×?°ملكة الأناقة×?°

**سحابة حب** · 03-21-2007, 02:26 PM

[[ الصمت في حرم الجمال جمال ]]

في كل الحالات

إلا في حالتنا هذه

مسابقة ملكة الاناقة

عبارة عن احتفالية

احتفالية بالجمال ،، و بالآناقه ،،

احتفاليه بالذوق ،، و الفن ،،

هذه الاحتفالية ستكون على شكل تنافس بين الزكرتيات عن طريق طرح كولكشن متكامل من قبل كل متسابقه في مرحلتين

المرحلة الاولى ،، في هذا الموضوع ،، عن طريق تسجيل اسماء المشاركات ، و ارسالها عن طريق البريد الخاص

او ايميل المسابقة [عفواً يمكن مشاهدة الروابط للمسجلين فقط للتسجيل اضغط هنا]

و المرحلة الثانية حصر المشاركات و التصويت عليها

ملكة الاناقة الاولى ،، ستكون في مجال فساتين { ""السواريه /السهره "" } و يحتوي الكولكشن على

{ فستان ، ميك اب ، تسريحه ، حذاء ، شنطة ، اكسسوار }

×?°ملاحظة مهمه ،، ×?°

]![ .. ’’ الرجاء الحرص على استخدام صور محترمه ’’ .. ]![

تنتهي مدة استقبال الصور في { "" 10 - 4 - 2007 "" }

يعني بعد 3 اسابيع من الآن

[ كونوا الاجمل و الأكثر آناقة ]

**هجير** · 03-21-2007, 02:40 PM

ماجات ملكة الأناقة الا مع امتحانتي بالمعهد

وعليكم السلام والرحمه

يعطيك العافية سحووبه ... وعن أذنكم بروح أسجل وبعدين برجع

طيب يعني أروح الحين أجيب الكولكشن >> ماعندها وقت

والا ..!!

يعطيك العافية

**سفيرة الحزن** · 03-21-2007, 03:08 PM

وعليكم السلام ورحمة الله وبركاته ..

سحابه والله فكره شي ..

بس اسجل اسمي هنيا والا لازم ارسل رساله عالبريد

وإلا ارسل مشاركتي عالبريد ( وجه مسطل )

الله يعطيك العافيه سحووبه

ام سعوووود · 03-21-2007, 03:43 PM

وعليكم السلام ورحمة الله وبركاته

ياهلا بسحابه حب

هذه الاحتفالية ستكون على شكل تنافس بين الزكرتيات عن طريق طرح كولكشن متكامل من قبل كل متسابقه في مرحلتين

المرحلة الاولى ،، في هذا الموضوع ،، عن طريق تسجيل اسماء المشاركات ، و ارسالها عن طريق البريد الخاص

او ايميل المسابقة [عفواً يمكن مشاهدة الروابط للمسجلين فقط للتسجيل اضغط هنا]

و المرحلة الثانية حصر المشاركات و التصويت عليها

كل الكلام اللي كاتبته انفهم بس هالكلمتين عجزت استوعبها
ممكن توضيح لذوي الاستيعاب البطيئ <<<< مااقصد سفيره ابداً

وسؤال ثاني وانا امتس
شروط المسابقه مافيها عمر معين

يعني اقدر اشارك ولا لاء

انتظر ردتس

**سحابة حب** · 03-21-2007, 07:50 PM

هجير يا بعد حالي اختبارات المعهد حدها اسبوع ،،

و مدة الموضووع 3 اسابيع يعني خذي راحتك اهم شيء دراااستك

تم تسجيل الاسم ،،

سفيره يا بعدي تسجيل الاسم فيذا ،،،>>> وجه يحرك حواجبه ،،

و المشاركة على الخاص او الايميل ،،

ننتظر ابدعاااتك

ام سعووووووود فيذا >> مسكت معها على الكلمة

ما اصدق ،،

حيااااتس الله ،،،

اتوقع انك فهتمي من شرحي لسفيرة ،،

و العمر ابد ،، لو تبين تجبين امتس تشارك معنا ،، مهناااش مانع ،،

ترى تم تسجيل اسم سفيره ،، و ام سعوود >> ماعاد فيه مجال للتراجع

**SHAHAD** · 03-21-2007, 09:06 PM

أنا أنا أنا لا تخليني

بصراحه فكرة شئ يعطيك العافية

و إن شاء الله القى شئ مناسب

جمرة غضى · 03-22-2007, 02:02 AM

سحابه

وانا تتخلون عن وردة المنتدى

ماعليكم شرهه

سحوبه سجلي اسمي والا ما علمك عن

هذاك الموضوع

**بيـــــــــش** · 03-22-2007, 05:07 AM

وعليكوم السلام

حطي في بالتس ياسحابة اني بيش (وجهن تعرفه ولاوجهن تجهله)

يعني ماهوب يهفتس عقلتس وتسجلين اسمي مع الموشاركات

والله إن أجيب العيد بثيابه

جيت بس أبارك لتس نجاح الفكرة

وان شاء الله ربي يرضى علي وأصير سنعة وأشارك

بس اصبري اصبري >> أحستس رحتي تسجلين اسمي

ماهوب الحين يمكن في المرات الجاية

بالتوفيق للجميع يارب

ويذ الأناقة >> يعني أنا ودي أشارك بس أخاف أفوز عليكم وينكسر خاطركم

**شقرديه** · 03-22-2007, 08:58 AM

^
^
اخسي واقطعي

تم تسجيل اسمتس بالغصب مو بالطيب

الله يعطيك العافية اختي سحابة

على هالفكرة الجونان

وحيّا الله كل من سجلت معنا (هجير ،سفيرة الحزن ،ام سعود،جمرة غضى، SHAHAD،بيش)

وبإنتظار الباقيات >>صورة وردة

**هجير** · 03-22-2007, 09:43 AM

صباح الخير

يعني من الحين تستقبلون الصور ...

اقتباس:

{ فستان ، ميك اب ، تسريحه ، حذاء ، شنطة ، اكسسوار }

يعني مو بالجملة نجيب فساتين ..

فستان واحد مع أغراضه نجيب !!

وبالنسبة للختم كيف نختمهم والا أنتي تختمينهم ياسحووبه << ماتبي تتعب

**سحابة حب** · 03-22-2007, 02:30 PM

رد على الطاير ،،

و برجع للي فوووق

هجير ،، انتي ارسلي قشك مره وحده ،،

يعني الكولكشن كل على بعضه ،، إذا خلصتي ارسليه

و بالنسبة للختم انا بضبطهم بس اهم شيء لا ترسلين صوره عليها رابط موقع ثاني ،،>> ماودها تتعب و هي تشيل الرابط

الباقيااات لي عوده

**Buffy** · 03-22-2007, 08:26 PM

وعليكمووو السلاموو...

سحااابه وش هالحركاااات ...

بجد فكرة المسابقه خطيرره..

أنااا زي بيشوو اخااف اشارك وأخرب عليكم

بس موب مشكله اخررب عليكم عاادي <<<<

وسجلي اسمي عندتتس

باااايوو..

**سحابة حب** · 03-22-2007, 11:13 PM

شهووود ،،

مانقدر نخلي الملاك ،،

انتي مسجلة من غير ما تقولين ،،

جمرره

ماتقولين لي عن ايش >>>

سجلت اسمك ،،

يالله قولي لي يا قمر

بيش ،،

بسجل اسمك مب عشااان شيء ،، عشااااااان اشوف العيد يثيابه على قولتك

حي الله العضيده ،،

لا خلا و لاعدم ،، و الله يعافيك

بافي

الله يستر علينا و عليك

الظاهر انك بتجبين جينز و تي شيرت

ترانا نبي فساتين سهره ،،

اعلانات المنتدى