("‘،_ Fire Blast _،‘")

**مبرمج الإمارات** · 04-09-2007, 08:44 PM

سم الله الرحمن الرحيم وبه نستعين ... وأخيرا موضوعيييي Fire Blast << وجه إبليس

("‘،_ Fire Blast _،‘")

سلامن مربع ياصلكم في صحن بالزهر والورد معطر و مشبع من ماي ورد عطر زهرة الياسمين إلخ....

طبعا موضوعي هذا يا بعد طووووول غياب ولكن إن شاء الله يكون فيه العوض ...

السالفة وما فيها .. وبينما كنا ذاهبين إلى بر الشارقة في دولة الإمارات العربية المتحدة .. وبينما نحن على أطلال شارع 2000 (الشارقة - كلباء) ... وإذا بخالي يشرع في شوي العشاء على نسمات الهواء الحار الذي تسخنه الحطبة المشتعلة ... وإذا بي أثبت كاميريتي الباناسونيك Fz-30 على رمال الصحراء وبسرعة شتر بطيئة جدا .. قمت بتصوير لهيب النيران .....

.... وتبدأ أسطورة Fire Blaast ......

الصورة الأولى:

الصورة الثانية:

الصورة الثالثة:

طبعا أهم شي آراؤكم وانتقاداتكم ...

آراؤكم تهمنا ... ردوا علينا الآن

شاركنا رأيك ... يدا بيد نحو تصوير أفضل ...

<< أقول خلاص... كم مرة لازم تعيد !!

في مانيلو ...

**nAmLaT nAjD** · 04-09-2007, 11:28 PM

تسجيل حنطور

اقصد حضور

ولكم باك عمو منورنا برجعتك

لي باك ان شالله

مع السلاحف

**البَــتول** · 04-10-2007, 08:27 AM

يا هلا يا هلا

وعادوا الينا مبرمجينا

منورين الدريشه انت وربيعك

ابدا بالصوور

اعتقد الموضوع عن النار او اللهب
يعني مفروووض يكون التركيز عليها اكثر

مثلا الصوره الاولى

في اشيااء زائده فالموضوع
مالها داعي فالصوور

ونفس الكلاام للثانيه

بس حركه النار فيها وهي يايه على صووب
معطيتها شكل حلوو

الثالثه وهي احلااااااااامهم
شكل النااار
وانتصافها حلى الصوره

بس اعتقد لو زدت سرعه الشتر كان افضل

وتنزل بمستوى النار

وتصور الشرار واللهب،، بتفاصيل ادق

احس بتطلع الصور احلى

بس لكل مبدع رااايه
وانت شفت هالمره انك تقلل من سرعه الشتر

لغايه في نفس احمد

مره اخرى منوور الدريشه
ولا عاد تقطع

في انتظار جديدك

**خالد الفيلق** · 04-10-2007, 05:22 PM

^
^
تقريبا سيم سيم كلام

و عليكم السلام و رحمة الله و بركاته(هكذا يكون نص السلام (نغزة))

غير من تصوريك من فوق<<<يعني ما تقدر تنزل تحت

؟
اشياء زايدة مادري ليش محطوطة بالغلط
و النار شكلها مختلف عن باقي الصور<<<اعتقد ان بطئ الشتر غير شكل اللهب(اختلف
مع راي البتول في تسريع الشتر)
احلاهم سطل النيدو

هذا بالنسبة لعامة الصور

الصورة الاولى
احلاهم
تنسيق الكادر كان جميل

الصورة الثانية
جميلة جدا
اللهب طالع بافضل الاشكال , كانه رسمة

الصورة الثالثة
جميلة جدا
الخشبة فوق النيدو بينت اللهب اكثر و اكثر
فطلعت متميزة و لكن ليس الافضل

الله يخليك عندك صور احلى كثير
فلا تحطلنا صور نصهم مصروينهم غيرك <<< امزح

سي يو فري سون << للاسف

**سفيرة الحزن** · 04-10-2007, 06:55 PM

وعليكم السلام ورحمة الله وبركاته ..

وانا تقريبا مثل راي اللي قبلي

اتوقع لو انك مركز عالناار أكثر

وماخذ الصوره من زاويه مختلفه مع مراعاة بعض

التفاصيل بتطلع غير .. مع الإعتراف بأن شكل النار في أحدى الصور

جميله ... الله يكفينا شر النار واياكم

في النهايه أضحك تطلع الصوره أحلى ;)

يالله حيك

**ياهملالي** · 04-11-2007, 12:05 PM

اقتباس:

مبرمج الإمارات
زكرتي مسكت

حياك الله .. نورتنا مرة ثانية ..

و أتمنى لك عودة قوية و موفقة ..

ما أخفيك أني شاهدت الصور أكثر من مرة ..

تقريبا ثلاث مرات شاهدتها ..

لأجل أطلع منها بفكرة معينة أو نتيجة معينة ..

ولكن للأسف ما طلعت منها بأي شيء ..

صور عادية جداً .. كل ما فيها لهب ..

حسب علمي يجي منك أكثر وأروع من كذا ..

أتمنى لك التوفيق مستقبلاً ..

على الخير دايم نلتقي ’’’

منسدح باللفة · 04-12-2007, 02:22 AM

بدايه موفقة ,,

ماقصروا الشباب ,,

واضيف "حاول تغير زاوية التقاط الصورة " ,,

**غرشة فينتو** · 04-12-2007, 03:54 AM

ذكرتن بالشيشه اذا بغينا نولع له سريع سريع >>وحده مسطله

ههههههههاي

لا تصدق عاااااااااااااود

ماشاء الله عليك تصوير حلو جاز لي

دايم نشوفك متقدم للافضل

**nAmLaT nAjD** · 04-14-2007, 11:49 PM

ماعندك نية ترجع وراك هجيت

حيا الله عمو المبرمج منورنا طال عمرك

وان شالله هالرجعة تستمر ماتصير طله

مجموعة رايقة

تصوير النار رائع

وحتى البرميل الصغنن مره عجبني

بس مافي الصور التميز اللي اعتدناه منك

مااشوف فيه عنصر محدد عليه التركيز في الصور

عالعموم هي مجموعة من مجموعاااات عندك ننتظر نشوفها

ونشوف فيها الابداع اللي تعودناه منك

ننتظرك بصابر الفرغ << متى اخر مره قلبتها

مع السلاحف

**ماشي الحال** · 04-15-2007, 09:55 AM

عوداً حميداً

عنوان الموضوع يوحي بالتصوير العنفواني

مقدمة الموضوع وخصوصا ("‘،_ Fire Blast _،‘") باللون الاحمر

قلت اكيد غايب طول هالفتره يتعلم التصوير على اصوله

بس تبي الجد

الصور مهب نفس ماتوقعتها قبل ماادخل على الموضوع

يعني توقعت تصوير احترافي اكثر

اتوقع عندك الافضل

غير كذا

مااشوف رابط الموقع على الصور

طبعا هو اختياري يعني امر يرجعلك

بس ماتوقعت انك تنساه خصوصا انك راعي محل

<< متوقع البتول او نمله يذكرونه بالرد

بس الظاهر مستحين منك

ننتظر جديدك مبرمج

**مبرمج الإمارات** · 04-16-2007, 07:11 PM

NAMLAT NAJD

السموحة شباب على الرد المتأخر ترا الحالة صعبة هاليومين ... شغل × شغل × شغل !!

الموهم ..

وهذا أول رد لأول تسجيل حنطور ..

إن شاء الله أكمل وياكم .. لأني من ودرتكم وتصويري ما تطور !!! إن شاء هالمرة شي تطوير ..

على فكرة هالبرميل الصغنن تراه قوطي نيدو .. حركات في البر

أنا كان تركيزي في الصور على النار نفسها .. بس طلعت وياها أشياء ثانية على أساس إنها تعبي الكادر ..
لكني الأساسكان النار ..

إن شاء الله أرجع للتصوير والمنتدى .. وليدعوة .. قصدي عودة

**مبرمج الإمارات** · 04-16-2007, 07:15 PM

البتول

شو هالبداية الترحيبية الكابتن ماجدية

اقتباس:

منورين الدريشة انت وربيعك

أي ربيع فيهم

الصورة الأولى ما طلعت مثل ما بغيتها .. بس حطيتها لأن النار فيها طالعة حلوة ..

اقتباس:

بس اعتقد لو زدت سرعه الشتر كان افضل

حاولت وما ضبطت وياي الصورة ..

ومشكورة على الرد ..

في مانيلو

اعلانات المنتدى