العفو عن قاتل في عرعر//والمزيد من المواضيع

**شقرديه** · 03-03-2007, 11:34 PM

كعادة أمرائنا أمراء الانسانية

في السباق لفعل الخير والمشاركة في الأعمال الإنسانية النبيلة

المقدم طيار صاحب السمو الملكي الامير تركي بن عبدالله آل سعود

أحد أبناء الملك عبدالله بن عبدالعزيز آل سعود
والذي كان متواجداً في لندن لمدة طويله وحضر الى الرياض ومكث فيها قرابة الاسبوع
ثم حضر الى هنا من اجل هذه المهمه الانسانيه

اتجه مباشره من المطار الى منزل
والد القتيل عايد بن مناور العنزي
وبعد العفو مكث عندهم لمدة نصف ساعة اتجه بعدها
الى منزل المقدم فريح شخير العنزي
وتناول طعام الغداء بعد صلاة العصر مباشرة

صاحب السمو الملكي الامير تركي بن عبدالله أثناء
وصوله للمطار

وهنا صوره للجمهور الغفير الذي
ينتظر الخبر المفرح خارج المنزل

وهنا في منزل والد القتيل يطلب
منه العفو والصفح

************************************************** ********

يمكن الكثير منا سمع عن معاناة الأمير الوليد بن خالد بن طلال مع المرض

والذي أصيب بغيبوبة

بسبب حادث مروري

قبل عام تقريبا

وقد شخص الأطباء حالته بـ"الوفاة الدماغية"

وبحسب ما قرأت فأن والده الأمير خالد بن طلال وزوجته

يقضيان جلّ وقتهما في المستشفى للإشراف على وضع ابنهم الوليد

وهذي صور للأمير الوليد بن خالد بن طلال-شفاه الله وعافاه-

صورة لوالده الأمير خالد بن طلال

اللهم يا حي يا قيوم اسألك مسألة العبد الذليل

ان تسبغ عافيتك على عبدك الوليد بن خالد

وان تصلح حاله وتذهب ما به من بأس انك على كل شيء قدير.

اتمنى كل من يقرأ الموضوع أن يدعوا للأمير الوليد

بالشفاء وأن يكشف الله الضر عنه

**************************************************

كل الناس تدور رزقها

لكن فيه ناس حسبي الله عليهم رزقهم في دمار غيرهم

شفت خبر يضيق الصدر

>>بتقولون وش عندها ذي

هيئة الرياض تصادر خمور معدة للتوزيع

1200قارورة خمر تم استيرادها من الخارج في 100 كرتون تصل قيمتها
إلى 960.000 ألف ريال بواقع 800 ريال

حسبي الله ونعم الوكيل

الله يكفينا شرهم

بس بيني وبينكم اول ماشفت الغراش مصففة

حسبتها صوافي زيت شعر

وخاصة أنه مكتوب عليها BLACK

>>ياعمري على نياتها

************************************************

تعرفون البيت الشهير في الغزل

إن العيون التي في طرفها غمصون قتلننا،،،ثوما لم يوحينا قتلانا>>المحيي الله سبحانه

ترى هالبيت ماله دخل في الصور

لكن من باب الشىء بالشىء يذكر>>انفصام في الشخصية

السالفة أني شفت لي صور ذكرتني بسالفة قديمة

هذا أنا الله يسلمكم يوم أني صغينونه وس ملحي>>صورة وجه لابس كرته ويمشي حافي

كان عندنا عنادز -صغيرة الماعز-لغير القاطنين في المزارع

المهم كنت طاقة صداقة معها

ومسميتها وحيدة على وحيد سيف اللي كنت معجبة فيه>>صورة قلب ينبض

وفي يوم من الأيام كنا ننتظر خبرا سعيدا

الاّ وهو قدوم أول ظنى لوحيدة

وفعلا رزقت بمولود ذكر عبارة عن تيس أبيض واسود -هقوتكم وش ميوله-

المهم بعد ماقامت بالسلامة تسلط أبوي عليها

ووداها لأبو سعد القصاب -الله يرحمه

وقطعها ثلاجة

والتيس اهدته أمي لخالتها لطيفة

وسوته مندي وعزمتنا عليه

عاد طرا هالسالفة صور شفتهن في النت

لأشبال النمر الأبيض في حديقة الحيوان في بوينس ايرس في الارجنتين

وبس خلصنا

كانت معكم في هذا التقرير

شقردية زينة بنات الزكرتية

اسير الصمت · 03-03-2007, 11:52 PM


	وعليكم السلام ورحمة الله وبركاته ماشاء الله عليت ياشقردية زينة بنات الزكرتيه ماخليتي شي وجزاك الله الف خير على نشر مثل هذه الامور كالعفو والتهريب والامير عافاه الله اولا >>> توهق . الله يجزا الامير تركي كل خير على مافعله ويجعله في ميزان حسناته ثانيا الله يشفي الامير الوليد بن خالد ويعافيه ويكتب له الاجر والطهور بأذن الله ويشفى مرضى المسلمين من كل مرض ويعافيهم ويبعد عنا وعنكم الامراض ثالثا <<<< لاتعليق جهود جباره من هيئة الامر بالمعروف والنهي عن المنكر والله يجعلهم من ذا واشد >>> ادري انك مافهمتي شي ,,,, والله يسخرهم لمثل هذه الامور ويجعل اعمالهم في موازينهم يوم القيامه واللهم من اراد سوء بالمسلمين فأشغله بنفسه واجعل كيده في نحره الله لايبلانا لا إنتي ولاالمسلمين وانا قبلكم . رابعا <<<<<< تحرجيني ماشاء الله وش ذا القطو حركات والله لون خيال <<<<< ياجعل امه ماتستهبل عليك اجل قطو هااااااااااااااه مشكوره والله يعطيك العافيه وتسلم يدينك

**سلف خمسة** · 03-04-2007, 08:07 PM

سلام ..!

شقرديه مساء الفلافل

شلونتس ياراعية التويس المقلـّم

خشه سريعه دوغريه

صراحه اشوف سالفة الجاهيه وحذف العقال في سبيل الخير واعتاق الرقبه

شغلات زينه واحيانا تصير مهب زينه

يعني لما يتدخل في السالفه امير وشيخ قبيله وناس من وجهاء البلد

احيانا يكون المعني بالأمر مرغم على التنازل بطريقه او بأخرى

وادناها لما تخاف يالشخص المعني انك تكسر كلمة الأمير

او تخليه يرجع مثل ماجاا بدون فايده

خصوصا انه اميـر وله مكانته و وضعه

او انه يكون شيخ القبيله ولازم ترجع له في اغلب امورك

يعني تخاف لاتكسر كلمته ويحدث مالا يحمد عقباه بعدين

الزبده اني احس فيها نوع من الضغط الغير مستحب > شتبي

يازين الواحد يتنازل بدون ضغوطات ومن قناعه انه بيلقى الأجر عند رب العالمين

غير كذا احتمال يصير القتل الحين اسهل وعواقبه اخف عند بعض الشباب

اللي اهله واصليـن بالسلطه والجاه

يعني يقول راس مالها جاهيه

وشيوخ القبايل مهب مخلين ابوي لحاله اكيد انهم بيسعون معه

اني وي >

الله يجزاه خير كل من سعى في صلح وخير

والله انه منظر يفرح الواحد اذا شاف هالجمع الغفير حول بعض

ونيتهم ان شاء الله طيبه وقصدهم الخير

الله يوفقنا وياهم لطريق الخير والسداد

صراحه اول مره اسمع بسالفته واشوف الصور

الله يقومه بالسلامه ويرفع عنه وعن مرضى المسلمين

اللهم يا حي يا قيوم اسألك مسألة العبد الذليل

ان تسبغ عافيتك على عبدك الوليد بن خالد

وان تصلح حاله وتذهب ما به من بأس انك على كل شيء قدير

اللهم اميـن

صبوا لي من الفنجال وارهوا لي من الدلـّه

البن الأشقـر يداوي الراس فنجالـه

الشاعر مابعد ذاق الريد والبلاك

والا بيغير رايه اكيد

حلالاه من لقط له غريشه من ذالعرايس المصفوفه وطقطق عليها في السطح

الله من المواضيع والردود اللي بتطلع

والله حمله طيبه اذا حسبنا البطل من 150 بيطلع معهم مبلغ محرز >

يانوم عيني يالهيئه لبا قلوبكم

ودي اروح اسحبهم بعلابيهم اللي معترضين على الهيئه في موضوع زرار طقطق

واداعبهم بهالصور اللطيفه

الله يجزاهم خير الهيئه ويوفقهم على حماية وطنا من هالشرذمه

يحليله ذالنمر ما احلاه وألطفه

صح ان عيني على البنت اللي على اليمين احس انها بتكبر وتطلع مووت

بس النمر فعلا جذاب

اقتباس:

وفعلا رزقت بمولود ذكر عبارة عن تيس أبيض واسود -هقوتكم وش ميوله

هلالي بدون الوان خخخخخ

اجل راعية حلال وسنافيه من يومتس صغيره

اني داري ذاللغاصم والعلبا مهب على حضريه ابد

بس عاد وحيد سيف الله يهديتس

لو قايله الزنكلوني اهون > على نبّوصه ( ومدلعها بالشده )

شقرديه يعطيتس العافيه على هالموضوع الفنتاستك

وماتحرميناش من هيك طلات

مع السلامة ,,

وني وني وني وني

**سفيرة الحزن** · 03-04-2007, 08:13 PM

وعليكم السلام ورحمة الله وبركاتهووو ..

شقـ شقـ شقرديه ....

الله يعطييييييييك العاااااااااااااااااااافيه ومن قلب ..

الله يجزاه الأمير تركي بن عبدالله الخير وتسلم الأيادي البيضاااااااء ..

وبرايفت ::: فديت عنززززززززززه عيال وايل والبنات لا يزعلن :::

وحسبي الله على من يروج الخمور جعله لجهنم مانيب رادتها عنهم ... آمين

والله يشفي الأمير الوليد بن خالد بن طلال وتقر عيون امه وابيه وكل حبايبه

بقومته بالسلامه يارب آآآآآآآآمين .. .

أماااااا

هالصووووووره اعجبتني حييييييييييييل

يااااااالبى قلبه <-- فاهمه غلط

شقـ شقـ شقرديتووووووووو الله يعطيك العافيه

**وجع مفاصل** · 03-09-2007, 01:39 PM

تشكيله حلوه

استفاده

من خلال التنوع الثقافي

شكرا على مجهودك اللي تتحفينا فيه

صراحة ...

**شقرديه** · 03-13-2007, 09:07 PM

حيّا الله كل من شرف موضوعي

كل من قرا ورد

ومن قرا وما رد>>حبيبه وقسم

::اسير الصمت::

اقتباس:

ماشاء الله عليت ياشقردية زينة بنات الزكرتيه

ماخليتي شي

اقتباس:

اولا >>> توهق .

الله يجزا الامير تركي كل خير على مافعله ويجعله في ميزان حسناته

آمين وكل من سعى في خير

اقتباس:

ثانيا الله يشفي الامير الوليد بن خالد ويعافيه ويكتب له الاجر والطهور بأذن الله ويشفى مرضى المسلمين من كل مرض ويعافيهم ويبعد عنا وعنكم الامراض

اللهم آمين وقر عين والديه بشوفته صحيح معافى

اقتباس:

ثالثا <<<< لاتعليق

جهود جباره من هيئة الامر بالمعروف والنهي عن المنكر والله يجعلهم من ذا واشد >>> ادري انك مافهمتي شي ,,,, والله يسخرهم لمثل هذه الامور ويجعل اعمالهم في موازينهم يوم القيامه
واللهم من اراد سوء بالمسلمين فأشغله بنفسه واجعل كيده في نحره

الله لايبلانا لا إنتي ولاالمسلمين وانا قبلكم .

المشكلة إذا جوك ناس وقالوا نطالب

بإلغاء الهيئة

الله يجزاهم خير ويعينهم

اقتباس:

رابعا <<<<<< تحرجيني

ماشاء الله وش ذا القطو حركات والله لون خيال <<<<< ياجعل امه ماتستهبل عليك اجل قطو هااااااااااااااه

صدق من قال اللي مايعرف النمر يقوله قطوه>>الله من المصالة

اقتباس:

مشكوره والله يعطيك العافيه وتسلم يدينك

الله يعافيك ويبيقيك ويسلمك يارب

**شقرديه** · 03-14-2007, 08:00 PM

اقتباس:

المشاركة الأصلية كتبت بواسطة سلف خمسة [عفواً يمكن مشاهدة الروابط للمسجلين فقط للتسجيل اضغط هنا]

سلام ..!

وراك ماكملت السلام داخلن على يهود

وعليكم

اقتباس:

شقرديه مساء الفلافل

سلف مساء الحلبة الحصا

اقتباس:

شلونتس ياراعية التويس المقلـّم

بخير الله يسلمك

ياحلالاة انا ماذبحناه كان جاك هديتن مامن وراها جزية

اقتباس:

خشه سريعه دوغريه

خش أحد حايشك من الخشوش

ياصاحب احلى خشه في الحوش>>المقصود بالحوش الاستراحة بس لزوم القافية

اقتباس:

صراحه اشوف سالفة الجاهيه وحذف العقال في سبيل الخير واعتاق الرقبه

شغلات زينه واحيانا تصير مهب زينه

يعني لما يتدخل في السالفه امير وشيخ قبيله وناس من وجهاء البلد

احيانا يكون المعني بالأمر مرغم على التنازل بطريقه او بأخرى

وادناها لما تخاف يالشخص المعني انك تكسر كلمة الأمير

او تخليه يرجع مثل ماجاا بدون فايده

خصوصا انه اميـر وله مكانته و وضعه

او انه يكون شيخ القبيله ولازم ترجع له في اغلب امورك

يعني تخاف لاتكسر كلمته ويحدث مالا يحمد عقباه بعدين

الزبده اني احس فيها نوع من الضغط الغير مستحب > شتبي

يازين الواحد يتنازل بدون ضغوطات ومن قناعه انه بيلقى الأجر عند رب العالمين

سلف ممكن سؤال الحين انت وش تبي

يوم انك نشبت لي الرجال

بس تبي الصدق كلامك صحيح ولا عج ولاغبار عليه

لكن المهم انه اعتق رقبه من القتل

والله يجزاه خير

[

اقتباس:

img]http://zqrt.com/up/sing/turkey-zqrt-com%20(2).jpg[/img]

والله انه منظر يفرح الواحد اذا شاف هالجمع الغفير حول بعض

ونيتهم ان شاء الله طيبه وقصدهم الخير

الله يوفقنا وياهم لطريق الخير والسداد

آمين يارب

بس تصدق ماعرفتك وانت تقول غفير

اقتباس:

صراحه اول مره اسمع بسالفته واشوف الصور

الله يقومه بالسلامه ويرفع عنه وعن مرضى المسلمين

اللهم يا حي يا قيوم اسألك مسألة العبد الذليل

ان تسبغ عافيتك على عبدك الوليد بن خالد

وان تصلح حاله وتذهب ما به من بأس انك على كل شيء قدير

اللهم اميـن

اللهم آمين

اقتباس:

صبوا لي من الفنجال وارهوا لي من الدلـّه

البن الأشقـر يداوي الراس فنجالـه

الشاعر مابعد ذاق الريد والبلاك

والا بيغير رايه اكيد

حلالاه من لقط له غريشه من ذالعرايس المصفوفه وطقطق عليها في السطح

الله من المواضيع والردود اللي بتطلع

معليش أخوي سلف بكون صريحة معك

أنت وانت صاحي مالقطت لك غريشة ردودك موب نص كم الاّ كت

فما بالك اذا لطيت لك بلاك ولا الريد

الظاهر بتصير ردودك حاجة غير مركزة وغير مركبة

اقتباس:

والله حمله طيبه اذا حسبنا البطل من 150 بيطلع معهم مبلغ محرز >

ماسمعت بالمثل القائل الله يغنينا بحلاله عن حرامه

بس تعال سلف أثرك برىء وش 150

بـ800 هاه وش قلت النص بالنص

اقتباس:

يانوم عيني يالهيئه لبا قلوبكم

ودي اروح اسحبهم بعلابيهم اللي معترضين على الهيئه في موضوع زرار طقطق

واداعبهم بهالصور اللطيفه

اي والله انك صادز

قال ايش معترضين على الهيئة وان مالهم سنع

يعني هم اللي لهم سنع ياعمي استريح>>شاشت العبدة

اقتباس:

الله يجزاهم خير الهيئه ويوفقهم على حماية وطنا من هالشرذمه

آمين الله يسمع منك يابوقلب طويهر

اقتباس:

يحليله ذالنمر ما احلاه وألطفه

صح ان عيني على البنت اللي على اليمين احس انها بتكبر وتطلع مووت

هينا مانت طويهر بتاتن البته

الحين سادحتن لك ثنعش صورة

ماجازلك النمر الاّ في هذي

بس الغلطة غلطتي كان المفروض ما أدرج هالصورة

وانا عارفة ان فيه اعضاء عينهم مايلة >>موب قايلة زايغة

اقتباس:

بس النمر فعلا جذاب

والله أحلف

اقتباس:

هلالي بدون الوان خخخخخ

هاه بنقلبها مطاق شكلنا

اقتباس:

اجل راعية حلال وسنافيه من يومتس صغيره

أجل ما صار اسمي شقرديه من فراغ

اقتباس:

اني داري ذاللغاصم والعلبا مهب على حضريه ابد

خلك من اللغاصم البلا في العلبا

يومني صغيرة فيني قل صح

وتسووني اهلي مع علباي

بس اللي اخبره الناس يتسونهم بمسمار

وانا الظاهر تساويني بقدر ذبيحه

وميزته اانه من كبره موب باين

اقتباس:

بس عاد وحيد سيف الله يهديتس

لو قايله الزنكلوني اهون > على نبّوصه ( ومدلعها بالشده )

ياخي الحب من الله

وبعدين الزنكلوني عيارة مشعل ولد خالي عشان كذا ماقلته

اقتباس:

شقرديه يعطيتس العافيه على هالموضوع الفنتاستك

وماتحرميناش من هيك طلات

الله يعافيك ويبيقيك

وماننحرمش من ردودك بدون بلاك ولا وايت

**شقرديه** · 03-14-2007, 08:10 PM

اقتباس:

المشاركة الأصلية كتبت بواسطة سفيرة الحزن [عفواً يمكن مشاهدة الروابط للمسجلين فقط للتسجيل اضغط هنا]

وعليكم السلام ورحمة الله وبركاتهووو ..

شقـ شقـ شقرديه ....

الله يعطييييييييك العاااااااااااااااااااافيه ومن قلب ..

[

تسلمين ياقلبي ويعافيك ويبيقيك لعينن ترجيك

اقتباس:

color=#4B0082]الله يجزاه الأمير تركي بن عبدالله الخير وتسلم الأيادي البيضاااااااء ..

اللهم آمين ويجزى كل من سعى في خير

اقتباس:

وبرايفت ::: فديت عنززززززززززه عيال وايل والبنات لا يزعلن :::

والنعم والست انعام بهم

اقتباس:

وحسبي الله على من يروج الخمور جعله لجهنم مانيب رادتها عنهم ... آمين

ايو الله حسبي عليهم وعلى كل من كان فيه شر لأخوه المسلم

اقتباس:

والله يشفي الأمير الوليد بن خالد بن طلال وتقر عيون امه وابيه وكل حبايبه

بقومته بالسلامه يارب آآآآآآآآمين .. .

آمين الله يشفيه ويعافيه

اقتباس:

أماااااا

هالصووووووره اعجبتني حييييييييييييل

يااااااالبى قلبه <-- فاهمه غلط

يالبى قلبه وهو بعيد وصورة

وأوعدك اول ما اقتني نمر بهديتس واحد من اشباله

بس عاد مايندرى متى

اقتباس:

شقـ شقـ شقرديتووووووووو الله يعطيك العافيه

سفـ سفـ سفرفر سفيروووووووووه

مشكورة ياقلبي الله لايخلينا يالغلا

[/color]

**شقرديه** · 03-14-2007, 08:15 PM

اقتباس:

المشاركة الأصلية كتبت بواسطة وجع مفاصل [عفواً يمكن مشاهدة الروابط للمسجلين فقط للتسجيل اضغط هنا]

تشكيله حلوه

تشكيله خشبية ولا مائية >>ياقدمتس ومصلتس في آن واحد

الله يحلي ايامك وجوعي باشا>>تمون على المراقب

اقتباس:

استفاده

من خلال التنوع الثقافي

وهذا هو المقصد

تحيه لعبودي لالا

اقتباس:

شكرا على مجهودك اللي تتحفينا فيه

العفو أخوي

والشكر لك على هالطلة وهالرد

جعلها دايمه يارب

ام سعوووود · 03-14-2007, 08:48 PM

وعليكم السلام ورحمه الله وبركاته

ياهلا اختي شقرديه

خبر الافراج عن القاتل بصراحه خبر يفرح القلب
والله يخلي امرائنا امراء الخير والطيبه
وعلى راسهم ملكنا المفدى

والله يصبراهل المقتول ومايحرمهم اجر العفو هذا يارب

الله يشفي الامير الوليد بن خالد بن طلال
ويقوم سالم يارب

اعلانات المنتدى