السلام عليكم ورحمه الله وبركاته
كيف الزكرتين والزكرتيات ان شاء الله بخير
شوفوا ياوجيه الخير
انا هالقصيده ناقلتها وماادري اذا كان نقل القصايد مسموح اولا
بس اذا مهوب مسموح
ارجوا سحبها الى المخزن + كلمه طيبه بدون احراج خخخخخخخخ
هالقصيدة وهي بعنوان مراقص دبي
لها قصة
كان الشاعر /محمد بن الذيب في دبي في استضافه اذاعه الامارات وكان الضيف المرافق له شاعر اماراتي يدعي /جراح وبعد الانتهاء من تسجيل البرنامج قام الشاعر الاماراتي بدعوه ابن الذيب للعشاء في احد مراقص دبي ولكن ابن الذيب رفض الدعوه لأن المكان لا يتناسب مع اخلاقياته.
بعد رفض ابن الذيب الدعوه ارسل له الشاعر الاماراتي هذه الابيات
مرقص دبي اللّي له القلب يرتاح
حتى سلاطيـن الجزيـره تدلّـه
لاصار ما في شربة البن مصلاح
غرشه من الويسكي بفنجال دلّه
وان كان يابن الذيب منته بمزاح
فانا عقدت الحبل وانتـه تحلّـه
هذي بدايـة معرفتكـم بجـراح
إما شربت الكـاس والا فخلّـه
رد عليه ابن الذيب بقصيدة رائعة يقول فيها
ماهوب صح الله لسانـك ياجـراح
يكفي مـن العلّـه ثلاثيـن علّـه
أنته وحكامك هـل الكـاس لا لاح
والا سلاطيـن الجزيـره لا بـلّـه
حكام نجد اللّي ورا هضبـة رمـاح
ضلالهـم مثـل الجبـال المضلّـه
صغيرهم يلعب بكم لعـب مسبـاح
ويسد فاه أهـل القلـوب المغلّـه
إن مد كف الطيب ماهوب شحـاح
والـى تعـزوا دولـةٍ مستقـلـه
مانيب أزكيهم من جـا ومـن راح
يمكن يجي في صفة القـوم خلّـه
وان كان هرجك لي ولا انته بمزاح
يما حلا بعض الحكي فـي محلّـه
ما نشرب إلا البن الأشقر إلى فـاح
والا حليب بكار فـي وسـط ملّـه
رجل وطموحي من ورا النجم لا لاح
أكبر من اني أشتهر فـي المجلـه
يكفيني مـن المعرفـه والتمـداح
إني إلى ضاقت علـي قلـت : يالله
الوضع ذا مزعجني ولا نيب مرتاح
بـروح واخلـي لـك دبـي كلّـه
انتظر ردودكم وتعليقاتكم عليها
واذا انسحبت على الله العوض
,*,قصيدة ابن الذيب يرد فيها على مراقص دبي,*,
