السلاام على الجميـــع

نســــاي · 03-12-2007, 03:55 PM

السلام عليكم ورحمه الله وبركاته

صبااحكم / مسائكم موودهـ

بعيداً عن الكلام الارتجالي المنسق في جميع المنتديات ,, مثل

ورست سفينتي في بحر منتداكم

ولا الثاني يقول /

ابحرت كثيراً واغمى علي وصحيت من غيبوبتي

وانا بينكم ,, الواحد يوم يتكلم تسذاا

احس انه يقرب للآديب ( جبران خليل جبران )

ويجلس يتكلم بموضوع الترحيب ويتعب نفسه ولا يلقى الا

اهلن بك في منتدانا حللت سهلن ومدري ويش

^
^
سيفووون على اللي فووقـ

<ياشين الميانه
_

اولاً احب احيي فيكم هالروح اللي مالقيتها في اي منتدى بعالم النت

واحيي فيكم الابدااع الا محدود

وقلتها للشيخ شباب في رحله إذا انه يذكرها

ان الابدااع ياشيخ ,,, ماله حدوود ابد ولا له ابعااد

و يكفي انكم تصلحون من الاصرار مالا يصير ( وجه ياسر التويجري )

وأياديكم وفكركم كله في طريق الإبدااع

واخوي شباب ابو رحله يقولي شهاده اعتز فيها

وانا اقوله والله الفخر لي اني اكون مع هالنخبه

من المبدعين في كل حته < تسنه لقب العميد

ومتابعتي لكم منذ وقت بعيد

واكبر دليل < رقم العضويه < ياعنكه الجلم

مالكم بالطويله < طلاق انك طولت ترحيبتون خفيفه ,, تكفيني عن كل شيء

ولا من عادتي ما احب الترحيـب وتقبلــوا اعجابي الشديد لبيتكم اولاً

واعجابي الا محدود في كل مبدع هنا

واعجابي اللي مدري ويش يبي في سلف خمسه

اخووكم

نســــااااي

وني وني وني وني < ويهك ياسلف

**هجير** · 03-13-2007, 12:34 AM

وعليكم السلام والرحمهـ

ويسعدك صباحك بكل خير يانساي

ها كيف الغيبوبة ... بعد ماصحيت وتوك تسجل معنا الحين

صراحة لاسفن ولايحزنون يدرون ماعندنا مينا

شكله هالعضوجاي بقارب

أما عاد سفينة وش كبرها لحالك

وان لزم يجينا حياهـ الله بطشت

وماشاء الله عليك متابع للمنتدى

وتعرف الشنبات

طيب والبنات

مافي متابعة لهن

والا عنصرية >> يبيييه << وجه بو ناصر

هلا فيك يانساي .. والله لاينسيك منتدانا

وان شاء الله نشوفك معنا

الأ بسألك يعني أنت جاي من طرف بو رحلة << لقافة

نســــاي · 03-13-2007, 03:33 PM

اقتباس:

ها كيف الغيبوبة ... بعد ماصحيت وتوك تسجل معنا الحين

صراحة لاسفن ولايحزنون يدرون ماعندنا مينا

آهلن هجوورهـ آرحبي ياصبيـه

غيبوبـه ندمت عليها ,,, وصحيت بجلمباوي واقف على راسي

اقتباس:

أما عاد سفينة وش كبرها لحالك

لا كنت جاي بدباب طرنط < على تبيـنه

اقتباس:

طيب والبنات مافي متابعة لهن

لا ويش دعوه البنات ملح الرز اللي بأكله هالحين

الكل لهم متابعه بدون تحديد ,, والكل مبدع ورأس امي < وريع

اقتباس:

الأ بسألك يعني أنت جاي من طرف بو رحلة << لقافة

ابو رحله اعرفه يوم كنا نفتح علبه السفن بسنوننا

لا ماعرفتوهـ الا من هوون ,, وزادني شرف معرفتي بهالمبدع الكبير

ياهلاابك ياهجيرٍ ,, لاهنت ِ على الترحيب

نردها لك بزواجك الخامس < متشائم

[/align]

**سفيرة الحزن** · 03-13-2007, 03:48 PM

وعليكم السلام ورحمة الله وبركاااتهوو

ياااااااالله ان تحيييه ..

لحظه برايفت لهجير ::

هجير انا لاحظت من يوم صرت اناديك على كل عضو جديد اقولك هاتي القهووه
صرتي ترحبين اول وحده وش السالفه يابنت .. تبين تبينين لي انك نشيطه <-- هواااا
والا ماتبين تبلشين بالقهووه هاااااا ..

طيب نرجع للأخ الأستاذ مسيووو نسـاي

كومون سافا مسيو نساي ؟
بحكينا يعني وشلونك عساك تزقح ـح

اولا وش سبب التسميه ( نسـاي ) ؟

ابي اعلمك اني أعرف اسأل أسئله سنعه ..

يااااالله حيك أسفرت وانورت ...

ماتلاحظ كني امون عليك مع وجهي هع ...

لكن طالما اقبل البدر وكوكبتنا ومنتدانا اللي مش عارفه ايش سوقها طايح

ومانعترف فيها ... نحب نخلي البسااااااط سلطاني ( أحمدي )

هلا بك اخووي نساي .. واعذرني على إطالتي <-- يالبى قلبي

تحياتي لك

ام سعوووود · 03-13-2007, 11:54 PM

يالله انت حيه

اشلونك نساي عساك بخير
الا قولي وش اللي نسيته

برايفت لسفيره
اذا عندتس اسأله سنعه فأنا اسنع منتس وشوفي السؤال

نساي الصوره هذي لك واذا كانت لك وشوله معطينا ظهرك <<< شفتي الاسئله بس

اقول نساي بالله عليك سلم على ابو رحله اذا كان هو اللي جابك
لان الانسان هذا مايمديني اسجل دخولي الا وهو طالع
يعني مااشوفه ابدا بتاتا البته

ولا كان سلمت عليه بنفسي وماتعبتك

وهذا اللبن هديه ترحيبيه من ام سعود للاعضاء النيو
اشربه وشارك ارجوك
مادري ليش كل اللي يشربون اللبن مايشاركون معنا

عليك بالعافيه

.

**ماشي الحال** · 03-14-2007, 12:14 AM

وعليكم السلام ورحمة الله وبركاته

نســـاي

وانتـــ << ترى المده دليل الرومنسيه

الهوا بالنسبه لي والماي

اشهق انا باسمك

واشتاقلك وانتا معااااي

تصدق عاد وانا ارد عليك قاعد اغني الاغنيه ذي

التفت علي اللي دايم جمبي الاخ فاضي

قال انشهد انك تسمع ياولد ( حاط سماعات باذنه ويسمع نساي )

قلت اول شي اذكر الله

وبعدين ماسمعت ولا شي من اللي عندك قاعد ارد على عضو اسمه نساي

بس حبيت اعلمك بالسالفه لانها من المصادفات الجميله في حياتي >> ياحياتي يا انا

آآآخ بس لو انك متأخر شوي وسجلت عندنا

كان رقم عضويتك طلع ملعون ابو خامس

4321 وتخلي الرقم السري بعد 1234 عشان تصير

مميز من اليسار ومميز من اليمين

اقتباس:

ابحرت كثيراً واغمى علي وصحيت من غيبوبتي

وانا بينكم

تصدق من اشوف ترحيب الواحد كذا

اقول في قلبي من ردى حظنا انك صحيت عندنا

مره رحت لمنتدى حق واحد من خوياي

وقالي لازم اروح الترحيب

قلت ما ادانيها ذا السوالف

قال ياخي انت رح وش خسران

قلت منيب خسران شي

بس احس اني داخل على ناس

في مجلس واقولهم ووجهي وسيع ( انا جيت )

المسأله طبعا مسألة قناعات

مهب معناتها انا صح وغيري غلط

<< حبكت يعني تقول السالفه في ترحيب الرجال ؟

صراحه كلامك عن المنتدى يثلج الصدر

وان شاء الله نكون مثل ما ذكرت

واحسن بتواجد امثالك معنا

يالله اشوفك في مشاركات ثانيه عشان اخربها معك >> افا ؟

فوتك بعافيه

**عميد الزكرتية** · 03-14-2007, 11:17 AM

ارررحب يانســــاي

نور البيت يانساي خليل نساي

احس يركب اسمك على نمط جبران خليل جبران <<

اقتباس:

اولاً احب احيي فيكم هالروح اللي مالقيتها في اي منتدى بعالم النت

واحيي فيكم الابدااع الا محدود

بعد هالكلام مانبي ثانياً وثالثاً

ماقصرت وبيـّـض الله وجهك

اي والله (وجه حمد السعيد)

نســـاي

البيت بيتك والمحل محلك وانا اخوك

لكن نصيحة مني لك

لاتشرب حليب ام سعووووود

يقولون انه محـــزر

على طاري اغنية ماشي الحال

والمصادفات الجميله في حياتة

مرة كنت في السيارة

وحاط الرادو على قناة mbc FM

واسمع اغنية عصام عبهجي اللي يقول فيها

ونزلت من السيارة ودخلت على الحلاق

ويوم جلست على الكرسي

الا هو حاط الرادو على نفس القناة

والغريب في الامر

ان القناة مشغلين نفس الاغنية اللي في سيارتي

حبيت اذكر السالفة

لانها من المفارقات الجميله في حياتي << يافرقا

والجدير بالذكر ان المحل اسمه

صالون العميد

طبعاً الحلاق مهب لي

بس انا احلق عنده دايم علشان اسمه

وكل مرة احلق عندهم اطلع ووجهي مشرط

ولكن وجهي فدى اسمي << فديتني

نساي

الله يحييك مليون

ويسعدنا وجودك معنا

وانضمام ناس مثلك لبيتنا يشرفنا

حيـــّـــاك الله

وشـــف شغلك

ahmeddeep · 03-14-2007, 01:38 PM

هلا بيك اخي الكريم ونوت المنتدي وبأنتظار مشاركاتك

**عميد الزكرتية** · 03-15-2007, 12:44 AM

^
^

هــــــاه يااحمـــد ديب بشـــر

قدرت ترسل الرسالة الخاصه

واحد وسبعين مشاركة

يعني ناجح على الحـفـّـه

**المستشار** · 03-15-2007, 10:59 AM

ياهلا وغلا بنســــــاي

وحمد لله على السلامة

اجل الخبر صحيح

سجلت معنا وبعدها بعثه

سنة لمدغشقر

عودا حميدا

وننتظر مشاركتك بكل شوق .

----------

اقتباس:

العميد

هــــــاه يااحمـــد ديب بشـــر

قدرت ترسل الرسالة الخاصه

واحد وسبعين مشاركة

^
^
يسمع بزيادة المشاركات

مثال حي للنشاط الجلمبــاوي

تحيه للجميع ,,,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى