نآخذ الشلوتي ونتبقس قبل ماينترحب فينا.. والا شلون ؟

شروق الغروب · 04-19-2007, 08:24 AM

السلام عليكم ورحمة الله وبركاته

طيب ؟؟

خلنا نرتب الأفكار همن نبدأ

دقايز بس ,

<<< المشكلة لها كم يوم مراقبة المنتدى والإنتقادات هالكثر

يعني باالعربي الفصيح تخاف تآخذ الشلوتي وتتبقس

قبل ما ينترحب فيها

ومن هنا قررنا نحن ركن أول شروق الغروب

أننا لن ننتقد شيء ذا الحزة

وبنخليها لأن يحين الوقت المناسب

نجي للجد عاد

دقيقة بس ألبس النظارة

لزوم "السخصية" بالسين <<<

يشرفني كثير إنضمامي لكم

وإن شاء الله بيصير بيننا تبادل منافع

ونروق المنقا سوا

على الهامش :

تصدقون على إن لي كم يوم أدوج بها المنتدى ولا عرفت أدل

أفتر مخي

وعلى طاري إفترار المخ بقولكم شيء بس إنسوه على طول بعد ماتقفلون هالصفحة

إني من أمس مسجلة وأدور هالقسم ..

ويوم شفتها ضاقت مرة قلت خلاص يابنت يعني إلا تسوين ترحيب

أدخلي عليهم برد

لكن وبعد جهد جهيد .. وأخذاً بحكمة " من صبر ظفر " قدرت أوصل

8

8

8

8

ياكثر قرقك بس " على كثر قرق الحريم_بكل فخر_إلا إني مالقيت أيكونز لحرمة تقرق "

هذا آخر الزمان

هذا وانتي ماتمونين للحين

أجل لا طيحنا الميانة وش بيصير ؟!!

إحم إحم

سكووووووووووووووت

رحبوا فيني

**سلف خمسة** · 04-19-2007, 12:25 PM

سلام ..!

خلاص يا امي راح عصر الشلوتي والبقوس

عندنا هنا نستدرج البنت الى اقرب زاويه

وباليد اليسار نزرها على الجدار

وباليمين نلف شيلتها على رقبتها الين تنافص عيونها

وان كانت مودرن ماتلبس شيله

يمدي ترى نخنقها بالإشراب

ولامانع من لطخه على العلبا وهي مدبّره

عشان محد يقول ملاحظات علينا

حنا احسن ناس في النت وما علينا ولا غلط

ياشين القومه الصبح وضرسك منتفخ

وتشوف الدخان يعج في البيت

يطري عليك ان البيت احترق

عاد مالك خلق ضرسك منتفخ وبيتكم محترق

وتطلع امك عازمه نسوان ومطيبتهم

ويشم عليك الضرس وينتفخ زود

وتجلس تعالجه بالمـر

ليه يمه تعزمين نسوان وتحطين لهم طيب

ماتدرين ان ولدتس ضرسه منتفخ

وين حقوق الأطفال > شنبك بس

معلومه توني اعرفها عن الصرصور

اذا لمسه الإنسان والا صار احتكاك معه

يروح بسرعه ويتنظف ويتنافض من لمسة الإنسان

اهب يالصريصير مهب سهل

انا اشوا ماعمره لمسني صرصور وراح بيتهم

لازم افغص امه قبل ينحاش

ترى صدق المعلومه > على درام

شروق الغروب

حياتس الله ومنوره المنتدى بوجودتس

وان شاء الله ناخذ ملاحظاتس ان كانها سنعه ونعمل بها

وان كانها جلمبو مالتس الا الزاويه

وياشينها اذا انقطعت عن النت

ورجعت ترد

تحس ان يدينك كلها يسار ماتعرف تصف كلمتين على بعض

الزبده

ياهلا بشروق الغروب وحياتس الله

وان شاء الله يجوز لتس المحل وتدهرين في كل حته

شكرا على تسجيلك معنا

مع السلامة ,,

وني وني وني وني

**ماشي الحال** · 04-19-2007, 05:23 PM

وعليكم السلام ورحمة الله وبركاته

حي الله ركن أول شروق الغروب

الله اسم جميل يوحي بأجمل وقتين

حزة الإشراق وحزة الغروب

تذكرت نفسي عندما كنت أقف على جدار المقبره

انتظر الشمس تخرج من وراء جدار المقبره اللي قدامي

تخرج وتمشي بشويش وانا اترقبها حتى ترتفع فوق رأسي

وأفر جسمي على الجهه اللي وراي

انتظرها غروبها

كل هذا وانا على سور المقبره والميرندا مازالت تحتفظ ببرودتها

في الحاره التي أمامي كان هناك مستشفى للمجانين

اذا جات وراء المستشفى يعني خلاص غربت

ويبدأ مشواري مع القمر وآآآآآه يالقمر >> وش فيييك؟

<< توهق ما يعرف وش ينقال للقمر اذا طلع واذا غاب

غسق ؟ فسق ؟ >> لا ياخي غسق الليل والفسق بعدين نتفاهم معه

احيانا اشوف الشمس وانا متكي على سور المقبره

واضرب بعيني على اليسار اشوف القمر يعني اثنينهم موجودين بنفس الوقت

جد والله القمر اذا جاء يطلع وش نطلق عليه ؟

ظهور القمر وإختفاء القمر << احسن وصف

المهم اني جالس على سور المقبره اراقبهم >> حانوتي

فعلاً كانت حياتي جميله لا ينقصها الا رفيقة درب

تجلس بجانبي تعطيني الميرندا واعطيها غطى الميرندا

وأقول لها انظري إلى ذاك القبر أنه جميل

وتلتفت إلى القبر وأسكب على شعرها قليلاً من الميرندا وتغضب

وأنا أبتسم وأقول ألا تعرفين المزاح

إنني أمزح يارفيقة دربي

وش فيها لو مزحت مع حبيبتي وغرقت شعرها بالميرندا

وهل لشعرها قيمة أمام الحــــــــــــــب ؟ << المدّه لعيون الحب

شروق الغروب الحين وشلون ندلعتس ؟

شرق رق ؟ << ترى عيارة واحد من العيال

شرشر حلو لتس

على طاري الغروب

الحين اذا قلنا لواحد اغرب عن وجهي

مأخوذه من غروب الشمس صح ؟

طبعاً حنا ما نقول اغرب عن وجهي

نقول اقلب وجهك

اذا قسناها على الغروب

اقلب مأخوذه من القلوب

يعني اقلب وجهك كلمة حلوه يراد بها باطل

<< انت وش تبي ؟

عشان تدرين بس ان الدنيا تغيرت

والرجال هو اللي كثير قرق

قرق نحن الحجاز ونحن نجد

قرق مجد لنا وهناك مجد

منورتنا يافتاه

وعقبال ما نشوف نشاطك

ينتشر في بيتنا الحلو

**ميلاني هلالي** · 04-20-2007, 03:33 PM

عليكم السلام ورحمة الله وبركاته ...

هلا بك خيتي شروق ..

مرحبا بك في البيت الزكرتي ..

لاتبطين علينا بالمشاركات والتفاعل ..

فمان الله ,’,’,’,’,

شروق الغروب · 04-25-2007, 08:40 AM

كولولولولولولــــــــــــــيـــــــــــــــــــش

الحمد لله جاتني الطاقة

ورديت

وأحب أقوووووولك :

" قديمك نديمك "

هذا ما أؤمن فيه

.. لأنه بطريقة أو بأخرى ,,

راح تمر الأيام ونصير نشوف الإستدراج و " الإشارب " حاجة قديمة ..

وأكيد بنرجع للقديم ,,

اللي هو التبقيس والشلوتي على شان نحاول نسوية بستايل جديد

<< ياملحي وانا بالنظارة

وبصراحة بعد الإغراءات والترجيات اللي قدمتها لي يا أخي العزيز سلف

فلا أملك إلا أن أقوووووول " ببلع ملاحظاتي

, وبقفل عليها بالتاجوري "

8
8
8
8
8

تعررررررررررفهاااا

قآآآآآل تبلع وتقفل قآآآآآل

بصراحة "العلب" أو " العلبات " الله أعلم وش جمعها أنا باليالله فهمت المفردة

المهم إني عرفتها و لكن بعد جهد وفتح قواميس <<< ماتمشي الا بقاموس

الزبدة إن الفكرة عجبتني

يعني الظاهر اني بحوووول عليها

وكثروا منها

الله لا يهينكم

المهم أخوووووي

لا نطولها وهي قصيرة ..

بصراحة أفرح كثير إذا شفت شبابنا السعودي الزكرت

بدأ يتطور ويعرف شغلات البنات

بس ليتهم يركزون وهم يتعلمونها

لأن أداة الشنق اللي استخدمتها فوق اسمها موب " إشراب " اسمها """ إشارب """

وسلامة ضرسك ..

وترى للمعلومية .. إنت تقول إنك تفغص السورسار قبل مايروح بيته ..

فأنا أحب أقولك .. إذا السورسار العادي ينظف نفسه ويتنافض لما يمسكه أي شخص ..

فمن باب أولى أن ينتحر

السورسار اللي بتفغصة

فماهي قوة

تحسب إنك فغصته ترى هو يساعدك قبلها وينتحر

" تخبر وده يحسن خاتمته ويكسب أجر فرحتك "

مشكووور أخوي على الترحيب والمعلومات المفيدة

جداً <<<<< تحتها خطين

وأكيد جاز لي المحل

وإلا ما كان سجلت

وأدعي لك

من قلبي إنك تصير مثلنا لك يد يمين ويد يسار

ومع السلامة

طيب

حطو آيكونز حريم زي الرجال والا عورة يعني

شروق الغروب · 04-25-2007, 10:17 AM

اللواء ماشي الحال الله مير يحيك ويبقيك ..

البيه بشحمه ولحمه عندنا

هوووووش ياهوااااااااااش <<< خواجة

<<< المشكلة مافي متفتحة إلا أم نظارة يحسبونا الناس عميان بعدين

اللهم صلي وسلم على سيدنا محمد

إيه القمال دهـ كلو إيه القمال دهـ كلو ..

وشك

وإلا وش الأمر ؟

هوا أنا كنتي بس عايزة أسألك

هوا انتا كنت وائف وإلا منسدح

على قدار المأبرة ؟!!

ماعلينااااا

الحين خلينا نفند <<<< بالله يمديكم

ونجاوب على تساؤلاتك حبة حبة

بالنسبة للي ينقال للقمر إذا طلع فهو : غسق

1 / الغسق : أول ظلمة الليل

2 / (فسق) عن أمر ربه أي خرج ..

3 / القمر إذا بدا يطلع نسميه شروق القمر

4 / إذا قرب يغيب نسميه غروب القمر " بالله في أسهل من كذا "

أمي بغت تسميني مُدَبـِرَة

.. من كثر ما أدبر كل شيء بس تخبرون الناس مايتعاملون مع الحركات .. خافت يقرونها مِدْبـِرَة

همن يآخذون بخاطرهم الناس ويقولون وراها مقفيه شايفة خلقها يعني

ياعمررررري يالذهااااااانة

المهم نكمل الإجابة عن التساؤلات

5 / القمر هو الخشيشة اللي فووووق

أطلع فوووق تجيك على يدك اليمين صورة رمزية
مكتوب عليها الحياة أمل

ناظر فوقها تلقى يدور حول البيت اللي فوقها على طووول القمر

بصراحة سيناريو القصة رااااائع

لأنه أي بنت أمنيتها بالحياة تلقى شخص مقرب لها تهبده

في مثل هالأجواء الشاعرية

وبالنسبة لدلعي ,, فأحب أقولك إن فعلاً شرشر دلع مناسب لأني أكثر وقتي شرشر

بس كذا بنهضم من حق النك نيم

من شان هيك أقترح إنكم تدلعوني "شرغر"

واااااو أحس إني قوية زي شريخان اللي في ماوكلي

ماراح أعلق على موضوع اقلب و القلوووب على شان ما أخور

وبالنسبة للقرق

فبصراحة الآيكونز >>>>

أوحت لي ..

و ما شاء الله عندنا مثال حي

لا إله إلا الله عليك

النووووور

نووووورك

ياباشا

انت بس خلني أولف

ورجلي تآخذ على المكان

وإن شاء الله النشاط بيهل وبتبان هلاهيله

أشكرك على الترحيب

شروق الغروب · 04-25-2007, 10:30 AM

هلا فيك زوووود خيووو ميلاني هلالي

بغيت أسوي حركة لعانة وأكتب بالأصفر لأني نصراويـــــــة حتى النخاااااااااع

بس قلت وش ذنب القراء الكرام نأذيهم <<<< ياحنيـــــنة

يسلموووو على الترحيب

وإن شاء الله ربي يفكني من شر هالمزاجية

على شان أطربح

في منتداكم كثيـــــر

لأنه بصراحة عجبني كثيــــــر وفي أعضاء ومشرفين فعلاً تعبانين على المنتدى ,,

الله يعطيهم العافية ..

مشاركاتي حالياً محدووووودة

بس بإذن الله ربي ييسر الأمور وتشوفوني قالطة عندكم

شكراً على الترحيب خيوووو

فماااان الكريــــم

ماروكو · 04-27-2007, 03:17 AM

الله حيهاااااااااااااااااااا

اقلطي بس بلا هرج فاضي

خخخخخخخخخخخخخخخخخخخخخخخخخخخخخخخخخخخخخ

شروق الغروب · 04-27-2007, 08:31 AM

الله مير يحيتس ويبارتس فيتس

حي الله ماروكو

أول أنثى ركيكة

ترحب فيني ..

أنا قلت ليكون الدعوة فيها أحزاب .. وعبي إستمارة <<<< مدري وش تبي

ومظاهرات

بس أشوى طلعت الدعوة أفرر من الـ free

تصدقين عاد <<<< بربرتن وااااجدة

لما قريت ردتس صار بي تسذا

وتخبرين عاد المحقق كونان في نخاشيش قلبي وبدا يلعب في عُبي وقعدت أقلب يمين يسار فوق تحت " في ردتس " موب بالكبمتوتر

وإلاني لقيتهااا <<<< قلنا لتس ادخلي كلية الحقوق

بس العجز الله يكفينا شره

أناظر فوق تحت خشتس " ماروكو " وألقى واحد يمون وبقوة

قلت إيــــــــــــــــــــه أثرها الميانة

وأطمر فوق في ردي وألقاني كاتبة هذا وأنا ما أمون

وعرفت إن قلبتس زي البفتة البيضا

وانتس تبيني أدخل في الجو ..

تصدقين إني من كثر ماصرت أمون عقب ماقريت ردتس

تحمست وااااااااجد ورحت ركض و رديت على موضوع

هذا كله من الحماس

وبس كذا أقلطي نشاااافي

مافي مويا

عصير

تسيسة

نسكافيه

هذا وانتي بنية

وش حليلتس .. ياحيــــــف بس يا حيـــــــــف

طب خلاص لا تحلفين علي

خلاص طب اصبري يابنت الحلال عن الطفاقة عندي ربو <<<< ابو التصريفة

متشكرين ياافندن على الترحوبة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى