ومن صغر مبسمها شقـى حالهـا الحـال

سراب الخيال · 03-13-2007, 03:12 AM

فـي كفهـا خاتـم وفـي خدهـا خــال=وفـي عينهـا غيـم وعمـارات وبيـوت
الخال شفته واضح(ن) مـن ورى الشـال=والخاتـم الـمـاس مـرصـع بيـاقـوت
والعمر في العشريـن كنـي مانيـب زال=والجسم كنـه مـن جبـل ثلـج منحـوت
جبـل ولكـن لاطرقـه الـهـواء مــال=وخطواتهـا ماهـي بالامتـار بالـفـوت
ماهي تشوف الشمس مـن ظـل لضـلال=ومصيافهـا مابيـن لـنـدن وبـيـروت
الشمس لو تشرق علـى جسمهـا سـال=كنهـا مجـسـم محلبـيـه وبسـكـوت
ومن صغر مبسمها شقـى حالهـا الحـال=ماتاكـل الا اللـوز والخـوخ والـتـوت
ماهي تشـوف النـاس تمشـي وتختـال=ومر(ن)على جاكور ومر(ن) على حـوت
وخدامتيـن وهـي بــلا زوج وعـيـال=وسمعتهـا تدعـي الـدريـول ييـاقـوت
وثــلاث جــولات مـاهـو جـــوال=ومن يوم خلقت وكل شـي(ن) بريمـوت
لكـن قلـبـي مالـهـا فـيـه مثـقـال=وش قرب البشت الحساوي مـن الكـوت
ياجعلهـا للـي خــذت قلـبـي نـعـال=للـي غلاهـا عنـدي الشـرب والقـوت
حوريتـن مـن فوقهـا اللـيـل شــلال=كنهـا صبـاح(ن) فوقـه الليـل مكتـوت
قلبي لهـا مـن كثـره الشـوق مشخـال=وللسـر عـن كـل المخاليـق تـابـوت
تنحت لي من الحـب فـي القلـب تمثـال=وحبي لها ينحـت علـى الساحـه بيـوت
فـي عينهـا مـاكـل رجــال رجــال=واقصى حدود الوصل في سلمها الصـوت
زود على العقل وعلـى الحسـن مـن آل=روس(ن)لهم روس(ن) على متونها بشوت
الى رضت موتوا يااهـل روس الامـوال=والى زعلت جربـت وش سكـره المـوت
مـن دونهـا رجلـي وراكـب وخـيـال=والسيـف والامـواج والبحـر والحـوت

تحصل مثلها ههههههههههههههه

**سفيرة الحزن** · 03-13-2007, 04:11 PM

اقتباس:

المشاركة الأصلية كتبت بواسطة سراب الخيال [عفواً يمكن مشاهدة الروابط للمسجلين فقط للتسجيل اضغط هنا]

تحصل مثلها ههههههههههههههه

^
^
^
ليه مااتفقنا على كذااا (

<-- ) ؟

أبشرك مابعد بطيت عظم وحصلتها لو تبي بالصوت بعد ..!

على كل حال .. ليتك حطيت اسم الشاعر عشان اللي مايعرف يعرف

طبعا اللي كتبته .. لخير من يمثل آل مره الشاعر ( محمـد بـن فـطـيس )

الملقب بـ ( المحيـط الهـادي ) ... وهو شاعر بكل ماتعنيه الكلمه صراحه

بلا شك إبـداع .. صح لسانه مليووون .. وعلى فكره لا سمعتها بالصوت

تلاقي إختلاف في شطر بيت أو ترتيب بعض الأبيات

مثلا في البيت الأول

في كفها خاتم وفي خدها خال
وزود على شين الزمان اسمها نوت

إن شاء الله اجيبها لكم بالصوت إن قدرت اسرقها

تقبل تحياتي

**سفيرة الحزن** · 03-13-2007, 04:33 PM

^
^
^

لا تقول

ثاني مره طيب <<

تحياتي

سراب الخيال · 03-14-2007, 04:42 PM

سفيرة الحزن

انتي وش قصدك ابطي اعظم

انتي فهمتي كلامي اولا

اتمنى انك تفهميني كلامك

**سفيرة الحزن** · 03-14-2007, 04:44 PM

سراب الخيال ..

ابشرك فاهمه والله .. بس تعرف لا جيت تحط رد وانت ضايق صدرك ؟؟

هذي كل السالفه ..

شكرا

سراب الخيال · 03-14-2007, 04:49 PM

عااد مو تحطين الحره فيني

وتكتب هالكلام

أذا اخطيت عليك يابنت الاجواد لك حق انك تخطين

بس تظلميني لا مالك حق

على كل حااال

شرفتي صفحتي

في مرورك العطر

ويشهد علي الله سبحانه ان القصيده ماجاء على بالي اني انصبها لذاتي

ويشهد علي خلاق الخلق اني مادريت لمن القصيده لقيتها وحبيت انقلها

واتمنى انك ماتظلميني بالايام الجايه

**سفيرة الحزن** · 03-14-2007, 05:02 PM

انا اخطيت عليك ؟؟

كل مافي الموضوع اني قلت هي من له وجبتها بالصوت ..

وبعدين تبطي عظم عندنا شي يمكن صار لخبطه بالفيوز .. ليس إلا

والهدف انك ماتحط شي ماتدري من له حتى لو عجبك ..

الله يخلي قوقل مايقصر يبي يعلمك هي من له ..

درس للموستقبل طيب ياغلا امك وابوك ..

تحياتي لك

سراب الخيال · 03-14-2007, 05:08 PM

الله يخليس لجداتك

الظاهر قمتي تفتلين عظلاتك في لونك الازرق

ياسفيره اتمنى اذا كان فيه نقد يكون نقد بناء

مو مثل نقدك

واتمنى انك ماتجيبين سيرة امي وابوي في المنتدى

لانهم اسمى وارقا من كلامك الله يصلحك

**سفيرة الحزن** · 03-14-2007, 05:19 PM

ماودي أرد تصدق ..

أكثر من اني اقولك اذكر صاحب الشعر اللي انت حاطه والا اكتب بالقليله منقول

والا لا تحطه .. وش اكثر من كذا نقد بناء ... !!!!!!!

يعني انا مااخطيت عليك كـ شخص .. وتجي بهالرد .. يعني عيب والله

حنا أكبر من كذا ..

وبعدين يا أخي الكريم .. انا ماانتظر لون أزرق والا أحمر عشان اجي اقولك هالكلام

وهذا نظام المنتدى اللي انت يالجديد يخفى عليك ..

مثل ماتطالب غيرك يحترمك وهو مازل عليك .. اتمناك تحترم غيرك ..

وأنا من هالمكان .. أعتذر للمعزب العميد .. إن كان الموضوع أخذ منحى آخر

كونه في قسمه
وهو بدوره مايقصر بيقوم بشغله ويحذف الكلام الفاضي ويعقب على كلامنا ..

سراب .. مشكور على هالأسلوب الراقي

سراب الخيال · 03-14-2007, 05:23 PM

انتي اللي بديتي الله يهديك

وشوفي كلامك

وللحين وانتي تتهميني بسرقت الابيات لوني سارقها يالذكيه كان قلت لي

بس الظاهر انك حادرتلك وادي هههههههههههههه

خليك على بوابة المنتدى تتفاخرين في لونك

ههههههههههههههههه

**سفيرة الحزن** · 03-14-2007, 05:28 PM

ماتشوف شر ... أدعي لك بالشفا العاجل

من قالك سارقها وش فيك انت ماتفهم والا شكلك كذا ؟؟

قلنا لك لا جيت تحط شي اكتب تحته منقول مانبي اسم الشاعر حنا نجيبه ..

والله هالناس مشكله .. خصوصا اللي مايفهمون او الفهم عندهم بطيء ..

والله ماتشوف شر

**سفيرة الحزن** · 03-14-2007, 05:34 PM

اقتباس:

المشاركة الأصلية كتبت بواسطة المعزب عميد الزكرتيه [عفواً يمكن مشاهدة الروابط للمسجلين فقط للتسجيل اضغط هنا]

السلام عليكم ورحمة الله وبركاته ..

تحيـّه طيبـه وبعـد

اخواني اعضـاء بيت الزكرتيـه

لقد تم وضع شروط خاصّه بالكتابه في بيت الشعر

وعشان ترتاحون وحنّا نرتاح

ودي تحفظون الشروط التاليه صـمّ

اولاً

بما أن بيت الشعـر قسم يهتم بالموروث الشعبي

فلا مانع في هذا القسم من القصائد المنقوله

ولكن بشرط ذكر اسم صحاب القصيدة في نهاية القصيدة

و

رابعاً

طبعاً كل الاعضـاء ثقات ومايحتاج اقول السرقه ممنوعه

لايقول واحد ان القصيدة له ويقول لي الطير انها مهب له

^
^
^
^

وصلت المعلومه يا أخ سراب الخيال

هذا شرط .. وشرط سرقة الشعر هذا شي ثاني

واعرف مين اللي المفروض يقعد عند باب المنتدى

سراب الخيال · 03-14-2007, 05:35 PM

تاركين الفهم لك يالفاهمه

اعلانات المنتدى