[
B]تحيه طيبه لأخواني واخواتي الزكرتيه
بقووول السالفه هذي من شي مر علي واقع مرير مع السعوده اللي مالها سنع ..(يعني تدبل الكبد )
انا سؤالي او رجائي اذا كنت بتروح تدور وظيفه لا تخاطب اجنبي دوور ابن البلد ( واذا كان فيه خير بيسنعك )
بصراحه يالربع والربعات انا انسان احب الفكاهه والنكته بس جااا اليوووم اللي
كرهة فيه حاجه اسمها فكاهه او مرح تدرووون وش السبب
... جاي اراجع في احدى الشركات... ابحث عن وظيفه اعدل الوضع المايل ...............
تخيل وانت جاي تدور بعد هالشموس وهالقوايل في الدمام اللي مناخه على كيف كيفك ونتم عارفين في
هالفتره الصيفيفه في الدمام ...
وداخل الشركه اسئل السكرتيه وين قسم التوظيف ( يردون لا تعب نفسك . بس شف المكتب اللي قدامك )
هذا اوول الفال
واطيحلك في ذاك الهندي اللي جالس على مكتبه في هالمكيف المركزي هالتلفونات ياماشاء الله وهالكمبيوتر
ماتدري وش يرد عليه ولا تدري وش يقووول
الرجال شافني واقف عنده انتظره يخلص من كلامه .. ( ولد مؤدب يبي الوظيفه )
وانتظر .. يالربع تفريبا حووول الساعه وهالهندي يالربع المشكله ماادري وش يقووول في التلفووون
يقرقر والله اني اتبسم من الحشره اللي في صدري خابرا السياره مكيفها خربان والحراره مرتفعه
وطامع في الباراد في هالمكيف المركزي وانتظر الرجال يخلص مكالمته ....
وبدون سابق انذا
الهندي : ايس فيه ؟
انا : والله ياصديق انا ادور سغل ؟
الهندي : خلاص في cv ؟
انا : ايه فيه بس ياصديق فيه نفر سعودي انا ابي كلم هو ؟
الهندي : ايس فيه انا مافي كلام ؟
انا : انا هنا انصدمت قلت يمكن اني جبت العيد شكل هذا مدير الشركه
وعلى بالي برقع ياصديق معليش بس انا ابي نفر سعودي علشان مكتب العمل ( على بالي بااصرفه )
بس الهندي مقطع اربع ........
الهندي : شوف ياخي انا كلام جيب سي في ( يقصد ملعون الوالدين السيره الذاتيه )
انا : اوكيه ياصديق انا جيب سي في . بس ( البدوي بدوي ) في وظيفه موجود هنا في الشركه
واحاوول اشرحله الاعمال اللي اعرفها والخبرات والشهادات اللي موجوده ........
وبعد التركيز اثاري الهندي ماهوو يمي ولا فكر فيني قاعد يكتب في موقع على الانترنت
واقوووله ياصديق يارفيق والمشكله اكلمه وانا ماد يدي وفيها الورقه السي في
الهندي : ايوه ؟
الهندي : اه امم ؟
الرجال ماهوو يمي بالمره
انا : ياصديق انت مشغول ؟
الهندي : ( سمع الكلمه هذي ماصدق ) ايوه ياخي مسغول ؟
انا : انا انتظر شوي لين انت خلص بعدين مافي مشكله ؟ ( طامع في البراد وعلى امل بعد الله في وظيفه )
الهندي : ايس ايبي انت ؟
انا : افااااا....... ياخي انا دور شغل مافي معلوم كلام انا ( مايمديني اكمل الجمله الا والرجال منطلق علي )
الهندي : انت ايبي كلام سيدا ولا منا منا ؟
انا : ايوالله ياصديق انا ابي سيده منا منا مافي فايده
الهندي : مافي شغل هنا . نفر سعودي مافيه ؟
انا : جاتني حاله الصدمه والذهول ( هذي حرب امريكا على العراق ) ورحت فيها والظغط عندي
ارتفع .....
واقووول للهندي : طيب ليش انت كلام جيب سي في ؟
وليش انت كلام طريقه كذا . انا مايبي شغل عندك ؟ انا شغل شركه . ووين هذا نفر سعودي
انت مافي فايده والله وانا انطلقلك عليه .......... طللعت الحره اللي في قلبي كنت كاتمها بس ماصبرت
وانا اتكلم واهاوش الا وهو ياخذ التلفووون ويتصل ويقرقر وانا يرتفع ظغطي زياده وووشوي اقوووله سكر وشوووي اسكت واقوول يمكن يجي الفرج يجيب الله سعودي اقل حاجه لو يبرد قلبي في هالهندي
لو ما يوظفني بس .............تجري الرياح بما لا تشتهي السفنوووو ( وياكثر ماتغرق هالسفن )
واقعدلك على قلبه في المكتب وشوي دقايق بس الا ويجيك هالهنود اللي حاطين كرفتات ياعيني
هندي ومكشخ ... ويقرقروون مع بعض وشوي الا وهم يضحكوون واذا عاينت فيهم يقوولي واحد
منهم كيف الحال ( انا وصلل الظغط عندي الخط الاحمر ولو فيه شي بعده قد وصله ).
واخو بدوى يقوووم من الغبنه والله ماتسمعون يارياجيل الا العزاوي وانقز لين وصلت مكتب ابو فسيه
واحط عيني في عينه واقوووله انت ايش شغل هنا . قرقر (ابي سبب علشان اللعن والدينه بس) ..
الهندي عرفلي وقالي : ايس سغل انتا ؟ اطلع براا يالله رووح ......ويقرقر على اللي عنده
والله وعينك ماتشووف اللا النور وامسكه بلسان الكلب اللي لابسها واجره واخر جره لي يالربع
ماعاد ادري مني في يده ملفاتي في جهه والشماغ في جهه والحاله حاله وبصراحه
دريت ان ال ابو هنود ناووين لي على شر بعد مافقعت اقلوبهم بها الساعتين اللي جلستها عندهم
مايمديني ادافع عن نفسي الا والسكرتيه محضرين ويش فيه ياوولد بس بس ويكتفوووني واقوول يالربع
هذا ملعووون الوالدين ....... ماكملت جملتي حتى .. الا يقووول السكرتي بالله يابوو الشباب لووو سمحت
امش معي وخم اووراقي والعزبه اللي طايحه وااحد من السكرتيه ماسكني وكأني بانحاش ولا بطبح من الدور
الرابع .... رحت مع السكرتيه ويقوولي ياخي انت وش فيك الوظيفه بالغصب الدعوى بالقوووه
واحاوول اشرحله الوضع واللي صار بس اخر شي
طلعت انا الغلطان وعلشان ما توصل المشكله للشرطه لازم اني اعتذر من الهندي ............
والله ويالربع وتاخذني العزه وارفض ذاك الرفض اللي لو جاتني القبايل كلها تزاحم ماووخرت عنه ..وطلع واحد من السكرتيه يكلم الهندي يقوووله ياصديق مافي داعي شرطه وهذا مسكين يبي شغل ... والهندي رافض
يرجع السكرتي يمي ويقووول يابن الحلال انت مالك ومال المشاكل رح للرجال واعتذر . .
وانا مصمل على رايي بس ... ولاهي الا دقيق الا والعسكر اقرب من هالشاشه اللي قدامي
( وبصراحه يالربع انا ماحب الشرطه .. مااذكر انهم وقفوني اللا لازم اركب معهم في الدوريه )
ويكلمني العسكري وياخذ تقرير من السكرتيه باللي صار لانهم هم جهه امنيه في الشركه
يقووول كلمت الهندي ؟
قلت ياخي تبيني اكلم الهندي وانا اللي رايح فيها ؟
العسكري : انت اللي رايح فيها ترى اذا ماتنازل انت معتدي على الرجال في عمله وبعدين شف المكتب
وش صاير فيه والله يالربع اني خابر مافيه شي بس مدري وشلون انكسرت شاشه الكمبيوتر
لا والقزازه اللي على طاولته منكسره بعد ..
وانا انادي السكرتيه ياسكرتي بالله عليك ساعة جيتني لقيت الاشياء هذي منكسره ..
السكرتي : ماانتبهت بس انا خابره اليوم الصبح شغاله مافيها شي ...
العسكري : ايه انت شكلك عبيط ؟
انا : يابن الحلال ولله لاني عبيط ولا استهبل بس انا جاي اقدم وهذي اوراقي وهذي سالفتي .
العسكري : شف ياولد اذا ماتنازل الرجال الحين ترى بتغرم اللي انكسر غير حقوق الهنود اللي مديت يدك عليهم
اقل واحد فيهم ان ماخذا افلوس بيدخلك السجن .
طلعت انا الضحيه ( والله وانزل الدمجه من المصيبه اللي ابتليت بها ولا عاد ادري وش اسووي )
وقلت للعسكري بالله عليك سو اللي تسوي بس اعتذر للهندي ماني معتذر لو اخذ في السجن مؤبد
ضحك العسكري .. وقال طيب انت منفعل وشكلهم غابنينك بس شف وانا اخووك الحق يقال انت غلطت
ولازم تدفع غلطتك (خشيت عرض وقلت طيب وهو مايدفع غلطته ) لالالالالالالالالا ياخي انت اللي
جايي الرجال في عمله انت ماتفهم ( ايـــــــــه صح ) .............
ويتكرم ويتفضل العسكري ويرووح يتكلم على الهندي وانا واقف وراه مطقوق ورايح فيها ومدري وش
بيصير واقوول الله يرحمنا
ويقوووله ياخي هذا نفر غلطان بس اذا انت ابي تنازل هوه يعطيك فلوس مافي مشكله ( واقول في قلبي حكم القوي )
اذا يبي انت هوه روح شرطه لازم كل نفر روووح سوى سوى
.... الهندي سمع سوى سوى ( طقه الخراش واللي كانو عنده راحوووا ) وقال للعسكري
ياخي هذا نفر غلطان ميه ميه وانا مايبي شي بس هو لازم سوي كممبيوتر وسوي هذا قزاز هوو مسؤول
انا مافي مسؤول ...............؟
والله ويفرجها ربك والغبنه تزود ويوقع تنازل ملعون الوالدين وادفع اربع ميه ريال قيمة اللي انكسر
وانا مطقوق بدال مااشتغل واجيب افلوس صار العكس ...................
هذي يالربع مشكله صارت معي ..
الكلام اللي ابي اوصله انه متى تتم السعوده اللي يتكلمون عنها
بعد سالفتي هذي رحت لمكتب العمل واقووولهم ياخي مايصير كذا انا من شباب البلد والاجانب عايشه
شوفو لنا حل الى متى ياخي ..
يردعلي الموظف ويقوول ياخي احنا نوظف مين ولا مين وبعدين هذي الشركات يطبقون النظام على الورق بس
مافي فايده احنا نوظف سعوديين وبعد شهر ولا شهرين يفصلون ويزعجونك يدورون شغل
واقول للموظف : ياخي تدري ليش السعودي ينفصل من الوظيفه لان رئيسه اجنبي ومستحيل يخليك الاجنبي
تمسك الشغل . تدري ليش لانه اذا مسك السعودي الشغل طار الاجنبي هذي ماتبيلها مفهوميه
انا كنت في وظيفه وقبل لا افصل منها كانت هناك مشاده مستديمه بيني وبينا الاجانب واستنتجت الحاجه هذي
منهم .. لانه كذا واحد مايبي يرجع للديرته وشهو خابر في ديرته لو فيها خير ماتركها وجااا
بس ( لقد ناديت لو أسمعت حيا ولاكن لا حياة لمن تنادي )
والله ماادري اللي البيت كذا ولا لا بس المعني واااضح
وتحياتي للجميع ............
ضحيه من ضحايا السعوووده
مراسكم من دريشة السعوووده
ابو دريشه
بوسـطن - مــــــووووووووســـكوووووو[/b]
سعودة الاجانب.............؟
