السلام عليهم


يالله انك تحييهم


والله ان لكم وحشه يا أيها الزكرتيوون


اسمحولنا على القطاعه


فالظروف تأتينا من كل صوب



المهم



انا بصراحه بانشر همومي المتراكمه على قلبي لكم



بسم الله



همي يا اخوان .. مقاولين الطرق



والله يا اخوان ان مشواري 20 دقيقة قبل شهر للجامعه


الحين .. صار ساعتين إلا ربع



سكروا طريق الجبيل من كبري النابيه إلى كبري الملك فهد


واحشروا البشريه على شارع الضغط العالي


شريت كرسيدا عشان هالمشكله


تعرفون.. ما يمشي إلا قانون واحد بالامور اللي مثل كذا

إلم تكن ذئبا ..اكلتك الذئاب



دخل خشم الموتر وبن أمه يبي يتجاوز


والله ما يرده إلا صدام الكرسيدا


ههههههههههه


لا تلوموني يا اخوان

والله الحاله يرثى لها


بالدول المجاوره مثل البحرين والكويت والامارت


نشوفهم ليل نهار يشتغلون بالطرق


مو مثلنا ... بس فترة الصباح والعصر ..


ويقعدون 3 شهور على ما يخلصون


وان خلصوا ..شهر بالكثير تشوف الشارع حفر


ليه وين الرقابه


وين المقاول ... ولا بس قاعد ببيت امه ويبلع من هالفلوس


وليه ما يكون شرط ..ان المقاول ياخذ الفلوس وان خرب الشارع يرد كل الفلوس


تصدقون يا اخوان اني تحريت


واكتشفت ان المقاول المسؤول عن طريق ابو حدرية السريع


عمل اعادة انشاء للطريق.. وخرب الطريق .. وعينوه مره ثانيه على انشاءه


والله مصيبه


ليه ما يتحول إلى القائمه السوداء


اول نروح للنعريه ما فيه إلا تحويلتين


الحين الطريق كله تحويلات


اعوذ بالله


الواحد يخاف يمشي 80



قبل مده صار حادث عائله قبل ابو حدريه


ماتوا فيها كل العائله


والسبب انه لم يكن هناك لوحات تحذيريه للتحويله


فتصادموا مع شخص اخر وماتوا


وهذي العائله ما تبقى منها إلا شخص


الحين وش ذنب هالشخص


صار بدون ام ولا اب اخوات ولا اخوان


والله حرام



انا معكم ..هذا قضاء قدر


بس وين المسؤوليه


وين مبدأ السلامة


حنا بدوله من اغنى الدول بالعالم


لازم ان تكون شوارعنا عدله



شوفوا شوارع الامارات


وربي ما صدقت اول ما دخلت الامارات


شارع 500 كيلو منور ونخيل


والمحطات .. احلى من المجمعات عندنا


من جد محطات تفتح النفس


ودورات المياة وانتم بكرامه.. تختلف اللي عندنا عنهم


كرهت اروح مكه مع الحملات من سبت هالمحطات المروحه



والله يالربع لا تلوموني


من جد قهر بقلبي



ولا نسى شارع النعريه


اقدر اسميه شارع الموت


يا ما عوايل توفوا فيه.. والله بالهبل


الله يرحمهم


يجيك الواحد من الكويت مع اهله يبي يونسهم..ويروح النعريه...ويمر هالطريق وفجأه الله هالشاحنه داخله فيه


الواحد ينقهر لما يسمع من مثل هالسوالف



كأننا نحفر حفره فيها سكاكين


ومن طاح فيها .. نقول الله يرحمه هذا يومه


لا ما يصير هذا الكلام


صحيح ما بيدينا حاجه


والشكوى لله


وكل ما في الموضوع ان هم بقلبي .. واشكيه لكم


واعذروني على الاطاله


ولكم اطيب تحية

__________________


يا بعد قلبي يالخوجلي




[عفواً يمكن مشاهدة الروابط للمسجلين فقط للتسجيل اضغط هنا]
8
8
أول تجربة لي بالخط الحر ... محتاج لأرائكم وإنتقاداتكم

__________________
[align=center]

وعليكم السلام

ارحب يالخالدي

سبقتني وانا ناوي اكتب

عن ها الموضوع

انا ساكن بالدمام ومن حارتي الى حارة جنبي

اول اقطعها ب10 دقايق

الحين ساعه اقل شيء

تسكير شوارع وصرنا ندخل للحارات

وسواقه تجيب الهم

انا ودي اعزم وزير المواصلات

واتمشى وياه ويشوف الوضع على الطبيعه

هذي الشوارع الداخليه غير

اللي تفضلت به خط الجبيل وخط ابو حدرية ولا يهون خط الحساء

معاناه ومشروع لو سووه في بلد غيرنا امداهم يخلصونه

من سنة جدي

بيني وبينك افكر اشتري سيكل اصرف واسرع ورياضه بعد

يعطيك العافيه الخالدي

بنقل الموضوع للديوانيه عشان الكل يفضفص على راحته .

تحيه للجميع ,,,

__________________

والله انك جبتها على الجرح...
وبصرااحه طرق الشرقيه تجيب الهم والغم...
اول المشوار من الدمام للجبيل..
ما يأخذ نص ساعة والحين بعد هالتحويلات صااار ساعة ونص
ولا بعد قمة الاخطاار..
ما يمر يووم الا وتشووف حادث الله يستر علينا وعلى اخواننا المسلمين..
والمقااول ناايم في العسل ويجيه حقه على دااير مليم...
واذا تكرم وخلص من المشروووع ما يقعد الا كم شهر وتلقااه قاالب الشاارع ملاهي
انواااع الميلااان والحفر...

والله شي يقهر ....

يعني وين المسئول...
ويوووم زياارة خادم الحرمين الشريفين ..الله يحفظه
سكروا طريق الجبيل الدمام لمدة 6 سااعات تقل او تزيد
وليه ما يخلوونه على طبيعته عشاان يشووف الملك انهم
مهملين وغير منضبطين ...
وحقهم من الميزاانيه يكوون من اوائل الحقائب الوزاريه
يعني ...وبالدليل القااطع هناااك فسااد في تلك الوزاارة...


نسأل الله ان يسر لنا من ينهي هذه المعاانات لنا جميعاً...

والمعذرة على الاطاااله..

__________________
[img][/img]

__________________

السلامو عليكم


ازيك يالخالدي


للحين حاط صورة الخوجلي ( وجه شراحيلي البارح في الراشد)



ياخي جبتها على الجرح

انا من الناس اللي يداومون في الجبيل

وبحكم اني ساكن في الظهران

مستحيل اني بستقر في الجبيل

وانا بيني وبين اهلي نص ساعه الى ساعه الا ربع

مشان هيك اتردد يومياً

على ذاك الطريق اللي يسمونه غرام اموات <<< اخسي على التشبيه


شووف انا مع توجه الدوله لتعديل والاصلاح في الطرق
وبالاخص طريق الجبيل

طريق شرياني تخيل هالزحمه الوجوده الحين
وبعد فتره بتبفح الجبيل 2 وبيصير الضغط على الطريق دبل

لابد انهم يتحركون دلوئتي

خطوه جيده منهم اني بينوروون الطريق كله

لكن

الكلام على المقاول

انا اكون صريح معك

مافيه شركات سعوديه كفو انها تسوي طريق زي هذا

شركاتنا حدها افتح تحويله او سكر تحويله


يعني ماعندنا شركات مؤهله انها تسوي لك طريق في حجم طريق الجبيل

والاقبال الشديد عليه

هذا من ناحيه

من ناحيه ثانيه

اذكر اول مافتح المطار <<< يبي يعلمكم انه كان يشتغل فيه


كان طريق الملك فهد يودي ولا يجيب << اتحداكم فهمتوا

لا صدز كان اذا بتروح للمطار

ماتقدر ترجع الا عن طريق ابو حدريه

يعني تخطيط غبي

اضطروا انهم يحطون طريع رجعه لدمام

المهم
لابد انهم يخلصون بوقت قياسي

عطو كل 5 كيلو شركه

وطلبوا منهم انهم يخلصون بنفس الوقت

وكل شركه تدهر من عندها

وبكذا استفادوا من الوقت

يعني طريقه حلوه

اذا جبت عشر شركات لطريق الجبيل

وفتحت لهم ورشة عمل يتفاهمون بينهم عن الاليه والطريقه
ويكون بينهم تعاون وتفاهمات

وتعطي كل شركه جزء معين


وتخليهم يدهرون

مهم تجيب لي شركه وحده ونص عمالها مبزوطين

ياخي ماعمري مريت عليهم في الليل
بحكم اني اداوم شفتات واشووف في انوار وناس تشتغل

خلاص من تغيب الشمس طفوا معداتهم وراحوا يناموون

لابد ان العمل يكون 24 ساعه

وتكون عليهم ضغوطات انهم يخلصون الطريق في وقت قياسي

اذكر ان الامير محمد بن فهد
تحرك في هالامر وضغط عليهم

وفتحوا بعده بفتره او شالوا تحويله
وبعدها رجعت حليمه الى عادتها القديمه



ياجماعه انا مستعد ادفع عشره ريال كل ماجيت اروح لدوام
لكن اللقى طريق مرتب ومنور وفيه خدمات كثيره
لا انا اتعب ولا سيارتي تتعب

نبي خصخصه في الطرق دام الدعوه كذا

والله مشكله

طريق الجبيل ممرض وهو في النورمل دي

اجل لو يجيك ضباب او مطر
او يكون فيه حادث وتنلطع ساعه ونص في الزحمه


الله يعين بس

ونتمنى التحرك السريع من السئولين
لحل هذي الازمه ولا ترى الارواح رايحه



الله لايهينك خيو الخالدي

وجعلك ماتنحد على طريق الجبيل

__________________
.
.
.
.

مشكورررررررررررررررررررررر

زكرتي اسمر

ليه مسجل بالمنتدى

اذا ردك نسخ ولصق

حتى الرد عجزان لا تعبر عنه بأسلوبك .

نصيحه تكتفي بالفرجه فقط

اذا هذي مشاركاتك


عدلت المشاركة بواسطة المستشار ...

مشكووووووووووووووووووووووووووووووووووووووووووووووو وووووووووووووور

الخالدي

موضوعك بمكانه وفضفضتك وصلت للقلب

<<< كلنا نروح الجامعه وناكل مدري شسمه لين نوصل

بس عارف وين المشكله سوء تنظيم

يعني مااحد يسمع ياخوي

انت بس وسع صدرك وان شاء الله خير

ترا ماعندي مانع ارسلك طيارتي تروح عليها الجامعه

__________________

والله انك جبتها على الجرح...