بسم الله ...

السلام عليكم ..
تحية طيبة لكل الزكرتية



اليوم ابتنقل بكم في أكثر من ديرة
مع أني ما زرتهن كلهن

لانهن هن الي زارني في الرياض
في مهرجان الجنادرية

...........................................
نبدأ من أقصى الشمال

حايل يا بعد حيي

-1-


يقولون ما بعد العود قعود
عاد لا تصدقون تونا بادين اصبروا شوي





-2-


هذا الأجودي يزين حزم < -- جمع حزام
تخبرون أهل حايل هم أول من أكتشف الجنز
وكانوا يلبسون الحزام صنع يدوي ..




-3-


هذي يا بعد حيي
غرفة العروس .. ما تلاحظون كثر المرايات
والغضار الي على الرفوف < --- يقولون إيكيا بتسرق الفكرة في 2008م




خلونا الآن ننقز لأقصى الجنوب

وجناح جيزان

-1-


صراحة جناح متعوب عليه
وهالمباني الحلوة فعلا جذبت السياح ... اقصد الزوار خخخـ


-2-


هذا البيت التهامي
هو مبني على ما سمعت من طين ومغلف بالحبال للحماية


-3-


البيت التهامي من الداخل
حسيت أني في جيزان J


-4-


البيت الفرساني
وترى هذا مجلس الضيوف
والبيت الي يسكنون فيه أصغر من هذا

أول ما شفته قلت الله يا كبر هالمشب ...

-5-


معصرة السمسم
أنواع الإزعاج
بس تطلع بنتيجة
مهوب مثل الشباب هالتالي إزعاج وطهبلة بدون نتيجة < --- يا زينك بدون تعليقات J


-6-


هذي كراسيهم
حبلك وخشبتك ..واستلم كرسيك J


-7-

بعض الأسلحة القديمة
والله أنها تخوف وفيه مسدس مقبضه على صورة تمساح ..يممممممممه


-8-


هذي الصخرة اللي قصمت ظهر البعير
هي صخرة صح ولا أنا غلطان ؟؟



شكرا جيزان ستي

والآن ننتقل للقصيم بس قبل لا نوصل للقصيم
شفت لكم ( وأنتم بكرامة ) هالحميرات المحنية
من تراث الحساء







القصيم الشقيقة

-1-


هذي الصورة إهداء لأبو عبيد


-2-


وهذي لأخويا أبو عبيد J


-3-


مطبقيات نحاسية





ركوب البعارين كانت من أكثر الفعاليات عليها اقبال
بس كل من ركب تحسف
مثل راعين هالصورة






ما حبيت أطول واجد
ولا الصور كثيرة

لكن يقولون : حيالله من زار وخفف

وأنعم الله عليكم

نشوفكم في إيميل قادم
ماجد المنيع

يا هلا بــ ماجد المنيع واللي ويااه معاز<<اذاما كنت غلطانه الصور كلها حلوووه بس بعلق على بعضهم الاولى رهييييبه يمكن لو صاروا كانهم فالنص بتطلع احلى الثااانيه خطيييره بعد الجو والتكوين والالوان كل شي حلوو الثالثه الله يعينها كل ما تتلفت تشووف نفسها <<ظريفه نوصل لجيزاان الاولى والثااانيه رووووعه ما شااء الله حبيت الواانهم والزوايا الثالثه الالوان فيها خطيره هو ديكوور يعني ،، على طوول جيه ؟؟!!! الرابعه تمنيتك كملت المبنى بس حلووه صوره الاسلحه روووعه الاضاءة عليها والزاويه بعد حلووه نوووصل للقصيم الاولى رووووعه روووعه رووعه لولا الاهتزاز االلي من اليساار شوي بس تظل رووعه واخيرا ركوب البعارين الله يعينهم عليها صور مجندره رهيييبه وجووو ولا ارووووع دمت مبدعا

ماجد الفتى الخارق وعليكم السلام ياخي حسيت اني قاعد مع سليمان العيسى يالله عقبال ماتاصل للمرتبه اللي عنده ونصير اصدقائك عنوه ماشاء الله عليك جوله جندراويه سريعه حسيت اني قاعد اسمع قصيدة خلف وانا في البيت يعني عيشتني في حدث القلب الله لايهينك انت وخويك بس الحمير المحنيَه ليه يحنونها؟ يقالهم لونين ملكي؟ شوكرن ماجد