برق اوسحايب

احمد سعيد · 03-05-2007, 06:29 PM

برق اوسحايب
وانسان غايب
وما قويت انساه
بتذكر ايامي معاه
بين الجبال العاليه
واغنامنا ترعي
وتغيب عن ناظري عدة سنين
وراحت ايام
وجات ايام
واشوف لي طفل صغير
من فرحته كنه يطير
يلعب ويركظ وما يحس بهالتعب
ما شاء الله عليه
قلت يا ولد اقرب تعال
وخذ هذي التفاحه
عسي الله يخليك لاهلك
وش اسمك ياشاطر
تلعثم من الخجل
وقال اسمي حالد
ضحكت وسلمت عليه
وقلت قصدك خالد
ومن انت ولده
وش اسم ابوك
قعد يفكر اشوي
وقال انا ولد فلانه
؟؟؟ فلانه هي امك
ايه امي ......
سبحان الله
الله يحفظك انت وامك
ومن بعدها
تذكرت ان السنين تركض
تزوجت وراحت والله يوفقها
نصيبها جاها
وحنا لنا الله

**سلف خمسة** · 03-05-2007, 08:39 PM

سلام ..!

احمد سعيد - عقلة الصقور

ياخي شفيك

على الأقل سلم ومسنا بالخير

واذا القصيده لك اكتب لك مقدمه صغننه عنها

واذا مهب لك اكتب اسم صاحبها

يعني عطنا من وقتك شوي يالحبيب

وماظنيت انها قصيده عشان تحطها في بيت الشعر

ولا خاطره حالمه نحطها في البلكونه

لو انك مسولف بها في مجلسكم اصرف > يمزح

حياك اخوي احمد سعيد

بس ياليت تعبرنا شوي في بداية مواضيعك

مع السلامة ,,

وني وني وني وني

احمد سعيد · 03-06-2007, 04:43 PM

سلف خمسه
تحياتي اولا
كل الكلمات التي كتبتها نابعه من القلب ومن الاحساس الصادق
حتي التوقيع من تأليفي
لــــــــــــــــــــــــــــــــكن يبــــــــــــــــــــــقي الحــــب ساكـــــــــن

**بيـــــــــش** · 03-10-2007, 07:46 AM

حمودي باشا

أحلى صباح للناس الغايبين >> أنا

واللي يغيب يحب يسولف ويخوض في كل المواضيع

من زود الفضاوة وقل الدبره

والموضوع اللي ودي أسولف معك فيه هو (الوقت)

كيف نستغل كل جزء من الثانية فيما يعود علينا بالخير الكثير

وكيف نستغل الربع ساعة اللي نوصارع فيها النوم لو عيا يجي

والحل عندي وأنا بيش

تتحضن دفتر أبو عشرين وقلم الرصاص الاتحادي

وتبري جده ألين يصير مثل الابره وتجرب تغز به اصبعك الابهام

لو طلع دم يبأه كلو تمام وابدا الشغل (وجه مركز صحي)

تمريره خفيفة وتغميس على لسانك وابدا اكتب اللي بخاطرك

خواطر ،، شعر ،، نثر ،، مقامات ،، >> أدب العصر الأموي

كل شي وأي شي يطري عليك اكتبه

بتحس انك تنظم قصايد أحلى من قصايد عبدالرحمن الشمري

وودك تشارك في شاعر المليون وتصير سوبر ستار الشعر النبطي الكيفاوي >> بحر جديد

وفي عز نشوتك وفرحتك باللي أنجزته ارقد

ويوم تصحى تبي تشوف ان اللي كتبته كله خرابيط

والسالفة كلها فضفضة نفسية ومشاعر فايضة وكلام مدري وش يبي

استانس شوي واقراه واضحك وشق الورقة

علشان الليلة تبدا بصفحة جديدة ،، لاتنسى من بكرة تشقها

واقرا قصايد كثير علشان تصير مثلي شاعر لايشق له غبار

[عفواً يمكن مشاهدة الروابط للمسجلين فقط للتسجيل اضغط هنا]

كانت معك الطالبة اللي أول مرة تغيب في هالفصل الدراسي

والجايات أكثر

with العميد >> يعني ياليت بس يعرف معزب بيت الشعر قيمتي الابداعية في الشعر

قديمك نديمك · 03-10-2007, 04:13 PM

صح لسانك اخوووووووي

احمد سعيد · 03-13-2007, 09:14 PM

بيش

انا والله ماني شاعر ولا حتي شويعر
ولاعندي خواطر
بس ودي اكتب مافي جعبتي
من اهات وافرغ بعض ما في
من افراح او احزان
فالمعذره يا اخوان علي كتاباتي الاقل من التواضعه

لكن بيقي الحب ساكن

أدوات الموضوع
مشاهدة صفحة طباعة الموضوع أرسل هذا الموضوع إلى صديق
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)

اعلانات المنتدى