عندي مبدأ!!! وهو ألي موديني في مصيبة...... الله يستر

صومطرة · 02-11-2007, 03:57 PM

السلام على من أتبع الهدى .............. وهذي وحدة من المصايب

مسوية فاهمة ومرسلة السواق تتوقعون وين؟؟
محل تسجيلات إسلامية !!!! يعني نوعاً ما أحب أتثقف دينياً
وش كاتبة في الورقة الي مرسلتها بقائمة الطلبات
كاتبة (السلام على من أتبع الهدى) على بالي بشبك المطوع

رجعتلي ورقتي وعلى بالي فيها رقمة ..... لا أحد يصدق قسم قسم أمزح
تدرون وش كتب كتب على نفس ورقتي العبارة التالية :
هذا الخطاب لا يقال إلى للكفرة بالدعوة لهم بالهداية

يلعن أم البعصة

ومرسلي شريط كيف تتعامل مع أخوانك المسلمين حق طارق السويدان

عشان كذا لا أحد يتوقع مني شي زي العالم يعني حاولو تجاملوني لأني من جتني ورقة المطوع وأنا ما عاد لي وجة أرسل السواق لأنه مصري وأكيد قراها من جد أحس أنواع الأحراجات صارتلي هاليومين بس وش الي أهم شي فيها أقصد هالمصايب

أهم شي أني أشتركت في منتداكم
أبي مجاملات حتى لو أسب المراقبين
يصير ولا صعبة

maiaz · 02-11-2007, 04:35 PM

ارحب فيك بالمنتدى واتمنى لك امتع الاوقات والباقي

لا تعليق ؟

اخوك مــــــيــــــــاز

**ياتسبدي تسبداه** · 02-11-2007, 10:20 PM

أهلن بالعيد ..

وعلى من أتبع الهدى السلام ...

ياحيالله صومطرة وسكانها ...

زارتنا البركه وأزدانا المكان بحضوركم الفتّان ....

ك.ي ...

**سفيرة الحزن** · 02-12-2007, 06:33 PM

وعليكم السلام يا سومطره أو صومطره

من جد لا تعليق ..

أهلا بك .... ومن كلامك ماراح أواخذك

حياك الله

صومطرة · 02-12-2007, 08:10 PM

من جد بداية مااااااااااااااااااااا تطمن يعني
أحس انها تصريفة ذربة وش أسوي طيب
هذا جزاي عشاني صريحة
بس بكيفكم انتم الخسرانين
انا بطلع وشكلها الطلعه النهائية
ومشكورين وما قصرتو
والله لحرض الناس عليكم
أمزح أمزح
بس بحرض يا مانب قايلة

**..CanDy..** · 02-13-2007, 05:28 AM

السلاااام على من اتبع الهدى

وليه ماتنقال الا للكفره
قوليله يعطيك دليل
اتبع فعل ماضي... وشلون تصير دعوه للهدايه

كلنا متبعين الهدى والحمدالله ...

^

^

رحبي ولايكثر

حياك الله صومطره اخت بيننا ( حاااره هالشطه الاندونيسيه ما احب طعمها <--محد سألك)

منوره بيت الزكرتيه

ولاتهجين اتمنى نشوف مطامرك بكل أنحاء البيت

حياك مرتن ثانيه

كاندي

**سفيرة الحزن** · 02-13-2007, 01:02 PM

صومطره

ههههههه قسم إني ضحكت الين قلت للعنز يا خاله

وشو بدايه تخرع .. درعمي يا مال اللي مانيب قايله

بس انتي جايه تبين نعطيك الضوووووء الأخضر عالآخر وشكلك تمزحين

وللمزح حدوود مو تقولين أسب مدري وش يسمونه محد يقولي شي

هههههه فديتك ومثل ماقلتلك درعمي ولا عليك

حياك الله للمره الثانيه على التوالي

maiaz · 02-13-2007, 01:46 PM

وش ذا ؟
نفس الشي لمن تكون بشارع ضيق
وقدامك سيارة صغيره
وصاحبها مو فيها
وفاتح الباب ومخليه
ساد الشارع صح ؟

مادري وش السالفه لكن الاخت في الله (السلام عليكم من اتبع الهدى )
عصبت بي
مسويه زحمه

مــــــــيــــــــاز

صومطرة · 02-13-2007, 02:55 PM

سفيرة والله أنك أحس واحد من العيال
مدري وش فية أمتار زعلان يختي
بس شكلة من النوع الي يحب يدق أم الرسم ويفتر في العليا (العاليا هو : شارع ضيق )

على سيارة صغيرة ومخلي الباب فاتح ومازل من السيارة بس تدرين عاد ماهو مسوي زحمة الله يهداة بس

صومطرة · 02-13-2007, 03:00 PM

كاندي يالبى قلبها الصورة تجنن
بس بسئلك
صومطرة في أندونيسيا
لا تقول أية وأنا على بالي أنها في مكان ثاني يلعن أمها حاله طلعت

يعطيك العافية رفعتا معنوياتي

صومطرة · 02-13-2007, 03:08 PM

اقتباس:

المشاركة الأصلية كتبت بواسطة ياتسبدي تسبداه [عفواً يمكن مشاهدة الروابط للمسجلين فقط للتسجيل اضغط هنا]

أهلن بالعيد ..

وعلى من أتبع الهدى السلام ...

ياحيالله صومطرة وسكانها ...

زارتنا البركه وأزدانا المكان بحضوركم الفتّان ....

ك.ي ...

أحس انك تقصدني بأهلاً بالعيد يعني وش انا جايبة العيد الله يهداك يآخي والله عطوني فرصة بس والله أبدع أحس عندي أمكانيات بس محد أكتشفها والله لسوي الهوايل يا شيخ بس يالله مكتوب أعيش وأموت ومواهبي ما كتبت في التاريخ والأجيال القادمة هي المتضرر الحقيقي وانتم السبب حسبي الله ونعم الوكيل يارب عوضني من الدنيا في الآخرة وأكتبني من اهل الجنة أنا والسامعين
ياربي أحفضني وخلني لأمي وأبوي ياربي !!!!!!!!!!!!!!!!!! معليش سوري نسيت .
والسلام على من أتبع الهدي

**سفيرة الحزن** · 02-13-2007, 03:16 PM

سومطره ... واحد من العيال اجل هههههههههه

لا تعليق وبقووووووووووه

**شباب في رحله** · 02-13-2007, 03:24 PM

ياجماعه مدري وش جايني ذا الايام طايح في لسن توب بشكل مو طبيعي

لكن عاد زودتها شووي

اقحن منه لين يجيني حارق

عاد حارق السنتوب يزهق هو والزعتر

بس خلوا عنكم قسم بالله اذا بارد يجيب العافيه

صومطره <<< صومطره ولا تباسكو ( وجه مطعم ارامكو)

وعليكم << وشرايكم بالرد

الحين السالفه اللي قلتها صدقيه؟

واذا كانت صدقيه وش المغزى انك تقولينها لنا؟

اسئله تدور في خلجي
نرجوا من سيادتكم التكرم والرد عليها

بعدين تعالي وشفيتس داخله بعنتريه

احس ان شوشتتس منتفشه وماسكه عصا وتنافيخين وتلفتين

تنتظرين احد يقرب

هدي اللعب ترا كلن بيدخل قبره لحاله

والمنتدى للجميع ووجودك يضيف لنا الكثير
ومنوره بطلتك

اعلانات المنتدى