×?°ملكة الأناقة×?° - الصفحة 2

**سحابة حب** · 03-23-2007, 12:10 AM

ريم ،،،،

تراني متحمسه اشوف مشاركتك ،،

احسهاا بتصير وااااااو ،، كلها الوان و كشخه ،،،

ريم لازم تدبرين وقت ،،،

قدامك 3 اسابيع

ماركوو ،،

بمااااااا انك من طرف بافي ،،

اكيد بتكونين كشخه ،، >> الاكيد ان بافي ماعندها سالفه >> قالبه عليها الليلة

ماروكو · 03-23-2007, 02:16 PM

طيب ممكن اعرف وش المطلوب؟؟

لاني مافهمت السالفه :d

**شقرديه** · 03-23-2007, 05:04 PM

^^
ايه ممكن ياقلبي ليه لأ

السالفة ومافيها أن الموضوع عبارة عن مسابقة أو تنافس بين الزكرتيات

للفوز بلقب ملكة الأناقة

واللي تحب تشارك تسجل اسمها هينا في الموضوع

أما المشاركة واللي هي كل وحده تختار كولكشن

وعبارة عن { فستان ، ميك اب ، تسريحه ، حذاء ، شنطة ، اكسسوار }

وترسلها على الخاص لي أو لسحابة حب

أو ترسلها على ايميل المسابقة [عفواً يمكن مشاهدة الروابط للمسجلين فقط للتسجيل اضغط هنا]

وبعدها تجمع المشاركات وتعرض

ليتم التصويت لأحلى كولكشن والفائزة ستحصل على لقب ملكة الأناقة

إن شاء الله تكون الرؤيا اتضحت

وتراني بسجل اسمك من الحين ياماروكو

مع المشاركات

ماروكو · 03-23-2007, 06:48 PM

ياحوووبي لك يعني فستان واحد وجزمه وحده وميك اب واحد يعني كني انا

اللي بروح الحفله

فهمت <<< صباحو الخير

خخخخخخخخخخخخخخ

خلاص جاري ارسال المشاركه

ياحياااتي

**هجير** · 03-24-2007, 01:43 AM

اقتباس:

المشاركة الأصلية كتبت بواسطة سحابة حب [عفواً يمكن مشاهدة الروابط للمسجلين فقط للتسجيل اضغط هنا]

رد على الطاير ،،

هجير ،، انتي ارسلي قشك مره وحده ،،

يعني الكولكشن كل على بعضه ،، إذا خلصتي ارسليه

اقتباس:

ياحوووبي لك يعني فستان واحد وجزمه وحده وميك اب واحد يعني كني انا

اللي بروح الحفله

سحووبة بتنتهي المدة ومافهمنا فستان واحد أو أكثر من 15 فستان >> وش ناوية عليه

تبين الفستان مع اكسسوارته او اكسسوارت للسهرة والشنط كذلك

والله ماني نشبة بس الكل ضايع < تحطها فيهم

جمرة غضى · 03-24-2007, 01:45 AM

^
^

اي والله حتى انا مع اني مجهزه الكولكشن

**غرشة فينتو** · 03-24-2007, 02:45 AM

^
فستان واحد يا بنات فستان واحد >>راعية فزعه

وين الحبر يا معزبات

اببصم لكن اني معكن

ما اعرف اوقع والا تسان سويت لي توقيع من حيني <<شحاذه راقية

مثل ما قالت موروكوووووووو هوهوهوووووو

يعني تسني ابروح لعزيمه او حفلة واش ابلبس وش ارتب

خلاص عووولما
وخروووووووووووووو بصور دالوب نعالي وهدومي واجيبه لكم

**بيـــــــــش** · 03-24-2007, 02:53 AM

ياربي

مرة ثانية ماراح أسوي مسابقة >> وش دخّل أهلتس انتي

هجرجر وجمرمر لاتشاركون خلاص

أنا أبتوسّط لكم عند معزبات الصالة وأتنازل عن اللقب اللي بفوز به وأقسمه بينكم بالتساوي

وحدة ملكة والثانية الأناقة

شوفوا يابعد أعضاء المنتديات كلها

تخيلوني شقردية

8
8
حتى وردها غير الناس يالله لك الحمد

شقردية الآن تتحدث :

هلا وغلا بتس هجورة وبتس جمرة غضى

الموضوع سهل ومايضيّع أبد ومن عيوني أرجع أشرحه لكم

تخيلي انك بتروحين زواج وتبين تختارين قماش لفستانك

وبعد ماتختارينه وتدخلينه المشغل تروحين تحوسين على اكسسوار يناسبه

وجزمة وشنطة تلبأ لو

وبعدين تاخذين جولة على المشاغل وتحجزين عند أحلى واحد يناسبك ستايلهم

في الميك آب والتسريحة

وبعدين تقشّين ذا كله وتصورينه وتربطينه بجلال وتثبتينه باصبع حمامة زاجلة

وتعطينها كروكي لموقع سحابة أو موقعي >> أنا شقردية ترى

وبعدين تفوزون

وإلا تخيلوني سحابة

هجير وجمرة غضى ،،،

الكوليكشن ،، يكون طقم ،، متكامل ،، للفستان ،، من مقاميعو ،،

برجع لكم ،،،،،،،،،،،،،،،،،،

واذا مافهمتوا تقدرون ترجعون لـ بيش >> تشيل نعولها بتنحاش

ويذ الفساتين >> يعني غرفة السواق يمدحونها ياغرشة

**هجير** · 03-24-2007, 03:00 AM

^

ماقصرتن يااثنين في واحد

تكفوون آخر سؤال وبعدها اطرودني من المسابقة

الحين لما أجيب فستان وفيه شنطته واكسسوارته

هم(ن) أجيب شنطة ثانية .. غير اللي بالصورة

<< وحدة بتخليهم يهونون عن المسابقة ...

خلوني على دكة الاحتياط واترك المجال مفتوح لغيري .. كفاية اني ملكة الذوق بالمقلط

.. احم احم

جزاكم الله وسامحونا على القصور

**غرشة فينتو** · 03-24-2007, 03:02 AM

بيش وراتس ما تركدين شوي

عيب عليتس كل وقت عند السواويق

المقلط بوه حريم روحي جيبي القولقشن حقتس غديهم يشوفون سنعتس ويخطبونتس

ترى ذا اصرف من ذاك >>>وش تقولين

ذا = العرس
ذاك = السواويق وغرفهم>>كولي لتس جريشه بايته

**بيـــــــــش** · 03-24-2007, 03:37 AM

8
8
نعامة حبيبتي

اذا عندتس (ذا) ترى والله أجحد (ذاك)

واذا طفشت من (ذا) وقال طسي شوي عن وجهي رجعت على (ذاك) >> ياحظي متزوجة اثنين

هجرجر ياألبي

ترى اللي يسأل كثير يفوز >> مافيها نوم وتبي تسولف

والشنطة الإضافية عادي جيبيها يمكن تنقطع شنطة الفستان

وإلا تنكسر البودرة فيها وتنتثر وتصير كل محتويات الشنطة متبودرة

وإلا تجي وحدة ترقل من الحيا وتصب كاس العصير على شنطتس

قد عندتس احتياط >> قولي انتس اقتنعتي تكفين

اصبري ياألبي ألين تجي وحدة من المعزبات الأنيقات وتوضح لتس اللي بغيتي

وإلا أنا لاتاخذين من عندي شور لأني المنافسة القوية لتس

يعني احتمال أغدر بتس وأتوهتس بالقوانين

وخبرتس الذمة تتمغط

ويذ الشنط >> يعني غرشة وش رايتس أسوي معتس دويتو كوليكشن >> عز الله دمرت

جمرة غضى · 03-24-2007, 03:47 AM

^
^

لاغاب القط العب يافار

**nAmLaT nAjD** · 03-24-2007, 07:39 AM

وعليكوم السلامات والرحمه

فكرة روعة ايتوها السنعات

سجلي واحد اعجاب

واحد حضور

واحد تسجيل

<< عز الله خذوا مني الجواز

مع السلاحف

اعلانات المنتدى