مقتطفات من قصائد البدر بن عبدالمحسن
اسعد الله كل اوقاتكم
شاعرنا اليوم هو صاحب السمو الامير بدر بن عبدالمحسن ال سعود
وهو غني عن تعريفي او اطرائي له . هو شاعر لا يختلف عليه اثنين
وبما ان اطرائي او اشادتي له لا تحسب له اتتركم مع الحس الرفيــــع
والذي طالما ضمئناه وعندما نروى منه نجده موقع منه باسم البــــــدر
.................................................. ......................................
رسالة من بدوي
يا بنت أنا للشمس في جلدي حروق
وعـلى سموم القيظ تزهر حياتي
أطرد سراب اللال في مرتع النوق
ومن الظما يجرح لساني لهاتي
عاري جسد والليل هتّان وبروق
دفاي أنا والبرد سمل العباتي
إن عذربوني بعض خلانك .. صدوق
يا بنت أنا عشق الخلا من صفاتي
وشمٍ على رمال( المتاييه) مدقوق
لاشك من منهم يسوي سواتي
أنا بدوي .. ثوبي علىالمتن مشقوق
ومثل الجبال السمر صبري ثباتي
ومثل النخيل خلقت أنا و هامتي فوق
ما عتدت أنا احني قامتي إلا فصلاتي
وإلىإفتخر بأفعال يمناه مخلوق
يا بنت انا فعلي شهوده اعداتي
الله خلقني وكلمة الحق بوفوق
وملكت الأرض .. ( وراس مالي .. عاصاتي )
ثقوب
فم الجروح .. نوافذ البوح..
هذي ثقوب الصارخ الحي..
نوافير من ضي .. وجدار
أملاها بحديث النار..
وأكسرها على اقدام الأماني..
مره أغاني .. كلام جارح..
وهذا القصيد اللي كتبت البارح..
اليوم انفاس الصباح..
تلفح الجروح..
آه يا صبحٍ لمحت .. في عتمته روحي ..
طفله تصدح على خشب المسارح ..
يا صوتها الغاضب المقطوع ..
بعض السواد .. شموع ..
ومحدٍ درى وش قلتي..
خانتني الجوارح..
مثل القصيد اللي كتبت البارح ..
انتي اللي وحدك لي
كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..
__________________
______________________
اخر سواليف الغلا 000
.
.
.
الامني تباطيتك وجا بخاطري لك شوق
دعيت ان الفرح دربك ولاتنشاف بك ضيقه
______________________
|
