اصطديااد ذئب ،، طلاسم ساحر ،، و منوعات آخرى

**سحابة حب** · 03-03-2007, 01:13 AM

صبااااااااحكم نور ،، ياورد مفتح في البلور ،،

حيااكم الله كلبوكم من اولكم لآخركم ،،

اليوم جايبه لكم موضوع كوكتيل ،، من هنا و هناك ،،

-1-

بالتحديد في شمال حائل في منطقة تسمى (ربدى) وبتحديد الدقيق في أبو عمارة في جنوب غرب قيصومة فيحان تقريبآ 30 كيلو متر. والبدو اللي حولة يقولون اللي ذبحة بدوي حولهم والله أعلم

- 2 -

وهذي بعض الطلاسم واشكاله يمكن غريب بس الهدف منها مهب الفرجه

الواحد يعرف شكلها ويحذ منها

والله يكفينا وياكم من شرها

وهذي هي الطلاسم اللي يستخدمنها السحره لعنة الله عليهم

- 3 -
وهذا اللي يسمونه معلق بالهواء

اسير الصمت · 03-03-2007, 04:15 AM

الله لايصبح الا بالخير

وش ذا الذيب ياسحابه بصراحة صيادين

اول مررررررررررره اشوف صورة ذيب مطلوق عليه

اما بالنسبه للصور للجزء الثاني بصراحة ارتعت الله يحفظنا ويكفينا من شر العين والحسد لك ولي ولكل المسلمين والمسلمات

بصراحة شي خرافي

الله لايبلانا ناقصين ترويعات وتخويف الله يصلحت حنا مانلام الليل من القطاوة تجي تجيبين لي طلاسم وخرابيط سحره

تسلم يدينك ياسحابه حب بصراحه ابدعت والله

**بيـــــــــش** · 03-03-2007, 04:26 AM

اصطديااد >> متحمسة بنت حوب

ومطوله المد يابعد كل الصيادين البدو منهم والحضر

صباحتس عود وبخور وعقد لولو منثور

مبطيه منتس يامعزبتنا الوردية >> مع تحيات الصورة الرمزية

واشتقت لمواضيعتس المشعللة بس اللاب توب مايشجع على التربع عليها وفل الحجاج

بس هو تقزيرة ألين الله يفرجها (وجه يفضفض)

تعالي تعالي

كأن هالمملوح أبو جاكيت أملح هو الفاعل

شوفيه يأشر على نفسه ويقول ترى أنا راعيها ،، لا وماسك السلاح

واللي بآخر صورة شكله كان هو اللي ماسك الكاميرا ولاقط الصورتين الخالدة اللي قبل

بالماريه يوم خلص قال صوروني وصوروه >> كاشته معهم

واللقطة الحلوة هي ان الرجُل البطل (وجه مجلة ماجد)

سحب الضحية وحطه على حصاتين كـ عضة وعبرة للي تسول له نفسه يسوي مثله

بس عساه مابلش مع حقين الحياة الفطرية

اللي يقولون لاتقضون على الثعابين

أجل نخليها تلدغنا وتعورنا وتقتلنا؟ >> اسمي نانسي

منااااك يالحياة الفطرية انتوا وحيواناتكم اللي عساها تفطس كلها

ومايبقى منها إلا الخرفان علشان لحومها وأصوافها وجلودها

والبعارين علشان نركب عليها لاحدنا الزمن

يقولون الطفرة راح وقتها ونبي نرجع للخيام والبران وحلب الخرفان

الله لايقولها وان قالها الله أنا بروح مع الطفرة

وه ملحي بس (وجه ماشي)

كنت بختم وناسيه هالأشياء اللي تخرع

عاد والله اني مفكرة اني أسوي سحر لوحده وأطيرها قلايع وادرين على أقرب رحلة

وسمعت ان الشغالات بالسحر يقدرون يروحون لأهلهم ويرجعون وهم معنا

ويوم تطقست وتغلغلت في الموضوع عرفت انهم يشكون خيط بابره ويعلقونه ويسافرون

وإلا يشغلون الماي ويخلونه ويروحون من الصنبور >> صنبور

وبعضهم تسافر بـ شعرة

مدري ليه هالخبول يجون عندنا بطيايير وفلوس وخساير

لو أنا شغالة >> تفاول على عمرها

كان في اليوم أزور ثلاث بلدان سياحية

وحدة فطور ووحدة غدا ووحدة عشا

ولو نادوني أهلي أتضايق يوم يقطعون علي الرحلة بس من البِر برجع لهم وبعدين أكمل >> عاشت الدور

الله يكفينا شر السحر وأهله

وتسلم الأيادي سحوبايه هانم وعساي ماأفقد هالمواضيع وراعيتها

ويارب يطلع ردي أول رد علشاني تحمست يوم شفت الموضوع جديد

وخبرتس مبطيه من الردود ،، وخاطري تكون البداية من عندتس بأول رد

خثرده وبربره واجده الله يعينتس تقرين

بروح أنقلع للدوام القسري

with باي >> يعني يالله صباح خير واسبوع خير

الرجل الذي كويس · 03-03-2007, 04:02 PM

: الله لا يمسيك ولا يصبحك الا بالخير سحااابة

بصراحه الصورة بالنسبة لي مشكوك فيها

ماهو انتي طبعاً الي مشكوك فيها

بس أبو الشباب راعي السلاح

أحس لاقي الذيب ميت ونزل يصور

يعني لو تتدقين في هالصورة

حتى الدم الي في الصورة رايح أسود وميبس >>>> بالقوة يطلعك كذابة

[line]

اقتباس:

اصطديااد >> متحمسة بنت حوب

ومطوله المد يابعد كل الصيادين البدو منهم والحضر

ياجلعني ما اغلط عندك >>>> هذا المستخدم فاااااطس ضحكون

اقتباس:

ومايبقى منها إلا الخرفان علشان لحومها وأصوافها وجلودها

والبعارين علشان نركب عليها لاحدنا الزمن

يقولون الطفرة راح وقتها ونبي نرجع للخيام والبران وحلب الخرفان

تصحيح معلومة التيوس هي الي تنحلب ماهي الخرفان >>>> نفس المستخدم الي فااااااطس من الضحك فوق فاااااطس من الضحك تحت

.

**سحابة حب** · 03-03-2007, 09:39 PM

حياااااك الله يا اسير الصمت

انت اول مره تشوف ذيب مطلوق عليه ،، انا اول مره اشوف ذيب بكبره >> يقول جدتي الله يرحمها قتلت ذيب هجم على غنمها ،،

بس بصراحه ماني مصدقه السالفه ،، احس انها مبهره واجد ،، >> استحي يابنت

اما السحر و الطلاسم ،، حلو اننا نشوفها و نعرفها عشان نقدر نتقيها

نورت خيوو

**سفيرة الحزن** · 03-03-2007, 09:55 PM

وعليكم السلام ورحمة الله وبركاته ..

اولاً الله يكفينا الشر ويحمينا ويحميكم ويقينا ويقيكم من السحر قولوا آمين

ثانياً الذيب مايصيد إلا ذيب مثله <-- تمدح ترى هع

أن كان صدق فـ أشهد إنه راعيهاااااااا

وإن كانها العكس فـ إشتهر على حساب هالذيب <-- مبطي ههههه

سح سح سحابه الله يعطيك العافيه وتسلمين على هالموضوع

**سلف خمسة** · 03-05-2007, 12:32 AM

سلام ..!

أووووووووو

ياماااميييي يخرع الذيب اثره كبير ودفش الله ياقانا

احسبه مثل الثعلب بس زيادة اظافر وانياب

بس واضح انهم صايدينه بانفسهم

لان اللي على اليسار يحريبها > على زف

مع انه صعب تصيد الذيب لانه يتحرك بمكر شديد ( كتاب مطالعه )

يبا درينا انك صايد الذيب

كل صوره يجلس جنب الذيب ويصور

خلصتوا الفلم على الذيب

اللي يشوفهم يقول صايدين دب

بعدين ماش الذيب ذا مهب صري

ناقد عليه في كم شغلـه اولها ان شعره ناعم

والذيب نعرف انه احرش شعره فلافل ماعنده نعومه > شب

والثانيه ان ذنبه ( ذيله

) مايوحي لك انه ذنب ذيب

مدري نفسيا مارتحت لهالذيب المغشوش

لكن نبارك لعواد وعوده على اصطيادهم الذيب

ونقول لهم شكلها جات بالغلط

والا شكلكم حق نصـع قوطي ببسي ويالله تصيدونه

وبالنسبه لـ صور السحر تقريبا كلها جديده اول مره اشوفها

لاحول ولاقوة الا بالله

الله يحفظنا ويكفينا الشر

اللهم رد كيدهم في نحورهم وابطل سحرهم

يعطيتس العافيه سحابه هانم

وشكرن جزيلن

مع السلامة ,,

وني وني وني وني

ام غليون · 03-05-2007, 08:35 AM

اقول يا كذب هالرجاجيل كذباه الذيب محريتنه ميت له اسبوع ما تشوفون كيف منتفخ وشعره يقول انه ميت منذ مبطي

ثانيا الدم يابس من زمن جدتي خخخخخخخ
ثالثا والاهم هالوجيه يادووب تصيد جرابيع وتخب خخخخخخخ

اما الطلاشم انا اقشعر بدني يوم شفتهن العياذ بالله من الخرعه كاتبه طلاشم خخخخخخخخ

اخر شي يا سلف صلح سيارتك اللي كاتمه المنتدى بريحتها خخخخخخ مبوشه خخخ

**عميد الزكرتية** · 03-05-2007, 09:52 AM

صباح الخيرات ياسحابة

يالله حيّ معزبتنا

اول شي نجي لسالفة الذيب << صارت سالفه

انا اشوف ان صيدة الذيب عاديه

لو يجي ايّ واحد يعرف يرمي بيصيده

لانه اكبر من الطلي حجماً

يعني مافيه امل احد يخطيه اذا رماه

وانا اشوف ان صيد الارنب بالبندق اصعب من صيد الذيب

لان الارنب اصغر حجم من الذيب

واكثر مكر ومراوغه << (وجه سلف)

اجل كيف لو شفتوا الرجال

اللي لحق الذيب بالسيارة لين دعسه

نجي للشغلات اللي ماتصلح << الطلاسم

^
^

حسبي الله عليهم ونعم الوكيل

ملطخين القرآن الكريم بالدم

^
^

ودّي اعرف من اللي خاط البدله هذي

هل هو أنسي او بسم الله الرحمن الرحيم

تذكرون من اول مانقول جني

نقول بسم الله الرحمن الرحيم من الذل

:: همسه في اذن ساحر ::

الحين انت ليش تسحر الناس

اكيد علشان الفلوس

طيب انت ساحر

ليش ماتختفي وتروح تسرق البنك << مافيه شي ينسرق الا البنك

صحيح والله انا استغرب من السحره هذولا

يجيه واحد ويعطيه الف والا الفين والا حتى عشرة الاف

علشان يسحر شخص مسكين

طيب ليش ماتصير رجال وتسرق البنك

او اي شي ثاني في مستوى البنك << يعني ارامكو مثلاً

صراحة احس ماعندكم رسم سياسات عليا

:: امنيات خلف كواليس العقل ::

لو السحر حلال

تدرون وش بسوي ؟؟

اول شي بلعن ام بوش

والشي الثاني اللي بسويه ( مشـفّـر)

وثالث شي بجيب اطلق مصمم فوتوشوب

واخليه يصمم لي تصاميم ملعونة خيّر واقول انها لي << ام العفن

سحابة حب الله يعطيك العافيه

ولاااااااااااهنتي

أبوعبدالله · 03-05-2007, 01:31 PM

أنا اللي خلاني أموت من الضحك هذاك الحبيب اللي مسوي حركة

رونالدينهو وجالس بجانب الذئب الذي ......... إلبخ

بصراحه الاخوان الي في الصوره مشكوك في أمرهم

أو ان الذيب تايوان مهوب ياباني خخخخخخخخ

ع العموم حصل خير وكل واحد يصلح سيارته

تحياتي

**سحابة حب** · 03-05-2007, 07:12 PM

بيشووووو ،، ليه الاحراج ،،

تصدقين عااد يوم انزل الموضوع ،، اقلب في الكلمة احس فيهاا غلط بس ماا ستوعبت

يالله ياكريم يرجعلتس ،، كمبيوترك بالسلامه ،، و تكتبين موضووع وش طوله ،، و اجي ارد عليك و اطلع اخطااءك

بيشوو كني بك إذا خلص البترول رايحه المدرسة على جمل ،، و إلا حماار

للأمانه ،، انا خقيت مع هالاجلح الاملح القوي ،، بس بما اني متزوجه قررت ازوجه لأقرب وحده لقلبي و هي انتي

**سحابة حب** · 03-06-2007, 10:04 PM

سفرفر ،،

اقتباس:

المشاركة الأصلية كتبت بواسطة سفيرة الحزن [عفواً يمكن مشاهدة الروابط للمسجلين فقط للتسجيل اضغط هنا]

اولاً الله يكفينا الشر ويحمينا ويحميكم ويقينا ويقيكم من السحر قولوا آمين

آمين يــــا رب ،،

اقتباس:

المشاركة الأصلية كتبت بواسطة سفيرة الحزن [عفواً يمكن مشاهدة الروابط للمسجلين فقط للتسجيل اضغط هنا]

ثانياً الذيب مايصيد إلا ذيب مثله <-- تمدح ترى هع

أن كان صدق فـ أشهد إنه راعيهاااااااا

وإن كانها العكس فـ إشتهر على حساب هالذيب <-- مبطي ههههه

ليته قعد في بيتهم ولا اشتهر على هالكشخه >> حااااااقده عليه

سفرفر ،، نورتي يا بعد حالي ،،

اعلانات المنتدى