كم في وجيه الخلق (سالم و جسّاس) = هيبة ملوك الشرق و الخاتمه(تيس)
قلبٍ بلا مذهب و قولٍ بلا ساس = لا يتبع (السنّه) و لا يتبع (ابليس)

ما عدت بحمل همّ غيري من الناس = تكفيني همومي و كثر الهواجيس
حدّتني الدنيا على شوك و اطعاس= ما قرّبَه مزرب و لا داستَه عيس
درب ٍ على غير الدليله و هوجاس =فيه البلا ماهوب لمّة وساويس
امشي وتحداني مضرّات و اتعاس = و اليا تعرّضت الهوى عرّض ابليس
مثل السما صوتٍ و تلويح و انفاس = كنّي تحت رجلي تدقّ المراويس
رجلٍ بلا ماطى و رجلٍ على راس =ما قرّت ايام العمر للمناحيس
اقرب من الرجوى و يبعدني اليآس = لولا الخطا قايم على كفّ تدليس
كنّي وسط بحر ٍ و لا نيب غطّاس = شاف الذي بيده بعَد ربّه القيس
يوم استوى زولٍ تقُل نور نبراس = في طلعته للي ترجّاه تنفيس
و اثر الخفا ما به من العزم و الباس = مثل الصور لكن على الزور تلبيس
اقفى و انا قلبي على شِقّ محماس = مالي في اخماس المسرّات تخميس
كم في وجيه الخلق (سالم و جسّاس) = هيبة ملوك الشرق و الخاتمه(تيس)
وقت الرخا راسي و بالضيق محتاس = رايٍ بلا رايه و فعل الملاحيس
ينثر لك علومه على دقّ مهراس = مثل الذي ينثر زهابه من الكيس
من غير ما تنشد يورّيك قرطاس = مابه من علوم الرجاجيل تحميس
و يشبّه افعاله بهدّات وانكاس = كنّه و هو عندك رقى عرش بلقيس
في كلّ مشراب ٍ لك يقول له كاس = حتى تقول انه كسر خشم رمسيس
ودّك تجزّ اقصى مثانيه بالفاس= لا من تطرّف لك عن اهل المداميس)
ما هوب لا سبعٍ و لا هوب قرناس =بينه و بين اهل الطويلات تخريس
ناسٍ لهم فوق الشواهيق مجلاس=لا داسوا سْنام الجمل زاد تنكيس
ادناهم فْعوله بالافلاك تنقاس = ما غرّته نفسٍ تغرّ الغطاريس
لو تنقطع رجله على النجْس ما داس = يخشى على ثوبه من النجْس تنجيس
و اليا نطق رصّ الحكم رصّة الماس= ما له على كثر السواليف تمريس
امّا سكت عقلٍ تكلّم بْنوماس= ورّاد صدّارٍ بعيد المراميس
جوده بْماجوده و لا يطري افلاس= لا غلّت ايدين الذي خاف تفليس
و اليا طعن شقّ و تعدّى و لا قاس = لا راح ما عوّد بْخيبه و تخسيس
ذاك الذي تسمع خطاويه لا داس = ما هو كما وجه ٍ مزّور و تلبيس
قلبٍ بلا مذهب و قولٍ بلا ساس = لا يتبع (السنّه) و لا يتبع (ابليس)

لا عشقـت و لا كرهـت و لا نسـيـت=موقفـي لـك مـا تفسّـرْه الـحـروف
أشتكـي و اشـرَه عليّـه لا شكـيـت=ويش اسوّي و انت ضيف من الضيوف !!

المشاركة الأصلية كتبت بواسطة فرطه [عفواً يمكن مشاهدة الروابط للمسجلين فقط للتسجيل اضغط هنا] وعليكم السلام ورحمة الله وبركاته حي الله اخوي تـجــريح نـاسٍ لهـم فـوق الشواهيـق مجـلاس لا داسـوا سْنـام الجـمـل زاد تنكـيـس ادنـاهــم فْـعـولـه بـالافــلاك تـنـقــاس مــا غـرّتـه نـفـسٍ تـغــرّ الغـطـاريـس لو تنقطع رجله على النجْس مـا داس يخشى على ثوبه من النجْس تنجيس و اليا نطق رصّ الحكم رصّة المـاس مـا لـه علـى كثـر السواليـف تمريـس امّــا سـكـت عـقــلٍ تـكـلّـم بْـنـومـاس ورّاد صــــدّارٍ بـعــيــد الـمـرامـيــس صح لسانك وجاد بنانك ياخوي والدنيا فيها الصايب والخايب وانا اخوك

لا عشقـت و لا كرهـت و لا نسـيـت=موقفـي لـك مـا تفسّـرْه الـحـروف
أشتكـي و اشـرَه عليّـه لا شكـيـت=ويش اسوّي و انت ضيف من الضيوف !!