××إعترافات سارق شعر××

**سفيرة الحزن** · 03-06-2007, 01:07 PM

السلام عليكم ورحمة الله وبركاته ..

بصراحه قصيده تستحق الوقوف ..!

لشاعر ماهوب مشهور ( على حد علمي )
اسمه / / علي الحـسني

!! إعتـرافـات سارق شـعــر !!

ماني أول مذنب .. الدنيا تغطيها الذنوب=ولاني آخر سارق بدنيا الظما والمسغبه
إيه أنا سارق شعر ولا نويت إني أتوب=ودي أروي دامني ظامي من الشعر أعذبه
ودي أشري من فقيرٍ فرّ من نفسه هروب=شاعرٍ حظه ردي مايوم حصّل مطلبه
ماقدرت أشريه مثل الناس لجل إني مغلوب=حالي أفقر من فقير ولا معي ماأكسبه
حيلة المضطر لا منه تحدته الكروب=ولا وجد غير ارتكاب الصعب لازم يركبه
من يقول انه ورث شعره من اسلافه كذوب=الشعر ساعة تجلي والمواجع تكتبه
وادري إن البعض ضاقت به فسيحات الدروب=مايبي قول الصراحه والصراحه تتعبه
إيه أقر واعترف من يقترف ذنب وعيوب=يكتبه ذنبه ويظهر لو يحاول يشطبه
استرقته من عيون الغيد والنظره تنوب=عن تفاصيل المشاعر سرها ماتحجبه
من صهيل الخيل والتاريخ يوصف لي الحروب=والبطل ماغادر البتار صهوة منكبه
من تعابير الوجيه اللي يلوّنها الشحوب=واجمه من خوف يتم وجوع ذل ومتربه
من شعور الحزن يوم الشمس مالت للغروب=يوم ودعت بغياب الشمس يومٍ ماأصعبه
من خضار التين والزيتون في أرض الجنوب=من عبير الورد والريحان والزهر أكتبه
لا سجع طيرٍ وغنّى وانتشى الدوح الطروب=وقامت غصونه تمايل شوق مما يطربه
ماتلاقيني هناك ولا هنا قلبي يذوب=يغرق بدنيا الهوى واسقيه عشق وأشربه
وخل هالعالم يقولوا عني أسرف بالذنوب=دامني شاعر وقلبي يحكمه من يسلبه

وسلامتكم ..

تـ ح ـيـاتـي و ح ـياتي للـ ج ـميع

maiaz · 03-06-2007, 01:18 PM

Sfrfr
صح نقلس وصح لسان الشاعر
دمتي باحسن حال

مــــــــيـــــــــــــاز

**سفيرة الحزن** · 03-06-2007, 01:51 PM

^
^
^
مياز .. صـ ح كلـ ك

ممنونتن لك ,,,

الرجل الذي كويس · 03-06-2007, 02:37 PM

^
^
^
^
صح لسانه وصح نقلش سفيرة

وماشالله عليك حتى في القصايد لك مواضيع

لا والله صراحه من أنشط الزكرتيات الي في المنتدى

يعطيك العافية سفيرتنا

سي يو أفتر سووووووووون

**سفيرة الحزن** · 03-06-2007, 03:19 PM

^
^
^
^
عيوني حزينه والسبب الرجل الكويس بيصكني عين

إذكر الله وش فيك يا رجل ( وجه حزين )

شاكره لك تواصلك عزيزي ..

تحياتي لك

**هجير** · 03-08-2007, 12:20 AM

وعليكم السلام والرحمة

صح لسان شاعرهاااا ... وسلمتي على هالنقل الرائع للقصيدة

يعطيك العافية يالغلا

! الهنـوفـ ! · 03-08-2007, 05:09 AM

بيّض الله وجهج حبوبة

ماقصرتي وصح فكرج وصح السان الشاعر

!!

!

**سفيرة الحزن** · 03-09-2007, 09:41 PM

حبيباااااااتي

رفيقة دربي ... هـجـيـر

غـلاهم ... ! الهـنـوف !

الله يعافيكم وصحت أبدانكم يارب ...

ممنونه لكم هالطله ..

دمتم في ظل من تحبون

سراب الخيال · 03-10-2007, 01:05 PM

سفيرة الحزن

ابدعتي

وسلمت يمناك على القصيده الرائعه

تقبلي مروري

**سفيرة الحزن** · 03-10-2007, 01:26 PM

^^ سـراب الخـيـال ^^

الله يسلمك والإبداع هو في إطلالتك الأولى في مواضيعي ..

الله يعطيك العافيه ويا حيّك ..

دمت بـ ود

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى