أعلن الدنيا واللي فيه عليّ إنتقامه

والأرض إنشق وأعلن إِنقسامه

والوفى بين الناس صرح إنعدامه

الكره ابرز عرشه و كُبر مقامه

فجأة هبت عليّ نسمة إبتسامه

نسمة ذكرتني بصوته وسلامه

لا شفته جاي رايحٍ دوامـه

أفتح له الباب ويبادلني بإبتسامه

يفز قلبي ومدري وش علامه

كنــه قامت بإبتسامته القيامه

كنه مغرمٍ أو زايدٍ هيامه

وخاطره يطيح أو يوقف قدامه

إسمه دليل على النسوه الشهامه

وفاء نورتِ دنياً زاد ظلامه

أكتب قصيدي وخايف من الندامه

إنه يبادلني بزعله وخصـامه

أهديه قصيدي زايحٍ عنه غمامه

ما قاصـدٍ حبـه ولا غرامـه

أبيه يدري كيـف زاد مقامـه

بقلبي بعـد ذيـج الإبتسامــه

وسلامتكم

للعلم إني ما تجرأت وعطيتها القصيده

وعليكم السلام

صــــــــــح لســــــــانك

قصيده بسيطه وحلوه
انتو الحين بالدوام خليطي مشاء الله عليكم اكيد ماانت من السعوديه
شكلكم فالينها بس حلو جادت قريحتك الشعريه من ابتسامتها
على العموم اعجبتني الابيات
تقبل مروري


تحاتي,,,,,,,,,,,,,,,,,,

شكراً على مرورج يالغاليه (( حبيبته))

أنا من الإمارات والإمارات أمي
أبوس ثراها وغلاها بدمي
تستقبل العالم بين أحضانها
وبين أحضانها تضمي

روعه


خيالي تصويرك وتشبيهك بيوم القيامه عجبني




بعد ذيج الابتسامه وماتعطيها القصيده مالك حق !!


والنسوه الشهامه !!

تدري شلون عطها المراسل يعطيها اياه


واكتب تحتها من (عاشق ذيج الابتسامه)




و انتظر جديدك بكل شوق


وانت من وفينا

وتراك من هل البيت


ويامرحبا الساع

مرحبا بمرورك يالغالي ((الهامل))

ومشكوووووووور على النصيحه