007, 11:48 PM

وعليكم السلام والرحمة ..

يا حياك الله اخوي مبرمج ..

الله يوووفقك ف دراااستكـ .. وان شااء الله تتوفق ف هالامتحان بعد ..

بالنسبة للصور ..

لفتتني بعض الصور اللي هيه ..

::1::

[عفواً يمكن مشاهدة الروابط للمسجلين فقط للتسجيل اضغط هنا]

حبيت تكوينها .. وزاويتها..

بس كنت افضل لو سويت كروب للصورة بالطوول من اليمين عشان تطلع العمارة من الصورة وتكتفي بالشارع والباركينج.

::2::

[عفواً يمكن مشاهدة الروابط للمسجلين فقط للتسجيل اضغط هنا]

التباين بين الابيض والاسود اعطاها جمال رهيب.. مع الزاوية

بس ما اتوووفقت وااايد ف الاقتصاص لان الجزء الاسود من فوق خرب شوي ..

::3::

[عفواً يمكن مشاهدة الروابط للمسجلين فقط للتسجيل اضغط هنا]

رهيبة .. وابداااعت فيها .. مااشاااء الله عليكـ ..

::4::

[عفواً يمكن مشاهدة الروابط للمسجلين فقط للتسجيل اضغط هنا]

حلوة حركة السيارة الواضحة ف الصورة ..

بس اللون البنفسجي مع التعريض عند المدخل .. وزيادة العناصر ف اعلى الصورة ويمينها ..
اخذوا من حلاة الصورة..

::5::

[عفواً يمكن مشاهدة الروابط للمسجلين فقط للتسجيل اضغط هنا]

هذي رهيبة .. بس تحتاج كروب من اليميين .. شوي..

والنووويز اعتقد زاد عشان الظلام ف الباركينج ... بس تظل المميزة

سؤال ... ووووين الاطار؟؟؟!! غريبة هالمجموعة بدون اطار ؟؟

لا تنسى ان الاطار يعطي الصور منظر جمالي وفخاامة

ف انتظار باركينج = موقف سيارات (2) والمزيد من ابداعكـ ..

موفق خيو

دمت بخير
ريمان

**سحابة حب** · 05-04-2007, 11:28 AM

تصوير احترااافي

ماشاء الله عليك ،،

الله لا يضرك

خقيت مع الصور

تطور مستواك بطريقة جباره ،،،

احسك كم تكه و تصرير بروفشينال في هالمجال

ننتظر جديدك ،، لانه الاكيد ماعندي اللي اقدر افيدك فيه

كبرياء أنثى · 05-04-2007, 12:18 PM

ماشاء الله .. تجربة ناجحة ..

بصراحة أعجبتني اول صورة حسيت انها فلتة ..! ..

وحتى الباقين حلوين بس الاولى تدعو للتأمل .. مزيدا من الرقي .. ونتمنى لك التوفيق ..

كبرياء أنثى ..!

**مبرمج الإمارات** · 05-04-2007, 12:26 PM

هلا والله ابو سحر ...

بس شو رايك في الكفرات الي شفتها في الموضوع .. عسا بس ينفعون حق التفحيط

على طاري الصورة الأخيرة ... ما أدري شو أقولك .. يعني انت عبرت عن شعوري بالضبط !!!

فيلم أمريكي

وعلى فكرة .. مبروك على اللوك اليديد << تو الناس

**مبرمج الإمارات** · 05-04-2007, 12:34 PM

اقتباس:

المشاركة الأصلية كتبت بواسطة شباب في رحله [عفواً يمكن مشاهدة الروابط للمسجلين فقط للتسجيل اضغط هنا]

شدعوه يبه لايكون تحضر دكتوراها اللي خلتك تقاطعنا ( وجه يمزح)
لا وانت الصادج ... الماجستير (وجه ما يمزح)

بالنسبه للصور
هيا بنا إلى عالم الصور << ويه طفولي

انا اشوف ثنتين مقاربه للمطلوب
المشكلة إني طرشت الصور خلااص

يعني عقولتنا .. خايسة خايسة

لكن من ناحيه ابداعيه

اغلبها جبااار صراحه
يا شيخ .. ليش أحس إن سروالي صار بارد !!!

بتكلم لك عن صورتين
ولو ...

الاولى

مدري ليه تمنيتها تكون من الجهه الثانيه
تبا الصراحة أنا فكرت في كذا وصورتها من الجهة الثانية .. بس ما طلعت بمستوى هذي ..

ولاعاد تقاطعنا
تراهن على مليون ريال

ترا اشتقنا لشغلك انت والفيلق لكن انتوا الله يهديكم مدري وش جاكم

كله من الفيلق ... كلللللللله منه .. هو السبب ..

وثانكس على المرور ...

**مبرمج الإمارات** · 05-04-2007, 12:44 PM

اقتباس:

المشاركة الأصلية كتبت بواسطة Remaan [عفواً يمكن مشاهدة الروابط للمسجلين فقط للتسجيل اضغط هنا]

يا حياك الله اخوي مبرمج ..

يا الله يحييج يا أختي ريماان..

الله يوووفقك ف دراااستكـ .. وان شااء الله تتوفق ف هالامتحان بعد ..

يااااااا رب... هارفرد في انتظاري

::1::
[عفواً يمكن مشاهدة الروابط للمسجلين فقط للتسجيل اضغط هنا]

بس كنت افضل لو سويت كروب للصورة بالطوول من اليمين عشان تطلع العمارة من الصورة وتكتفي بالشارع والباركينج.

ما يت على بالي والله ... بس فكرة حلوة ...

::4::
[عفواً يمكن مشاهدة الروابط للمسجلين فقط للتسجيل اضغط هنا]

حلوة حركة السيارة الواضحة ف الصورة ..
بس اللون البنفسجي مع التعريض عند المدخل .. وزيادة العناصر ف اعلى الصورة ويمينها ..
اخذوا من حلاة الصورة..
أنا كانت عندي نفس وجهة النظر .. بس قلت زيادة الخير خيرين .. وبالبنفسجي .. أنا بالعمد حطيته كذا لأنه أحلى من الأبيض و الأسود << عاطي تباين أكثر ..

سؤال ... ووووين الاطار؟؟؟!! غريبة هالمجموعة بدون اطار ؟؟
طالع إجازة .. بيرجع في الموضوع الياي ..

ف انتظار باركينج = موقف سيارات (2) والمزيد من ابداعكـ ..
إن شاء الله .. باركنج (2) بيكون للصور الملونة ...فالله يستر

ومشكورة على التعليقات أوي أوي

**مبرمج الإمارات** · 05-04-2007, 12:47 PM

يا هلا والله بسحابة حب ...

اقتباس:

تطور مستواك بطريقة جباره ،،،

احسك كم تكه و تصرير بروفشينال في هالمجال

يووووووووووه ... بعدنيييي على الاحتراف واااااااايد ...

و مشكورة أختي على الطلة والتعليق ..

**مبرمج الإمارات** · 05-04-2007, 12:49 PM

مشكورة أختي كبرياء أنثى على المرور.... وبالتوفيق للجميع ..

**)( زيــاد )(** · 05-08-2007, 07:15 AM

وعليكم السلام

ياهلا بمبرمجنا ((عندي هالأيام مشروع التخرج ساعدنا))

ترى أمزح معك لكن أدع لي أخلص منه هالأيام

صراحة الصور متفاوته

الصورة الأولى ممتازة أعجبني فيها الميلان والخلفية

الثانية إللي يشوفها يقول شكله حادث وحلو تصويرك فيها

الثالثة حلوة لكن تمنيت لو كانت السيارتين نفس النوع

بحيث يطلع الشكل متناسق أكثر

الرابعة أحلى مافيها اللكزس أعجبني فيها طريقة تلبيق السيارات

الخامسة نفس مشكلة الصورة الثالثة لو كانت نفس النوع بتطلع أحلى

السادسة حلوة لكن ينقصها لمست إبداع منك أو زاويه ثانية

السابعة أعجبتني حيل ياليت لو تعطينا تفاصيل الصورة

الثامنة أعجبني فيها تساوي الأفق وأتوقع لو كانت بألوان
تكون أجمل

التاسعة حيرتني كثير أتمنى منك شرحها وخاصة إللي طالع على اليسار

وطبعا هذي الصورة لو كانت التدرج الرمادي أتوقع أحلى بكثير

العاشرة إبداع إبداع أتوقع أنها أفضل الصور لكن في الحبيبات الصغيرة

من الكامرا وإلا الخلفية ؟

وصراحة أشكرك على هالصور وأتمنى دايم نشوف إبداعك

والعذر على تأخر الرد .

اعلانات المنتدى