أهلن بالعيد ..
السلام عليكم ورحمة الله وبركاته
يسعد الله مساء هالبيت ... واللي سكن=في ضواحي ركونه من قريب وبعيد
العيون من المفارق ياجماعه .. بكن=وفي لقاكم أحس اليوم عيد ٍ سعيد
^
^
النشره كلها ماجوده فيها ... مايحتاج ابربر واجد
انا جاي لكم بهالبويتات المتواضعه وهي آخر ماجادت به القريحه .. وودي إنكم تعطوني رايكم فيها ....
ماعاد باقي غير شِعري يناجيك=إليك موجز نشرتي في قصيدي
ياللي سكنت الروح صوتي يناديك=ينطر حبيبي طيفك يفك قيدي
والجرح يتزايد عنا في ترجـيك=يطلب وصالك وأنت عنه تحيدي
والعين خاوها سهرها وتبكيك=والجفن لامني نهيته عنيدي
أدري زعلت ولازم إنـي أراضيك=حتى لو إن رضاك .. أرحل بعيدي
لكني أحبك ولا أقدر أخليك=يامُنيتي .. يادنيتي .. يارصيدي
وإليا قسى قلبك .. على قلب مغليك=ومن القساوه لان صُلب الحديدي
خذ قلبي المسكين جوّده بيديك=وإطعنه وإقطع منه حبل الوريدي
وإرمه بوسط النار مادام يرضيك=وأنا بردد .. هل بقى من مزيدي..؟
وإن كان هـذا ياغلا مايكفـيك=الأمر لله .. مابقى شيء بإيدي
ك.ي .....
.-[+] موجز نشرتي في قصيدي [+]-.
