السلام عليكم ورحمة الله وبركاتة

عندي أستفسار عن هذي الكامرا ZENIT نوع 122S














طبعا هذي الكامرا حقت خويي جاته هديه قبل سبع سنوات

ولا عرف لها وقعدة حبيست المخازن لفترة 7 سنوات

فأخذتها وجربتها صراحة كامرا ممتازة لكن عيبها الوحيد أنها فلم

عندي استفسارات عن هذي الكامرا والكامرات إللي تتغير عدستها

أولاً وش رايكم فيها ؟ سمعت ان الكامرات الفلم أفضل من كثير

من كامرات الدجتل من ناحيت الحساس وياليت تعلموني عن هذي الفلاتر وش فايده منها

وثانياً عندي أستفسار عن العدسات

أنا عندي كامرا مشكلتها ما تتغير عدستها أللي هي R1 من سوني

وإن شاء الله عن قريب على مدى ستة أشهر بشتري كامرا جديدة لكن ودي يكون

عندي صورة كاملة عن العدسات عن إمكانيتها وأنواعها وأسعارها عشان أختار الكامره الصحيحة

وعندي سؤال محيرني في موضوع العدسات إللي هو مثلاً العدسة من نوع كانون

تركب على كل أنواع كامرات الكانون فياليت من مصورينا المحترفين تعطوني صورة كافية عن الموضوع

وأنا أجتهدت وحطيته في القطرات الضوئية اتمنى إنه يكون أختياري صحيح .

__________________

وعليكم السلاام والرحمه

مرحبا زيااد

بصرااحه اترييت حد عنده خبره يرد عالموضووع

اسمحلي ما عندي اي خبره في هالكاميرات

بس بحاول ادور لك

السمووحه منك

ياهلا بك يالبتول

مشكوره على مرورك

بس ياليت تردين على الاستفسارات الثانية

الفلاتر والعدسات الله يعطيك العافية .

__________________

__________________
::
::
::



::
::
::

حتى لو فشلت ...

يكفيكـ شرف المحاولة !

السلامو عليكم


ارحب يازياد باشا


ترانا مبطين عن ابداعك

على اني زعلان عليك شووي لكن مهما يكن انت زياد

<<< يبي حماسك الاولي في التصوير والتصميم



المهم

شووف بتكلم معك بحكم خبرتي الداجه في الموضووع


يعني لاتعتمد على كلامي ميه بالميه

يمكن اني فاهم الدعوه غلط في غلط



اول شي كاميرتك حاولت ابحث عنها او اسأل عنها ماقدرتش


لكن شف هالصوره




يوم شفت الحامل اللي على شكل مسدس دريت ان الدعوه مصيبه

ماهيب سهله

والظاهر صناعتها روسيه


هذا اللي عندي عنها


بالنسبه للكاميرات


انت تبي كاميرات احترافيه

اللي تبدل عدساتها

مو زي اللي عندك الديجيتال ماتبدل العدسه


انصحك ماتبتعد عن الكانون او النيكون


على اني اشووف الكانون 400

في الوقت الحالي افضل شي



واعرف كثير غيروا من النيكون وراحوا للكانون 400


اما بالنسبه للعدسات


فيه اتوقع نوع من العدسات اسمه سيجما

تركب على الكانون والنيكون

وطبعاً العدسه تختلف على حسب الحاجه اللي انت تبيها

تصور ماكرو او بروتريه

يعني اتوقع كل شغله تحتاج كاميرا لحالها




هذا اللي عندي

لكن زي ماقلت لك

لاتعتمد على كلامي لاني احس اغلبه رايح ملح


وشووكرن زياد

__________________
.
.
.
.








[عفواً يمكن مشاهدة الروابط للمسجلين فقط للتسجيل اضغط هنا]
^
^
^
^
اذا تبي توقيع اضغط على التوقيع <<< يمديكم على القافيه



مع الشكر للاخت الملكه

__________________

حي الله الجميع

nAmLaT nAjD : حياك الله ومشكورة على المرور

أما المقارنة أنا قد حضرت دورة في التصوير الاستاذ إللي ألقاها

أكد على أن كامرات الفلم أفضل من كامرات الدجتل من ناحية

الحساس ولكن أنا ما أقتنعت حتى الحين ، وأنا أتوقع مطلبي في الكامرات

واضح أتوقع مافي فرق بينا يالمصورين مطلباتنا وحدة لكن الفرق في السعر

أنا حدي في الكامرى من 4 إلى 6 ألاف وألفين في العدسات

هذا طبعاَ إللي حاطه في بالي لكن مالي خبره في أسعار العدسات

والله يعطيك العافية .



شباب في رحله : ياهلا ومرحبا باللي يتغلى علينا وأما عن المواضيع

أبشر في موضوع قاعد أعد له اسمة بختصار عسى الله يعين وأنتهي منه قريب

طبعاً هذي الصوره أختصرت كل أدواتها إللي موجوده عندي في الشنطة

وهي مصنوعة وجايبها صاحبها من روسيا أما عن الكامرات معك حق

الكامرتين كانون ونيكون هي إللي مسطره على السوق ومعلومة العدسة

صراحة ريحتني كثير والله يعطيك العافية ومشكور على مرورك .



خالد الفيلق : ياهلا ومرحبا بخالد شف الكامرات الفلم أنا مستغرب لما أروح

أماكن فيها مصورين أشوف أجانب معهم كامرات أحترافية فلم مثلاً عندنا في الدرعية (الآثار)

ومن ناحية ماتشوف الصورة معك حق وتكلفتها المادية عالية من ناحية

مالك إلى 36 صورة ثم تغير الفلم وكذالك تحمض الفلم وكلامك على العين والراس

وترانا نحتريك لا تسحب



ياليت توضحون لي بعض الاستفسارات
الأول أنواع العدسات والفلاتر وكل نوع وش الفايدة منه
وأسعارها الله لا يهينكم وياليت وش ترشح لي كامرا ( برئيك الشخصي )
وش رايك في كامرت سوني a100 الجديدة

وأشكركم على تفعيل الموضوع .

__________________

__________________
::
::
::



::
::
::

حتى لو فشلت ...

يكفيكـ شرف المحاولة !

ياهلا بابلتنا أنتي حيرتيني أكثر

أنا صراحة بعد ما قريت ردك رحت بنفسي

أستفسر عن الكامرات والعدسات لكن لقيت العجب

وإللي يحيرك أكثر من أول والأسعار غريبه جداً

لقيت سوني a100 سعرها 5200 ومعها عدستين

الأولى 70-300 والثانية 18-70 وسألت عن عدسة ميكرو

بـ 2300 وطبعاً الكامرا 10 بكسل

ورحت لعبد الواحد عطاني عرض ممتاز في نظري

قال كامرت D70s معها 3 عدسات الاولى 18-70 والثانية

70-300 والثالثة ميكرو وذاكرة 2 قيقا بـ 5550 طبعا الكامرا 6 بكسل

والعرض الآخير من كانون 400D ماعطاني عرض سعر الكامرا

بـ 3650 معها عدسة 18-55 وسئلته عن العدسه زوم قالي

70-200 بـ 7000 وميكرو 2000 والكامرا 10 ميقا

أنا أحترت كثير لكن آخر شي رسيت عليه أني أشتري كانون 400D

عدسات سجما مدري وش رايكم ؟

واما بالتسبة لأني أشتري كامرا بدون عدسات أحس أني ماسويت شي

كامرتي R1 توفي بالغرض والله يطول في عمر الوالد

ويعطيك العافية وماقصرتي .

__________________

^
ماشالله العروض مره تحمس

بس ابي اسأل العدسات من نفس الشركة او نوع ثاني؟


يوم يشترون لي الكاميرا ماكان فيه هالعروض

بس فيه قريبة لي شرت الـd70s مع عدسة ماكرو

بسعر فضيع بس من دبي مب من هنا


عالعموم ان حصل لك عدسات من نفس الشركة

وبسعر كويس فرصة لاتفوتها على روحك


بس عمو فيه شغله دايم اذكر نفسي فيها

حنا وش حادنا ناخذ هالكاميرات الكبيرة

بالرغم من ان دقتها في التصوير (الرزليوشن) مايعتبر الاعلى؟

الكاميرات هذي تتيح لنا التحكم باعدادات الصور كلها

بالشكل اللي يرضينا .. وقدرتنا على التحكم بالاعدادات واظهار الصور

بالشكل المطلوب هو الطريق الاول للاحتراف في التصوير

بالاافة الى انها قابله لتغيير العدسة واضافة الاضاءة

يعني فيه مرونة كبيرة تناسب رغباتك كمصور

اما ان كانت المسألة صور صورة واضح وزومها كويس

بامكاننا نشتري كاميرا من اقرب محل بنص السعر

ونفس الرزليوشن او اعلى بعد



ارجع واقول سالفة العدسات فرصة

بصراحة عرض العبدالواحد مرة روعة ومعقووول

بس اسعار عدسات الكانون مره ضربة

اسأل عن نفس العدسة من سيقما وش الفرق



بس ياليت تعلمنا وش شفت في الكانون d400 اللي يخليك تختارها بينهم؟

كل الفرق 4 ميقا بكسل في الرزليوشن

ومااعتقد انك في حاجتها عشان تدفع هالفرق بالسعر

طالما انت ماتطبع صورك بحجم البوسترات

6 ميقا جداً معقولة وانت شايف كثير من مصورين القسم يستخدمونها

ووضوح الصور رائع

بالعكس اذا صارت الدقة اعلى من اللازم راح تحتاج ميموري اكبر

وبالتالي حجم الصور في الجهاز بيكون اكبر ..الخ



ياكثر القرق في هالسالفة

اهم شي انت تكون مقتنع في اللي تشترية

وتستفيد وتقدر تطور من مهاراتك في التصوير

ومبروك عليك مقدماً وتكسرهم بالعافيه



مع السلاحف

__________________
::
::
::



::
::
::

حتى لو فشلت ...

يكفيكـ شرف المحاولة !

ياهلا بأبلتنا مشكورة على رجعتك

أنا رحت لعبد الواحد مره ثانية

سألته عن العرض قالي أن العدستين سيقما مو نيكون

فرجعت خايب وأما دبي فأنا أفكر فيها ألحين

أما الكبيرة أنا صراحة ودي أشتري كامرا ما أندم عليها

فيها كل الميزات من ناحية الدقة والأعدادت والعدسات ..والخ

أما الفرق بين سيقما وبين العدسات الشركات المصنعة

الدقة في الصور والوضوح والقوة في التحمل

وأما 400d الشي أللي شدني لها الدقة لأني أحتاج الدقة في الصور كلها

لأني أستخدمها في البوسترات والبروشورات واللوحات الفلكس والبنرات

فأحتاج الصورة أقل شي يكون حجمها 4 ميقا عشان تعطيني الدقة المطلوبة

بدون لا أكبرها وأن كبرتها ما تطلع دقتها ضعيفة على شكل مربعات

وأشكرك على تواجدك وترى تونا ريضين يالله على بداية العطلة بشتريها (أزعجتكم )

الله يعطيك العافية وماقصرتي .

__________________

__________________
::
::
::



::
::
::

حتى لو فشلت ...

يكفيكـ شرف المحاولة !