شباب هذى قصيده والله مادرى لمن

لكنها من أجمل ما سمعت

كل ما فاضت عيوني باشت الأضلاع غنا
الموارد في الضلوع وكل ضلع في ونه


والتمني ما يحقق هقوت القلب ان تمنا
بس قلبي ما يداني تبعد الهقوات منه


وا وجودي وجد من جلي عن دياره مجنا
تو عمره عشر واربع والليالي ما تحنه


ما وراه إلا عجوزٍ واخته وعود مسنا
بين فقر وبين دين وبين ضيم وبين منه


ما ذبحهم غير دمع من الغبينه ما يكنا
ويل من سود الليالي بالمصايب يبتلنه


راح مثل الذيب وهبلته حياة الذيب ظنا
وآمن والموت يومه بين مخلابه وسنه


راح ينقل دم قلبه وان ضواه الليل ونا
الذيابه مروحاته والسيوف يدورونه


ليا ذكر دم القرايب عانق البيدا وثنا
وان تذكر ضحكة امه زاغ قلبه من مغنه


ما يلوعه في حشاه إلا ليا شاف البرق سنا
غاب عشر اسنين ما به من يرد العلم عنه


ان حداه الخوف منا هزت الأشواق منا
يوم طال الوقت عود للديار اللي ربنه


قال ما دام المذله والبلاوي يبتلنا
والله ان الموت في الأوطان بين الربع جنه


يوم وقف في المنازل ما لقى بيت مبنا
غير بيت للهبايب والذواري يلعبنه


راح يمه كنه اللي ضاربه رمح مطنا
وعذابه ما دري ان اسهوم بقعا يحترنه


يوم قرب سمع له صوت من العله يحنا
حصل امه عندها ضيف يقول الموت سنة


قال يمه قالت عيوني من الدمع انعمنا
قال ابويه قالت اطوال النصايب قد خذنه


قال واختي قالت اقفى القوم باختك مع ظعنا
قال ربعي قالت اسنين المجاعة فرقنه


قال جيتك قالت ان الموت ما ظني تونا
واستلمها نازع الارواح روحن مرجهنه


ثم صاح من التفرق صيحة اللي فيه جنا
دق صدره وانطوى من حر ما به طي شنه


كل هذا حال قلب من خلقه الله معنا
الهموم يوكلنه والروابع يوكلنه


ليه ادور للسبايب والسبب فينا ومنا
النفوس وما تسوي واليدين وما حصدنا


لا تسودنا الخطايا نلحق الشرهه زمنا
ما جزانا إلا عملنا والخلائق يثبتنه
ياليت الى يعرف لمن يقول لى

اختيارك رفيع لاهنت

خوش قصيده وخوش نقل

شكرأ لك ياasnafi

اخوي السنافي
تـــــــــــــــسلم على ها القصيده اللي اكثر من رائعه مع عدم مهرفتي لصاحبها
لكم جزيل الشكر



اخواني واخواتي محتاجين فعلاااااااااااا لمثل هذه الروائع



تحياتي

__________________
هلت دموع الشوق والشوق فتاك = ومن شافني قال الغلا لاعب ٍ فيك

أحساس يا الغالي ابد ماتعداك = واقف على بابك يحبك يناجيك

ماقلت لك أهواك الا وانا أهواك = وماقلت لك أغليك الا وانا أغليك



[عفواً يمكن مشاهدة الروابط للمسجلين فقط للتسجيل اضغط هنا]

مادامك حطيت قصيدة ابن مدعث طرت على بالى سالفة اللى قتل امه بالخطأ

في ليلة العيد وهى مجاراه لقصيدة خالد مدعث الدوسري




كـل مـا فاضـت عيونـي نجـر ابــن حـربـان دنّــا && فـي ضلوعـي يسمـع اللـي مــن ورا بـغـداد دنّــه

يـوم ابـن مدعـث لنـا سـنّ الوجـود الـحـقّ سـنّـا && وا فـوادي كـنّ دود الارض يـرعـى فــي مسـنّـه

وا فـوادي لـو تضنّـى يابـن مدعـث مــا تضـنّـى && كـنّّـه المـجـدور عـقــب الـجــور مـرمــيٍٍّ بـعـنّـه

اشـعـل التنـبـاك مــن خلقـتـه مــا شـبّــه و كـنّــا && ميـر كنّّـه مـن عـجـاج فــاح مــن صــدره يكـنّّـه

وا وجـودي وجـد منـهـو عــضّ بابهـامـه وحـنّّـا && واحــدٍٍ شــاف الـثـلاث البـيـض ســودٍ مستجـنّـه

شــاف قــدّام الـخـيـام خـشـيـف ريـــمٍ مرجـهـنّـا && وثـوّر البنـدق يبـي صيـده وراغ الخـشـف عـنّـه

اطلـق اربـع عقبهـا اربـع ثـم سمـع صـوتٍ يونّـا && واثرهـا امّـه صابهـا طلـقـه و طــار العـقـل مـنّـه

واتهـمـوه بـذبـحـة امّـــه لـيـلـة الـعـيـد و تـجـنّـا && اتهمـتـه الـنـاس و صــدوف المقـاديـر اتهـمـنّـه

قالـوا اخـوانـه تــرى مـنّـا بمـنـك ولا انــت مـنّـا && يـفـرق الله بينـنـا و بيـنـك عـسـى مـالـك مظـنّـه

لـك ثـلاث ايـام مـن ذلحيـن و ارحـل مــن وطـنّـا && عقبهـا تخطـر علـى راســك مضـاريـب الاسـنّـه

ودّع مريـتـه وتــوْ بنـتـه صـغـيـره مـــا تـحـنّـى && توّهـا ام اربـع شـهـور و فــي لحَمـهـا زود لـنّـه

ركْـب غـوجـه و انقـلـب قبـلـه بلـيـلٍ مــا تـونّـى && والحمـايـا مــن خـلافـه ارخــوا حْـبــال الاعـنّــه

الـمـطـايـا و الـسـبـايـا مــــن خــلافــه عـمــدنّــا && والـمـنـايـا ســجّـــدٍ قـــــدّام عـيــنــه يـحـتـرنّــه

كــل مــا عـنّـز عـلـى قــومٍ وطــنّ الــراس طـنّـا && قـالـوا اذلــف ذابــح امّــه لعنـبـونـا لـــو نـحـنّـه

ذابــح امّــه لـــو زبـنّــا عـــدّه انّـــه مـــا زبـنّــا && لعـنـبـوك بْـيــوت قـــومٍ ذابــــح امّــــه زبـنـنّــه

الجـمـالـة مـــا تـجـمّـل فـــي ولـــد حـــرٍّ تـدنّــى && مـيــر دوّرغـيـرنـا وانـحــش بـقـلـبـك لا نــدنّــه

وانقلـب مـن عنـدهـم كـنّـه عـلـى محـمـاس بـنّـا && يمّـة اهــل الـغـوص عـجـلات الركـايـب وجّهـنّـه

ركْــب بـابـور البـحـر و دمــوع عـيـنـه يـذرفـنّـا && فــــوق خــــدّه كـنّـهــنّ اذواد بــــدوٍ مـرثـعـنّــه

يــوم حـــلّ الـلـيـل اشـرعــة السفـيـنـه دودلـنّــا && و الهـبـايـب مـــا يـخـلّـنْ مـحـبـلٍ مـــا دودلــنّــه

قــام ربّــان السفيـنـه قـــال يـــا نـــاس امتـحـنّـا && قومـوا ادعــوا ربّـكـم عــلاّم مــا وســط الاجـنّـه

قــال شـيـخٍ منـهـم الا عـنــدي الـــراي المـطـنّـا && ضحّـوا بـواحـد عـسـى الله ينـقـذ ايـديـنٍ رجـنّـه

و طاحت القرعه علـى اللـي ذابـح امّـه مـا تتنّـى && ثـم رمــوا بــه فــي ظلـمـات البـحـور المستكـنّـه

و ادبحـوا عنّـه وهـو فــي غـبّـة الـمـوج يتثـنّـى && ثم عرض له من وحوش القرش جرجورٍ و صنّه

عضّ جرجـور البحـر ساقـه و صايـح و استجنّـا && ابـك لــولا الله كــلاه الـقـرش مــا يسـلـم مطـنّـه

وفـي ديـارٍ مـن بـلاد الهـنـد بـيـن انــسٍ و جـنّـا && مـن فضـل ربـي عليـه اطـراف الامـواج احذفنّـه

ومثـل مـا قبـل امـس متهـومٍ بـذبـح امّــه معـنّـى && اتـهـمـوه بـذبــح سـلـطــان الــبــلاد المطـمـئـنّـه

و في السجون المظلمه خمسة عشـر عـامٍ قضنّـا && مــع ثــلاث مــا قـضـنّ الا عـقـب حـالـه قضـنّـه

لا سـمـع ورقــاً تغـنّـي جــرّ مسحـوبـه و غـنّــى && وكـلّ مغنـىً يزعجـه غـصـبٍ يـجـي تالـيـه ونّــه

ولا طـرتـه بْـيـوت قــومٍ فـــي الـخـلايـا يرفـعـنّـا && دار دولاب الـدبــا الــدالــوب دولابــــه و زنّــــه

وكل مـا بـرقٍ سـرى شـرقٍ صـدوق الغيـث شنّـا && كــن قلـبـه فــوق سـبـق طـيــور بـــرٍّ شـطـرنّـه

عـقــب مـــدّه جـــاه مـــن داره نـذيــرٍ مرثـعـنّـا && قـــال انـــا جـيـتـك بـعـلـمٍ والله انّـــه والله انّـــه

حرمتـك ماتـت لـهـا عـشـر سـنـواتٍ قــد مضـنّـا && و البنـيّـه معـمـسٍ تـقـرع علـيـك قـــراع شـنّــه

عمّهـا عــزّر بـهـا فــي وســط بيـتـه مــا تهـنّـى && خـادمــة نـسـوانـه الثنـتـيـن و الــلــي ضـيـفـنّـه

ثــم زوّجـهـا لـبـو سبعـيـن عـــامٍ مـــا انقـصـنّـا && شايـبٍ يـطـرب خفـوقـه لا سـمـع للـقـرش رنّــه

يـوم سمْـع هْروجهـم فاضـت عيـونـه و ازحـرنّـا && وسـط سجنـه كنّّـه اللـي سـاكـنٍ لــه فــي مجـنّـه

قـال يـا ربعـي افزعـوا لـي مـن سجـونٍ غيضنّـا && و قـبـر قلـبـي الـدمـدم آغــادي يديـكـم يظـهـرنّـه

قـالـوا انّــا وش لـنـا انّــا والله انّــا مـــا شـحـنّـا && غيـر بنـتـك والاّ مثـلـك مــا قـربـه بـقـرب جـنّـه

وانـتـحـوا وعـيــون قـايـدهـم جــنــوبٍ خـايـلـنّـا && وهــو ورا سجـنـه عيـونـه كـــلّ نـجــمٍ خايـلـنّـه

وعقب عـامٍ مـن مجـيْ ربعـه و سـنٍّ عـضّ سنّـا && اعـفـوا الكـفّـار عـنّـه مــن عـقـب ســودٍ دهـنّـه

يــوم فـكّـوا قـيـد رجـلـه وانطـلـق خـاطـرْه مـنّــا && و انفـلـت يبـغـى ديــارٍ مــن ورا نـجـد اشحنـنّـه

حــثّ سـاقـه مــا يـشـوف الا بنيـتـه يـــوم قـنّــا && مـن عقـب عشريـن عـامٍ فـي وطـن قـومٍ مصنّـه

ومن ردى حظـه نهـار اغضـنْ عيونـه و ارقدنّـا && فـزّ مـن نومـه عقـب عـضّـه حـنـش دابٍ بسـنّـه

ومـن اثـر سـم الحنـش يونـس ضلوعـه يطبخنّـا && و طـاح عــزّي لـواحـدٍ ســود الافـاعـي طيحـنّـه

يــوم هــو فـكّــر والـــى فـوقــه نـجــومٍ يبـرقـنّـا && وشــاف بكـيـة بنـتـه الـلـي جــا يبيـهـا بينـهـنّـه

قال يا نجـوم السمـا تكفيـن روحـي صـوب اهلنـا && علّمـي بنتـي عـن اللـي صـاب ابوهـا واستسـنّـه

اشـهـد انّــا مــا بحلـنـا فــي الليـالـي اشـهـد انّــا && ميـر حظـي خاننـي ثـمْ مـات مــا بــه مــن يقـنّـه

ذاك وجـده وجـد حـالـي فــي وطـنّـا مــن عطـنّـا && مــن هـنـوفٍ خـدرهـا بـيـض الهـنـادي يحتمـنّـه


الشاعر: ناصر الفراعنه

مدري وش اقوول بس ابي اترك رد لي
بكل صراحه
هذا القصيد الي ودك تقراه


الله يعطيكم العافيه

خالد وناصر
مايختلف عليهم اثنين

عنك انها قصيدة حزينة ياويل تسبدي ويلاااااااة




علي بالحرام يالربع انها ذرفت دمعتي





والله اللي يتعمق في معاني القصيدة يدخل جو في الاحزان





واشكر السنافي وماشي الحال على النقل الرائع




اخووووووووووووووووكم نجم سهيل