ادخل على اللي تطوف البيت حجاجه
من ناقصٍ عند مدح الغير يتذمر
السلام عليكم
فيه شي اسمه (( حقيقه )) وشي اسمه (( طمس الحقيقه ))
ما أدري انا هل الهلاليه يغيظهم العشق والحضور الملفت للنظر لجماهير النصر؟
مايختلف اثنين على ان النصر بالوقت الحالي (( ما حولك أحد ))
بس وش المطلوب من اللي يتابع مباريات فريقه خلف الشاشه او في الملعب ؟
ينزل يطق فيصل والوليد او يجلدون خالد السلامه وطقته
انا اقولكم المطلوب من وجهة نظر الهلاليه
تقاطعون مباريات النصر الين يتعدل الحال
يعني مباريات النصر تصير مهجوره
وبكذا يتغنى كل هلالي بتدهور مستوى النصر بالاضافه الى مقاطعة الجمهور
البارح وانا اتابع المباراه طبعا معي كذا هلالي
كل ماجات اللقطه على جمهور النصر
تسمع اذني الجمل هذي ::
( والله الجمهور مضيع نفسه , امحق جمهور , الحين وش يبون ذولا يحضرون )
بغض النظر عن كلامهم
تدرون هذا وش يدل عليه ؟
يدل ان الهلال لو يمر بنفس ظروف النصر
تخلوا عن تشجيع الهلال وراحوا يدورون فريق غيره
يعني تشجيعهم اناني مجرد بحث عن مصلحه
كل هذا مهب غريب بالنسبه لي انا
بحكم كثرة نقاشات مع الهلاليه
يعني صرت اشوف العقلاني منهم شاذ لان الاغلبيه متعصبين
لما يتكلم عبدالرحمن بن سعود الله يرحمه أو غيره
فــ هو يمثل وجهة نظره
ولما يتصرف محمد بن فيصل تصرفات مراهقين
اعتبرها تصرف شخصي ما أعممه على كل الجماهير
الكلام على الغالبيه العظمى من الجماهير
والكلام عنهم يرجعني لبداية كلامي عن الحقيقه وطمس الحقيقه
اخر بطولة للمنتخب هي بطولة الخليج
يعني لا زالت راسخه بالراس
بعد مباراتنا مع الامارات ومع كثرة الفضفضه من الجماهير بعد المباراه
لاحظت ان عندنا منتخبين (( منتخب نادي الهلال )) ومنتخب الانديه الثانيه
في المباراه كانت فيه حقيقه لا يمكن لاحد ان يطمسها
هي ان اغلب لاعبين المنتخب وخصوصا الوسط والهجوم
كنا نتوقع منهم افضل من اللي طلعوا فيه من مستوى
عن نفسي قابلت بعد المباراه واحد هلالي منقهر من الهزيمه
سبب الخساره في رأيه ثلاث لاعبين اللي هم (( صالح الصقري , بدر الحقباني , عبده عطيف ))
ابو رحله كان بيني وبينه جوال وكان من ضمن اسباب الخساره في رأيه (( بدر الحقباني ))
واخر هلالي يقول ضيعنا مالك معاذ بأنانيته
هذا حال اغلب مشجعين الهلال في تحليلهم للمنتخب (( الوطني ))
ينظرون بعين وحده بس
انا ما أنكر الاسباب اللي ذكروها لكن ما تكون محدده ونغض النظر
عن اللاعبين الاخرين وحتى المدرب باكيتا
ماادري هل كان الشلهوب هو نفس الشلهوب اللي نعرفه
هل ياسر هو نفسه ياسر اللي يصنع لنفسه فرصه ويسجل
هل باكيتا اللي مشهور عنه انه يقرأ الشوط الاول وخطته تبدأ الشوط الثاني هو نفسه باكيتا ؟
انا ما احط اللوم على لاعبين الهلال ومدربهم السابق فقط !
انا اوجه كلامي للمشجعين الهلاليين اللي ماانتقدوهم وكأنهم كانوا نجوم المباراه في عيونهم
ما ادري ليش هل يتوقعون اذا قالوا الشلهوب مالعب زين
او ياسر توقعنا منه الافضل او غريبه باكيتا ماسوى كذا وكذا
ان راح تكون هناك حالة فرح عارمه عند من يكره الهلال ؟
ترى نحب ياسر والشلهوب وأي لاعب يفرض نفسه
بس يفترض ننتقد اللي نحبه اذا ما قدم المطلوب والمتوقع منه
مو نجير الهزيمه لاشخاص ونترك اشخاص
لان التحليل اذا دخلت فيه (( عاطفه )) ما يعتبر تحليل منطقي
ترى المطالبه ليست بالمستحيل
قولوا الحقيقه اللي انتوا تشوفونها
الا اذا كانت لكم عين وحده مثل المسيح الدجال
تقولون النصر ضعيف ومتهالك
طيب وش المطلوب ؟
حنا بعد نقول ضعيف ومتهالك
بس تبون جمهور يعشق ناديه يتخلى عنه بسبب ضعف مستواه ؟
اتوقع كل واحد يتكلم من مرئياته ومنظوره الشخصي
فرق بين الانتقاد والتشمت
الانتقاد يكون لمحاولة اصلاح خلل وهذا نوجهه للي نحبه
التشمت يكون تصييد اخطاء لغرض الضحك فقط
واتوقع ان التشمت هو الشي البارز بين الجماهير الحين
يعني ما دمت انا كــ نصراوي لا اتوقع الانتقاد من الهلالي
والهلالي نفس الشي مايتوقع الانتقاد مني
اذن ماراح احد يتقبل كلام الثاني
لان محد يهتم الا بناديه
لكن لما اتكلم كلام ويعتبر وجهة نظر تخصني
ماراح انتظر من الغير يقنعني بشي ثاني
لما يسألني احد عن رايي في جمهور النصر
راح اقول ان الوفاء يستمد وفاءه من جمهور النصر
ولما يسألني احد عن الهلال اقول فريق كبير غصبن عن اللي ما يرضى
ولو جاني واحد يدور الشر ويقولي
كلمه توجهها لجمهور الهلال اقول له :
حاول ان تستفيد ايها الجمهور المتخاذل عند اي هزيمه لفريقك
من جمهور النصر وحاول ان تعشق الهلال كــ نادي
ولا تكن غبياً وتعشق سامي الجابر
لان من وجهة نظري
سامي لاعب لا يعشقه الا الاغبياء
( وجه ابو رحله وهو يقول خلك ذكي واعشق احمد الخير )
على طاري سامي وش يبي يلعب الى الحين ؟
بس طالع كشخه مع اللوك الوصخاوي خخخخخخخخخخخ
حديتني يا سويمي اتكلم في الاشياء الشخصيه وانا ماودي
ترى فيه حلاق في النادي ولا تخاف على حساب الاداره
صاير من شباب الهيبز
عموما جماهير الهلال اغلبها صغار سن
والصغير صعب يستوعب كلام الكبير
يعطيك العافيه ابو لالا ولا يهون ابو عافت
جمـــهور الشمس - مقالة فهد عــافت جريدة شــمس
لاتفتح شدوق وتقول وش ذا الجمهور 
