إيه يازمانن مضى ليته بس ماقضى

**شقرديه** · 03-11-2007, 07:44 PM

السلام عليكم

تسيف انتم وتسيف حالكم

ياجماعة الخير ابا اسألكم

ليه الناس منذ مبطي مايتقبلون اي شي جديد عليهم بسهولة؟؟

عكس هالحين الناس هم اللي يدورون الجديد!!

واللي طرّا هالسؤال

أني يوم الخميس رايحه أزور جدي الله يطول عمره

و كالعادة مجمعنا ويسولف علينا ماندري هو صادز ولا انه لاقينا>>عيب

جدتس

المهم يقول ان أول ماطلعت السيارات جاهم أبو عيسى كاشخ بسيارة

بحكم انه كان يشتغل في الرياض محد قده

وانهم يوم شافوها خافوا وانحاشوا-للمعلومية جدي كان يعيش في قرية->>احلفي

ويوم بدوا ياخذون عليها صاروا يحشون الدزت ويحطونه

قدامها يبونها تاكل

وبعد السيارة طلع الرادو وكان اللي عنده رادوا منحرف في نظرهم

حتى أبوي يقول اول ماشريت الرادو كنت اشغله واقصر عليه

لايسمعه ابو جيرانا وينقد علي

همين بعدها طلع التلفزيون عاد أشد من الرادو صوت وصورة

ويوم صار الوضع عادي

شرا جدي تلفزيون

وكان يعيي على جدتي تشوفه

لأنه يغار عليها ويخاف ان المذيعين والممثلين يشوفونها>>والله يابنت بولند ماتصف جنب جدتي

ويوم تطور جدي وتحرر تفكيره نتيجه لأختلاطه بأبي عيسى راعي السيارة>>ياروحي يالقواعد

صار جدي يسمح لجدتي تقعد تشوف

التلفزيون بشرط تلبس عباتها وغطاتها

ومن ذاك الحين وجدي متمسك بتلفزيونه الخشبي ابو باب

واللي طرّا جدي وتلفزيونه>>ياكثر طواريتس

يوم شفت تلفزيون سوني الشفاف

عاد قلت خلوني اسدحه عندكم عشان تعوركم قلوبكم

^
^
ركزوا على التلفزيون موب اللي مرتزة فيه

يا والله اللي ماصلح هالتلفزيون عند مبزرتنا

والله ان يلهمدونه قبل مايدخل البيت

"للجادين فقط تلفزيون جدي ابو باب خشبي للبيع لأعلى سعر"

**nAmLaT nAjD** · 03-11-2007, 08:34 PM

وعليكوم السلامات والرحمه يابنت العرب

حتى انتو اهلكم لاقينكم؟

مير الجد ماعليه شرهة

الشرهة على اللي اصغر سناً (وجه يقول استحي على وجهتس)

تدرين عاد ان التلفزيون الخشبي ابرك الف مره من تلفزيوناتنا اللي مافيها الا الخراط

على الاقل كانت البرامج كلها امي وعمي (مع بابا حطاب)

اييييه يوم العلم وهم عادي يطلعون بالتلفزيون

والحين لاحلم واحد من بزرانا انه يغني ويطلع نفضوا خصاله على هالحلم

يابعدي ياحنا وياحياتي ياحنا << اقول ورا ماتلفقينها بس

:

مقارنه عنيفة

بس التلفزيون الشفاف يخقق ايوووما خقة

مب لازم تشترينه لاهلتس اشتريه لغرفتس واستانسي

وقتي الكاميرا وصوري من وراه عشان تحللين قيمته

دامه من سوني ان شالله ينزل قريب والعب براس ابيي جعله في الجنه عشان يشتريه

من جد حلوووو ماشالله << جاز لها بقووة

عيبه الوحيد مايمديتس تخششين الاسلاك وراه

يعني فضيحه يبين الحوسة (وجه معفس)

تشكرات مس شق شق وفي انتظار الجديد

مع السليحيفات < مايحتاج اعلمتس انه تصغير

الرجل الذي كويس · 03-11-2007, 11:36 PM

وعليكم السلام ورحمة الله وبركاته
[عفواً يمكن مشاهدة الروابط للمسجلين فقط للتسجيل اضغط هنا]
8
8
8
8
أششششششششششهد انه كان عند أبوي

وقافل علية في غرفتة يقالة بيكشخ علينا

وأنواع أم كلثوم بعد صلاة العصر

بس حق أبوي طقطق ماهور فرارات زي هذا

هذا أكشخ واجد

بس صراحه شي يحسسنا أنا تطورنا

تطورنا آآآآآآآآآآآآآآه يا تطورنا

لو نفكر فيها ليش ما نصنع

كل ماطلع شي جديد في هالدنيا قلنا

العلم تطور وتقدم

وحنا دلمبخ كل شي نجيبة من برى

يعني هالصينيين ولا هاليابانيين أحسن منا في أيش

والواحد إذا شرى شي جديد يزعط فية كنه هو الي مخترعه >>>>ياعمي طيييييييييرررررررر

أشهد أني قلبت أم الموضوع إلى منحى آخر

سوري شقردية

بس صور رايقة صراحه بس لو ندقق هنا مع بعض

أشــــــــــــــــــــــــــــــــــــــــــــــــ ــــــاعــــــــــــــــــــــــــــــــــــــــــ ـــــــــه
7
7
7
7
7
7
7
[BiMg]http://zqrt.com/up/sing/so_zqrt_4.jpg[/BiMg]

من جد ما اصدق

يعني كيف يشتغل هذا

حتى ماله سليكات >>> تصغير سلك

وعلى طاري السليكات أنا ما يعقدني في التلفزيون ألا السلوك الثلاثة

الأحمر والاصفر والابيض

يعني حاطين ألوان

ولا عمري ركبتها صح

أحس أني جلملم

بس صراحه أنا بناقض نفسي في كلامي السابق

وبقول صدق العالم تطور

وحنا مالنا ألا أنا نشتري وبس

يعني أفلقني فلقت(ن) كبيرت(ن)

أذا سوينا حتى سلك من هالسلوك المذكورة أعلاه

هذا ولكي يا شقردية يا أحسن وحده في الحارة أحلى تحية

مني أنا شخصياً الرجل الذي كويس

ودمتم سالميين (وجه مجلس التعاون)

سي يو أفتر سون

**nAmLaT nAjD** · 03-11-2007, 11:52 PM

^
اقول بلا عيارة بس << استفزها الحتسي اعلاه

صدز اننا نملى بطونا من هالرز ومن هناك يجيم المخ

بس محاتسيتك رغم خوفها من الكهرب تعرف الفرق بينهم

<< الحين تراني مسوية حدث

بعدين الاسلاك ذي راس مالها كم سلك نحاس مبرومات ومغلفات

بربل عشان لامسكته ماتتكهرب وتاقف شعيراتك

الشعب عندنا مخهم انظف الف مره من شعب النودلز والستيك

بس الفرق اننا نستخدم ذكائنا في تقنيات البربسة والبلوتوثات والفضايح

والا لو فيه تركيز على الشغلات المهمه اللي تنفع وفيه تبني من الجهات المسئوله

تسان وصلنا الشمس (وجه مشتط غلط)

الله يصلحك خربت موضوع حبيبتي شقرديه

شقردية عطيني الدفاتر يابعد رويسي اصححهم

هيا بنا للصاله

مع السلاحفااات

**بيـــــــــش** · 03-12-2007, 03:46 AM

8
8
بنت كل همها في الحياة المناقر >> بسم الله عليتس

وعليتس ألف سلام ورحمة من الله مس شوقو

وشلونتس انتي وشلون الحوطيئة

أجل لاقينكم؟

حنا اللي لاقينا عنده راديو خشبي ،، خشيباته من نفس الشجرة حقت خشيبات تلفزيون جدتس

<< كلنا لاقين بعض

واللي قاهرني بهالتلفزيونات القديمة هالباب اللي مدري وش حكمته

يعني مثلا التلفزيون يبي يهج

وإلا على بالهم يبون يحكرون الأوادم اللي يشوفونهم فيه

علشان يفتحونه من بكره ويلقونهم مابرحوا مشتطين يمثلون ويغنون لهم

وإلا حفاظا له بعيدا عن أيدي العابثين >> حريمهم مثلا

تعالوا ياجداني يابعد اللي راحوا ولا جاوا

شوفوا تلفزيوناتنا ماهوب تلفزيوناتكم
7
7

وماعليه ياجداني عطوني جوي وصدقوا ان هالتلفزيون عندنا

وشوفوا وشلون أحفادكم فري أكثر من اللازم

وماعندهم شي في حياتهم اسمه بيبان ولا قفل ومفاتيح

حتى الميداليات وتعليقات المفاتيح صرنا نحطها في المتاحف ونعرضها في صناديق زجاجية مع صوركم

وانتظرونا في التطور الجاي

نبي نخلي الشحم شفاف >> يعني على شحم

8
8
تمت المحادثة الأثرية بيني وبين جداني وربعهم

والحين تعالي شوقو

أشوفتس ترى تحمدين علي

ترى ماأحد لاقينا غيرتس

شوفي الصورة اللي قبل الأخيرة مافيني حيل أجيبها

ورى الستاند الزجاج جهاز كأنه بروجكتور

يعني ماهوب تلفزيون ياابعدي لايضحك عليتس هالأشهب اللي ماسك الريموت

حتى لو حصل لاسمح الله وصار تلفزيون

وين نحط الفيديو والريسيفر والريموتات والمصحف حق أمي ونظارتها ؟

صح وبعد وين أكتب اسمي وتاريخ كتابته بخط لايكاد أحد يشوفه>> توثيق

الزبدة

ماأعجبني لا هو ولا الأشهب اللي قدامه >> تظنه عرض خاص

شوقو

with التشفير >> يعني أنا أحبتس

**قروص** · 03-12-2007, 09:22 AM

الله الله يا شقورة
وش ذا الزين المغبر
ذكرتيني في رباب اذا طلعت بالمسرح اللي فيه شجر خشبي
يقال ايش فديو كليب هع هع
بس انتي حمستيني اصور التوووراث اللي بذا عندي
مير تدرين خلين شوي واجيبه لتس

بالنسبه للتلفعيون الزقاقي هذا ما يصلح لعيالن شياطين مثل عيالنا

خوفتي يحط رجيله على التلفزيون زي المكتبه ويجيك مجاوب على قفاه ويتشلخ
عاد يا حسافة فلوسن راحت عليه هع هع

<<< مهب جعصن ابد

اما التلفزيون الخشب والله لو تنطلينه من السطح بيسوي حفرة بالارض ولا جاه شي

<<<< حشى قذيفه مهب تلفزيون شيشيشييييييييييي

تحياتي واشواقي

عندي سوعال

كم مره قلت ان في هالرد ؟؟؟

**SHAHAD** · 03-13-2007, 08:44 PM

وعليكم السلام ورحمة الله وبركاته

أنا بخير جعلتس بخير يا زينتس يأم السعف

و يا زين جلايبتس

الله يالدينا كيف كان و كيف صار

صدق التكنولوجيا و التطور حلو

و يا زينة إذا استخدمه شعبنا المصون

استخدام صحيح ..

بصراحه الــ T.V الشفاف خقاااق بقوة

بس مثل ما قلتي يخرب قبل يدخل البيت

..

يعطيتس العافية يا حلوتي ،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى