ماشاء الله اثنين سجلوا معنا والسبب النصر والهلال
اجل على كذا بنحط فرشتنا في الحوش
ونتكي كل يوم نسولف مثل المجلس في قناة الكاس
بس من اللي يدير الحوار ؟
انا اختار سميح القلاف
على الاقل نضمن انه محايد
حبيت ارحب بالرجل الكويس ( مسجل بس ارد ) وناوي يكشت
وان شاء الله نشوفكم مدهرين في المنتدى
بغض النظر عن اختلافات الميول ووجهات النظر ..
ردود الفزعه دايما تخلي الواحد يرد بدون ما يتمعن
في الموضوع الاساسي والردود ..
والواحد اذا رد بدون تمعن معناته ترك عقله نايم
وانجرف وراء عواطفه ..
الرجل الكويس
اقتباس:
قريت في بداية رد أخوي ماشي الحال
شي أستغربت منه
ألا وهو
جملة
((((فيه شي اسمه (( حقيقه )) وشي اسمه (( طمس الحقيقه ))ما أدري انا هل الهلاليه يغيظهم
العشق والحضور الملفت للنظر لجماهير النصر؟ ))))
الموضوع يتكلم عن جمهور الشمس النصر العالمي <<< أية خير أنشالله
يعني وش هالطمرة على الهلال الله يهداك
|
لو تمعنت ما استغربت
اعلمك ليش الطمره على الهلال
الموضوع عن جمهور النصر وانه ظاهره وشي غريب
جاء ابو رحله وتكلم عن مباراة الفيصلي
وقام يحلل مباراة الفيصلي
ويتكلم عن الهلال والاتحاد
وتكلم عن الجمهور انه غير واعي
ويتكلم عن ادارة النصر
وجات شقرديه تفزع
شافت ابو رحله اخر رد
ويتكلم على النصر وشمرت عن ساعديها
وتكلمت عن بعد النصر من البطولات
والموضوع الاساسي عن جمهور النصر
اذن من حقي اجي و ارد على اللي تكلموا عن النصر
وهو حق مشروع لأي شخص
اللي هو الدفاع عن اللي يحبه
لكن اللي مهب حق مشروع ان العالم تسولف عن شي
ويجي واحد ينقز لشغله ثانيه
عموما اتوقع سؤالك توجهه لابو رحله افضل من انك توجهه لي
اصيغ لك السؤال ؟ اغششك
العالم يغششون الاجوبه وانا بغششك السؤال
استلم السؤال ::
ابو رحله الموضوع كان عن ظاهرة جمهور النصر
وش دخل مباراة الفيصلي ووضع الفريق وادارته ؟
تبي اغششك بعد اجابة ابو رحله ؟
اعتمد على نفسك شوي وحاول تطل في ردود ابو رحله
بختم كلامي معك بنقطه تجبرني اني ما اكمل معك النقاش
اقتباس:
|
والحقيقه صالح الصقري من أفضل الأظهرة
|
خليتني احس انك من اللي يتابعون المباراه تسعين دقيقه
الين تنتهي بعدين تروح تفحط بالسياره
ماتطالع مستوى ولا تركز في اللعب
عموما يبقى كلامك وجهة نظر وكلامي وجهة نظر
.......
ابو رحله ازيك يا متعصب
ياخي اسمع كلامك اسدأك اشوف ردودك استعقب << صح المثل كذا؟
في ردك الثاني وانت ترد علي
احس عندك كلام تبي تقوله وبس
بغض النظر هل هذا وقت الكلام او لا
الحين اربع قنوات مدري ثلاث
يتكلمون عن جمهور النصر انه ظاهره وشي غريب
وانه شي يستحق الوقوف عنده
لان النصر يصارع على الهبوط ومستوى داج من فتره
قناة الستقبل جايبين برنامج عن ظاهرة جمهور النصر
تخيل يكلمهم واحد ويقول :
ناقلين مباراة الفيصلي لملعبهم
وينهزمون وبلنتي البيشي مهب بلنتي
وهدف الزهراني هدف صحيح
ويتطرق للجمهور انه غير واعي
ويتطرق لمباراة الاتحاد والهلال وتقسيم الملعب
ويتكلم عن ادارة النصر انها فاشله
وش تتوقع لحظتها ردة فعلهم ؟
بيسكرون السماعه في وجهه
وبيقولون عزيزنا المتصل الحلقه عن ظاهرة جمهور النصر
وانت تتكلم عن اشياء اخرى
حنا هنا مو في قناه فضائيه
حنا في منتدى وعندنا الحريه اللي تخلينا ما نسكر السماعه في وجه احد
المحايدين يتكلمون عن ظاهرة جمهور النصر
ما تبينا حنا ياللي نحب للنصر نتكلم عنه ؟
لا تقولي تحركوا وطالبوا بتصحيح وضع الفريق
اذا كنت مهتم من النصر اقولك رح ادخل منتدى النصر وشف كلامهم
واذا كان طول الوقت يطالبون بتصحيح الوضع
ما يخلينا هذا نتجاهل التطرق لهذي الظاهره والاشاده فيها
تقول الظروف وذكرت ايام الخمسات للهلال
انا قلت لو يمر بنفس ظروف النصر
اقصد اكثر من تسع سنين بتقولي هذا مستحيل
بقولك انا قلت ( لو )
والكلام في ذا النقطه ماراح يجيب نتيجه
بس ذكرته عشان اوضح وش اقصد بكلمة ( نفس الظروف )
بس لاتحاول توهمني ان النصر يملك كل شي
اقتباس:
بعدين تعال اي ظروف تكلم فيها؟
فلوس وعندكم فلوس
محترفين وعندكم محترفين
جمهور وعندكم جمهور
|
نسيت اهم شي اللي هم اللاعبين
تقول عنده فلوس
هل تقارنه بالاتحاد والهلال
وتعرف الفلوس وش تسوي
محترفين وعنده محترفين
طيب قلنا عنده محترفين
وين الادوات الثانيه اللي هم اللاعبين ؟
لو قلنا فيه كذا واحد لعبه زين
فيه اكثر من لاعب مستواه داج
واللاعبين هم زبدة الفريق
لانهم هم الادوات اللي يعتمد عليها المدرب
وتعتمد عليها الاداره في نجاحها وفشلها
اقتباس:
متى ماتغيرت الادراه وابتعد عن عيال عبد الرحمن بن سعود
وقتها ممكن نشوف نصر زمان
|
الظاهر نصر زمان كانت ادارته غير عبدالرحمن وعياله
انت تقول عيال عبدالرحمن بن سعود
طيب على وقت عبدالرحمن جاب بطولات وخسر بطولات
وعلى وقت ولده فيصل حقق كاس اسيا وراح للعالميه
وخسر بطولات على وقت فيصل
يعني تجيير الفشل عليهم بلحالهم مو منطق
لانه في ظل تواجدهم حققنا بطولات وخسرنا بطولات
شفت بلنتي البيشي وهدف الزهراني
من اللي يقول البلنتي صحيح ؟
ومن اللي يقول هدف الزهراني مهب هدف ؟
اغلبنا قال اللي شافه وحنا شفنا الحقيقه
بس صعبه الهلالي يستوعب قول الحقيقه
انا جد استغرب ليه الهلاليه
ما يقولون الحقيقه واللي ما يقول الحقيقه هو اللي ( يكابر )
ترى اذا قلتوا الحق ماراح يعيد المباراه الحكم
مجرد سوالف وتحليل بعد المباراه
الا اذا داخلكم شك في بطولاتكم هذا عاد شي ثاني
لان كل شخص يعطي انطباع عن نفسه
عموما الكلام في ذا المواضيع ماله نهايه
بس في كلمه اقولها لكل هلالي
وذكرها ( ناوي يكشت )
النصر احتمال ينزل ونزوله امر متوقع
وعلى قولة ناوي يكشت يمكن يلعب في حارتهم
واحتمال يطلع من العربيه
واللاعبين اغلبهم داجين
السؤال اللي يطرح نفسه
وش المطلوب ؟
بمعنى اخر وش تبون ؟
رد: جمـــهور الشمس - مقالة فهد عــافت جريدة شــمس
